എം.ഡി.സി ബാങ്ക് ലയനം വേഗത്തിലാക്കാൻ കേരള ബാങ്ക്​ നീക്കം

മ​ല​പ്പു​റം: ജി​ല്ല സ​ഹ​ക​ര​ണ ബാ​ങ്കി​നെ നി​ര്‍ബ​ന്ധി​ത​മാ​യി കേ​ര​ള ബാ​ങ്കി​ൽ ല​യി​പ്പി​ച്ച​തി​നെ​തി​രെ റി​സ​ർ​വ്​ ബാ​ങ്ക്​ ഹൈ​കോ​ട​തി​യെ സ​മീ​പി​ച്ചി​രി​ക്കെ, ഇ​രു ബാ​ങ്കു​ക​ളു​ടേ​യും സം​യോ​ജ​നം വേ​ഗ​ത്തി​ലാ​ക്കാ​ൻ കേ​ര​ള ബാ​ങ്ക്​ ഡ​യ​റ​ക്ട​ർ ബോ​ർ​ഡി​ന്‍റെ ധി​റു​തി പി​ടി​ച്ച നീ​ക്കം. ഇ​തി​ന്‍റെ ഭാ​ഗ​മാ​യി കേ​ഡ​ർ സം​​യോ​ജ​ന​ത്തി​ന്​ മു​സ്​​ലിം​ലീ​ഗ്​ എം.​എ​ൽ.​എ​യും കേ​ര​ള ബാ​ങ്ക്​ ഡ​യ​റ​ക്ട​റു​മാ​യ പി. ​അ​ബ്ദു​ൽ ഹ​മീ​ദ്​ ചെ​യ​ർ​മാ​നാ​യി ഉ​പ​സ​മി​തി നി​ല​വി​ൽ​വ​ന്നു.

പ്ര​ബ​ല യൂ​നി​യ​നു​ക​ളു​മാ​യി ഉ​പ​സ​മി​തി തി​രു​വ​ന​ന്ത​പു​ര​ത്ത്​ ച​ർ​ച്ച പൂ​ർ​ത്തി​യാ​ക്കി.

സം​സ്ഥാ​ന സ​ഹ​ക​ര​ണ ബാ​ങ്കും മ​ല​പ്പു​റം ഒ​ഴി​കെ​യു​ള്ള 13 ജി​ല്ല ബാ​ങ്കു​ക​ളും ല​യി​ച്ച്​ കേ​ര​ള സം​സ്ഥാ​ന സ​ഹ​ക​ര​ണ ബാ​ങ്ക്​ (കേ​ര​ള ബാ​ങ്ക്) രൂ​പം​കൊ​ണ്ട​ത്​ 2019ലാ​ണ്.

മ​ല​പ്പു​റം ജി​ല്ല സ​ഹ​ക​ര​ണ (എം.​ഡി.​സി) ബാ​ങ്കി​നെ സ​ഹ​ക​ര​ണ ര​ജി​സ്​​ട്രാ​റു​ടെ ഉ​ത്ത​ര​വു​പ്ര​കാ​രം കേ​ര​ള ബാ​ങ്കി​ൽ ല​യി​പ്പി​ച്ച​ത്​ 2023 ജ​നു​വ​രി​യി​ലും. എം.​ഡി.​സി ബാ​ങ്ക്​ ആ​സ്ഥാ​ന​ത്തും 54 ശാ​ഖ​ക​ളി​ലു​മാ​യു​ള്ള 335 ജീ​വ​ന​ക്കാ​രെ കേ​ര​ള ബാ​ങ്കി​​ന്‍റെ കേ​ഡ​റി​ലേ​ക്ക്​ മാ​റ്റു​ന്ന​തി​നു​ള്ള ന​ട​പ​ടി​ക​ളാ​ണ്​ പു​രോ​ഗ​മി​ക്കു​ന്ന​ത്.

ജീ​വ​ന​ക്കാ​രു​ടെ ആ​വ​ശ്യ​ങ്ങ​ളും സീ​നി​യോ​റി​റ്റി​യു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ളും പ​ഠ​ന​വി​ധേ​യ​മാ​ക്കി സ​ർ​ക്കാ​റി​ലേ​ക്ക്​ റി​പ്പോ​ർ​ട്ട്​ സ​മ​ർ​പ്പി​ക്കു​ന്ന​തി​നാ​ണ്​ കേ​ര​ള ബാ​ങ്ക്​ ഡ​യ​റ​ക്ട​ർ ബോ​ർ​ഡ്​ യോ​ഗം പി. ​അ​ബ്ദു​ൽ ഹ​മീ​ദ് ചെ​യ​ർ​മാ​നാ​യി ഉ​പ​സ​മി​തി രൂ​പ​വ​ത്​​ക​രി​ച്ച​ത്.

ബാ​ങ്ക്​ ല​യ​നം ശ​രി​വെ​ച്ചു​ള്ള ഹൈ​കോ​ട​തി സിം​ഗ്ൾ ബെ​ഞ്ച്​ വി​ധി​ക്കെ​തി​​രെ എം.​ഡി.​സി ബാ​ങ്ക്​ മു​ൻ ചെ​യ​ർ​മാ​ൻ അ​ഡ്വ. യു.​എ. ല​ത്തീ​ഫ്​ എം.​എ​ൽ.​എ​യു​ടെ അ​പ്പീ​ൽ ഹ​ര​ജി ഡി​വി​ഷ​ൻ ബെ​ഞ്ചി​ന്‍റെ പ​രി​ഗ​ണ​ന​യി​ലാ​ണ്.

ഇ​തി​നി​ടെ, ല​യ​ന​ത്തി​നെ​തി​രെ ആ​ർ.​ബി.​ഐ നേ​രി​ട്ട് ഡി​വി​ഷ​ൻ ബെ​ഞ്ചി​ൽ അ​പ്പീ​ൽ ന​ൽ​കി​​യ​ത്​ സം​സ്ഥാ​ന സ​ർ​ക്കാ​റി​നും കേ​ര​ള ബാ​ങ്കി​നും ക​ന​ത്ത തി​രി​ച്ച​ടി​യാ​യി​രു​ന്നു.

കേ​സ് ജ​നു​വ​രി 11ന് ​പ​രി​ഗ​ണി​ക്കാ​നി​രി​ക്കെ​യാ​ണ്​ ബാ​ങ്കു​ക​ളു​ടെ സം​യോ​ജ​നം വേ​ഗ​ത്തി​ൽ പൂ​ർ​ത്തി​യാ​ക്കാ​നു​ള്ള നീ​ക്കം.

ജീ​വ​ന​ക്കാ​രു​ടെ സം​ഘ​ട​ന​ക​ളെ ഒ​പ്പം നി​ർ​ത്തി, നി​യ​മ​പോ​രാ​ട്ട​ത്തി​ൽ മേ​ൽ​​ക്കൈ നേ​ടു​ക​യെ​ന്ന ല​ക്ഷ്യം ​കേ​ര​ള ബാ​ങ്ക്​ ഡ​യ​റ​ക്ട​ർ ബോ​ർ​ഡി​നു​ണ്ട്