Begin typing your search above and press return to search.
exit_to_app
exit_to_app
g sudhakaran
cancel
Homechevron_rightNewschevron_rightKeralachevron_right'കേരളത്തിലും...

'കേരളത്തിലും കേന്ദ്രത്തിലും ഒരുമിച്ച്​ ഭരിച്ചിട്ടും ഒന്നും​ സാധിച്ചില്ല'; കോ​ൺഗ്രസിനെതിരെ ജി. സുധാകരൻ

text_fields
bookmark_border

ആലപ്പുഴ: ബൈപ്പാസ്​ ഉദ്​ഘാടന വേദിയിൽ കോൺ​ഗ്രസിനെ വിമർശിച്ച്​ പൊതുമരാമത്ത്​ മന്ത്രി ജി. സുധാകരൻ. കേരളത്തിലും കേന്ദ്രത്തിലും ഒരുമിച്ച്​ ഭരിച്ചപ്പോൾ നടപ്പാക്കാൻ കഴിയാത്തവരാണ്​ ഇവിടെ വന്ന്​ പ്രതിഷേധിക്കുന്നതെന്ന്​ അദ്ദേഹം പറഞ്ഞു.

'പദ്ധതി പൂർത്തീകരണത്തിനായി 174 കോടി രൂപ വീതം കേന്ദ്ര, സംസ്​ഥാന സർക്കാറുകൾ ചെലവഴിച്ചു. 2015ൽ കഴിഞ്ഞ സർക്കാറിന്‍റെ അവസാന വർഷമാണ്​​ ആലപ്പുഴ ബൈപ്പാസിന്‍റെ ഡി.പി.ആർ തയാറാക്കുന്നത്​. 15 ശതമാനം പ്രവൃത്തികൾ അവർ ചെയ്തു. ഭൂമിയുമായി ബന്ധപ്പെട്ട പ്രവർത്തനങ്ങളാണ്​ നടന്നത്​.

പിന്നീട്​ വന്ന എൽ.ഡി.എഫ്​ സർക്കാർ അതിന്‍റെ ബാക്കി പ്രവർത്തനങ്ങളാണ്​ നടത്തിയത്​. എന്നാൽ, പിണറായി സർക്കാറിന്‍റെ പ്രതിബദ്ധതയും അസാധ്യമെന്ന് കരുതുന്ന പ്രവർത്തനങ്ങൾ​ സാധ്യമാക്കുന്ന രീതിയുമാണ്​ ഇവിടെ കണ്ടത്​. ഇതിന്‍റെ പേരിൽ പ്രത്യേക അവകാശ വാദങ്ങളൊന്നും ഉന്നയിക്കുന്നില്ല. ആർക്കുവേണമെങ്കിലും ഇതേ പ്രതിബദ്ധതയും ആത്​മാർതഥയും കാണിച്ചാൽ ഇത്തരം പ്രവർത്തനങ്ങൾ നടത്താവുന്നതാണ്​.

ആത്​മാർത്ഥയും പ്രതിബദ്ധതയും ഇല്ലാത്തതിനാലും രാഷ്​ട്രീയ പ്രചാരണം മാത്രം നടത്തി ശീലിച്ചതിനാലും അവർക്ക്​ ഇത്​ ചെയ്യാൻ പറ്റില്ല. കേന്ദ്രവും സംസ്​ഥാനവും ഒരേസമയം ഭരിച്ചിട്ടും​ എന്തുകൊണ്ടാണ്​ ഇത്​ സാധിക്കാതിരുന്നത്​. ഇപ്പോൾ കേരളത്തിൽ ഒരു പാർട്ടിയാണ് ഭരിക്കുന്നത്​​. കേന്ദ്രത്തിൽ മറ്റൊരു കക്ഷിയും. എന്നിട്ടും വികസന പ്രവർത്തനങ്ങൾ നടക്കുമെന്ന്​ മനസ്സിലായി.

രണ്ടിടത്തും ഒരുമിച്ച്​ ഭരിച്ചപ്പോൾ എന്തുകൊണ്ട്​ നടന്നില്ല എന്ന്​​ അവർ പരിശോധിക്കണ്ടതുണ്ട്​. അല്ലാതെ ഇവിടെ പ്രത​ിഷേധം നടത്തുകയല്ല വേണ്ടത്​. നൂറുകണക്കിന്​ ​ഫ്ലക്​സ്​ വെച്ചിട്ട്​ ഒരു കാര്യവുമില്ല. ജനഹൃദയങ്ങളിൽ ​ഫ്ലക്​സ്​ സ്​ഥാപിക്കാൻ കഴിയില്ല' -ജി. സുധാകരൻ പറഞ്ഞു.

Show Full Article
TAGS:Alappuzha bypass G. Sudhakaran congress 
News Summary - ‘Kerala and the Center ruled together but nothing was achieved’; G. Sudhakaran against the Congress
Next Story