Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകോവിഡ്​ ചികിത്സ:...

കോവിഡ്​ ചികിത്സ: കേരളത്തെ പ്രകീർത്തിച്ച്​ ദേശീയ മാധ്യമങ്ങൾ

text_fields
bookmark_border
കോവിഡ്​ ചികിത്സ: കേരളത്തെ പ്രകീർത്തിച്ച്​ ദേശീയ മാധ്യമങ്ങൾ
cancel

കോഴിക്കോട്​: കോവിഡ്​19 മഹാമാരിക്കു മുമ്പിൽ പകച്ചു നിൽക്കാതെ പ്രതിരോധം കെ​ങ്കേമമാക്കിയ കേരളത്തെ പ്രകീർത് തിച്ച്​ ദേശീയ മാധ്യമങ്ങൾ. സ്​ഥാനത്തും അസ്​ഥാനത്തും കേരളത്തെ നിശിതമായി വിമർ​ശിക്കുന്ന ചില ഉത്തരേന്ത്യൻ ചാനലു കളടക്കം കോവിഡിനെ പിടിച്ചുകെട്ടാൻ കേരളം സ്വീകരിച്ച രീതികളെയും കർശന നിലപാടുകളെയും പ്രശംസിക്കുകയാണ്​.

വർ ഷങ്ങളായി മാറിമാറി ഭരിച്ച സർക്കാറുകൾ ആരോഗ്യ മേഖലക്ക്​ നൽകിയ പ്രധാന്യമാണ്​ ഈ മഹാമാരിയെ നിയന്ത്രിച്ചു നിർത്താൻ കേരളത്തിന്​ തുണയായതെന്ന്​ ‘ടൈംസ്​നൗ’ നിരീക്ഷിക്കുന്നു. ഓരോ മൂന്നു ഗ്രാമങ്ങൾക്കും ഒരു പ്രാഥമിക ആ​ശുപത്രിയുണ്ട്​ കേരളത്തിൽ. കൃത്യമായ പരി​േശാധനകളും രോഗികളുടെ സമ്പർക്ക വഴികൾ കർശനമായി നിരീക്ഷിച്ചുള്ള ഐസൊലേഷൻ നടപടികളുമടക്കം കോവിഡ്​ പ്രതിരോധത്തിൽ തുണയായി. കെ​ാറോണ വൈറസ്​ ബാധ ഇന്ത്യയിൽ സ്​ഥിരീകരിച്ച ആദ്യ സംസ്​ഥാനമാണ്​ കേരളം. ചൈനയിൽനിന്ന്​ വന്ന മൂന്നു വിദ്യാർഥികൾക്ക്​ ജനുവരിയിൽ രോഗം ബാധിച്ചത്​ സ്​ഥിരീകരിച്ചതിനു പിന്നാലെ, 2018ൽ നിപ വൈറസിനെ പ്രതിരോധിച്ചതുപോലെ സംസ്​ഥാന അധികൃതർ തന്ത്രപരമായ തീരുമാനങ്ങൾ എടുത്ത്​ നടപ്പാക്കിയതി​​െൻറ ഫലമാണ്​ ഇപ്പോഴത്തെ അനുകൂല സൂചനകളുമെന്നും ചാനൽ നിരീക്ഷിക്കുന്നു.

ഇന്ത്യയിൽ രോഗികളുടെ എണ്ണം കുതിച്ചുകയറു​േമ്പാൾ കേരളത്തിൽ കുറഞ്ഞുവരുന്നത്​ ആശാവഹമാണെന്ന്​ ’ഇന്ത്യ ടുഡേ’ പറയുന്നു. കോവിഡ്​ 19 ബാധിച്ച്​ ചികിത്സയിലുള്ളവരേക്കാൾ കൂടുതൽ പേർ കേരളത്തിൽ രോഗം ഭേദമായെന്നത്​ ശുഭസൂചനയാണ്​. ​ചൊവ്വാഴ്​ച ചികിത്സയിലുള്ള രോഗികളുടെ എണ്ണം 173 ആണന്നിരിക്കേ, രോഗം ഭേദമായവർ 211 ആണ്​. രാജ്യത്ത്​ ആദ്യം രോഗം സ്​ഥിരീകരിച്ച സംസ്​ഥാനമായിട്ടും മൂന്നു മരണം മാത്രമേ ഇതുവരെ കേരളത്തിലുണ്ടായിട്ടുള്ളൂവെന്നും ചാനൽ ചൂണ്ടിക്കാട്ടുന്നു.

ആരോഗ്യ രംഗം ഏറെ മികച്ചതാണെന്നതു മാത്രമല്ല, ​മിടുക്കരായ ഡോക്​ടർമാരും നഴ്​സുമാരും കേരളത്തി​​െൻറ കോവിഡ്​ പ്രതിരോധത്തിന്​ കരുത്തു പകരുന്നെുവെന്ന്​ ‘ന്യൂസ്​ 18’ വിലയിരുത്തുന്നു. അടിമുടി എണ്ണയിട്ട യന്ത്രം പോലെ പ്രവർത്തിക്കുന്ന ആരോഗ്യ മേഖലയാണ്​ കേരളത്തി​​െൻറ ചെറുത്തുനിൽപിന്​ ഊർജമേകുന്നത്​. കഴിഞ്ഞ അഞ്ചുവർഷമായി 200 പേർക്ക്​ ഒരു ഡോക്​ടർ എന്ന തോതിലാണ്​ കേരളത്തിലെ ആരോഗ്യമേഖല. ദേശീയ ശരാശരി 2000 ആയിരിക്കു​േമ്പാഴാണിത്​. ആശുപത്രികളിലെ കിടക്കകളുടെ എണ്ണത്തിലും ദേശീയശരാശരിയേക്കാൾ ഏറെ മുന്നിലാണ്​ കേരളം.

മുൻ കോഴിക്കോട്​ കലക്​ടറും ഇപ്പോൾ നീതി ആയോഗ്​ സി.ഇ.ഒയുമായ അമിതാഭ്​ കാന്തും​ കേരളത്തി​​െൻറ മുന്നേറ്റത്തെ പ്രകീർത്തിക്കു​ന്നു. പ്രതിദിനം രോഗം ബാധിക്കുന്നവരേക്കാൾ കൂടുതൽ പേർക്ക്​ രോഗം ഭേദമാകുന്ന കേരളത്തി​​െൻറ കോവിഡ്​ 19 കൈകാര്യത്തെയും അതിന്​ നേതൃത്വം നൽകുന്ന കേരളത്തിലെ ജനങ്ങളെയും മുഖ്യമന്ത്രി പിണറായി വിജയനെയും അഭിനന്ദിക്കുന്നുവെന്ന്​ അമിതാഭ്​ കാന്ത്​ ട്വീറ്റ്​ ചെയ്​തു.

Show Full Article
TAGS:covid 19 kerala health system National media pinarayi vijayan 
News Summary - Kerala bends the curve with Covid-19 recoveries surpassing number of active cases
Next Story