ദുബൈയിൽ​ നിന്നെത്തി വീട്ടിലേക്ക് പോയ ആൾക്കെതിരെ കേസ്

തൊടുപുഴ: വിദേശത്ത്​ നിന്നെത്തി അധികൃതരുടെ കണ്ണുവെട്ടിച്ച് ടാക്സിയിൽ വീട്ടിലേക്ക് പോയ ആൾക്കെതിരെ ലോക്​ഡൗൺ ലംഘനത്തി​​െൻറ പേരിൽ കേസെടുത്തു. കരിമണ്ണൂർ പന്നൂർ മാത്യു ചാക്കോക്കെതിരെയാണ്​ പൊലീസ്​ കേസെടുത്തത്.

കഴിഞ്ഞ 17ന് രാത്രിയാണ് ദുബൈയിൽനിന്ന്​ വിമാനത്തിൽ മാത്യു നെടുമ്പാശ്ശേരിയിൽ എത്തിയത്. അധികൃതർ തയാറാക്കി നിർത്തിയ വാഹനത്തിൽ കയറാതെ ടാക്സിയിൽ വീട്ടിലേക്ക് പോകുകയായിരുന്നു. പിന്നീട് ആരോഗ്യപ്രവർത്തകരും പൊലീസും ചേർന്ന് ഇയാളെ ക്വാറ​ൻറീൻ കേന്ദ്രത്തിലേക്ക് മാറ്റി.