Begin typing your search above and press return to search.
exit_to_app
exit_to_app
vd satheesan
cancel
Homechevron_rightNewschevron_rightKeralachevron_rightകിഫ്​ബി: അടിയന്തര...

കിഫ്​ബി: അടിയന്തര പ്രമേയത്തിൽ ചർച്ച; ധനമന്ത്രിയുടേത്​ രാഷ്​ട്രീയ കൗശലമെന്ന്​ വി.ഡി. സതീശൻ

text_fields
bookmark_border

തിരുവനന്തപുരം: കിഫ്​ബിയുമായി ബന്ധപ്പെട്ട സി.എ.ജി റിപ്പോർട്ടിൻമേൽ അടിയന്തര പ്രമേയത്തിന്​ സ്​പീക്കറുടെ അനുമതി. കിഫ്​ബി വഴി മസാലബോണ്ട്​ വിറ്റഴിച്ചതും കടമെടുപ്പും ഭരണഘടന ലംഘനമാണെന്ന സി.എ.ജി റിപ്പോർട്ടിൻമേലുള്ള അടിയന്തര പ്രമേയത്തിന്​ വി.ഡി. സതീശനാണ്​ അനുമതി തേടിയത്​.

കിഫ്​ബി 2018-19 സാമ്പത്തിക വർഷത്തിൽ മസാല ബോണ്ടുകൾ വിറ്റഴിച്ചതുൾപ്പെടെ കടമെടുപ്പ്​ ബജറ്റിന്​ പുറത്തെ കടമെടുപ്പാണെന്നും ഭരണഘടന ലംഘനമാണെന്നുമുള്ള സി.എ.ജി റിപ്പോർട്ട്​ ഗുരുതര സ്​ഥിതിവിശേഷമാണെന്ന്​ വി.ഡി. സതീഷൻ നോട്ടീസിൽ പറഞ്ഞു.

ധനമന്ത്രി തോമസ്​ ഐസക്​ സി.എ.ജിക്കെതിരെ രൂക്ഷവിമർശനം ഉന്നയിച്ചു. വികസനം തടസപ്പെടുത്താനാണ്​ നീക്കമെന്നും സർക്കാറിൻറെ വാദം കേൾക്കാതെയാണ്​ സി.എ.ജി റിപ്പോർട്ട്​ തയാറാക്കിയതെന്നും അദ്ദേഹം പറഞ്ഞു.

ഭരണഘടനയുടെ 293ാം വകുപ്പിനെ കിഫ്​ബി മറികടന്നു. ധനമന്ത്രി നിയമസഭയെയും ഗവർണറെയും തെറ്റിദ്ധരിപ്പിച്ചു. ധനമന്ത്രി സി.എ.ജി റിപ്പോർട്ട്​ ചോർത്തിയത്​ വിവാദം മുമ്പിൽ കണ്ടാണെന്നും വി.ഡി. സതീശൻ നിയമസഭയിൽ പറഞ്ഞു.

കിഫ്​ബിയെ അല്ല ബജറ്റിന്​ പുറത്തുള്ള കടമെടുപ്പിനെയാണ്​ വിമർശിക്കുന്നത്​. എക്​സിറ്റ്​ മീറ്റിങ്​ മിനിറ്റ്​സ്​ സി.എ.ജി നൽകിയിട്ടും ലഭിച്ചി​ല്ലെന്ന്​ മന്ത്രി പറഞ്ഞു. സർക്കാറിന്​ വിശദീകരണം നൽകാ​ൻ അവസരം നൽകിയില്ലെന്ന വാദം ശരിയല്ല. ധനമന്ത്രിയ​ുടേത്​ രാഷ്​ട്രീയ കൗശലമാണെന്നും അദ്ദേഹം കൂട്ടിച്ചേർത്തു.

Show Full Article
TAGS:Kerala Assembly KIIFB CAG Report 
News Summary - Kerala Assembly KIIFB CAG Report Discussion
Next Story