കേന്ദ്ര സാഹിത്യ അക്കാദമി: തോൽവിയിൽ രാഷ്​ട്രീയം ​ആരോപിക്കുന്നില്ലെന്ന് സി. രാധാകൃഷ്​ണൻ

ന്യൂഡൽഹി: സാഹിത്യ അക്കാദമി വൈസ്​ പ്രസിഡന്‍റ്​ സ്ഥാനത്തേക്ക്​ നടന്ന തെരഞ്ഞെടുപ്പിൽ ശക്​തമായ മത്സരമായിരുന്നു നടന്നതെന്നും പരാജയത്തിൽ രാഷ്ട്രീയം ആരോപിക്കുന്നില്ലെന്നും സി. രാധാകൃഷ്ണൻ. ‘ജീവിതത്തിൽ ഒരു തിരഞ്ഞെടുപ്പിൽ മാത്രമേ മത്സരിച്ചിട്ടുള്ളൂ. ആ മത്സരം വീറുറ്റതായിരുന്നു. പക്ഷേ, അതിൽ പരാജയപ്പെട്ടു. ഹിന്ദി മേഖലയിലുള്ളവർക്ക്​ അവരുടെ ഭാഷ ​ വ​ളരെ പ്രധാനപ്പെട്ടതാണ്​. കൗൺസിലിൽ അവരാണ്​ കൂടുതലുള്ളതെന്നും അദ്ദേഹം പറഞ്ഞു. ​

തെരഞ്ഞെടുപ്പിൽ രാഷ്ടീയം ആരോപിക്കുന്നില്ല. രാഷ്ട്രീയ പാർട്ടികൾ കൈ കടത്താൻ ശ്രമിച്ചുണ്ടായിരിക്കാം. ഇല്ല എന്ന്​ പറയുന്നില്ല. ഞാൻ​ ആരെയും കുറ്റപ്പെടുത്തുന്നില്ലെന്നും അദ്ദേഹം കൂട്ടിച്ചേർത്തു.

സി. രാധാകൃഷ്ണന്‍റെ തോൽവി സങ്കടകരമാണെന്ന്​ കെ.പി രാമാനുണ്ണി പ്രതികരിച്ചു. ഒരു വോട്ടിനാണ്​ അദ്ദേഹം തോറ്റത്​. ഉത്തേരേന്ത്യയിൽ നിന്നടക്കം വോട്ട്​ കിട്ടിയതു കൊണ്ടാണ്​ അത്രയും ലഭിച്ചത്​. തെരഞ്ഞെടുപ്പിൽ പല വികാരങ്ങളും പ്രവർത്തിച്ചിട്ടുണ്ടാകാം. പ്രകടമായ യാതൊന്നും തെരഞ്ഞെടുപ്പിൽ ഉണ്ടായിട്ടില്ലെന്നും അദ്ദേഹം പറഞ്ഞു.