ഇസ്രായേൽ കമ്യൂണിസ്റ്റ്​ പാര്‍ട്ടി സയണിസ്റ്റ് ഭീകരതക്കെതിരെ പോരാടുന്നത്​ അഭിമാനകരം -കെ.ഇ.എന്‍

കുണ്ടറ: നാല് വയസ്സുള്ള കുട്ടി മൂന്ന് വയസ്സുള്ള കുട്ടിയെ വിമോചനത്തിന്റെ പാഠം പഠിപ്പിക്കുന്ന നാടിന്റെ പേരാണ് ഫലസ്തീനെന്ന് പ്രഫ. കെ.ഇ.എന്‍. പുരോഗമന കലാസാഹിത്യ സംഘം ജില്ല പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

ഇസ്രായേലിലെ കമ്യൂണിസ്റ്റ്​ പാര്‍ട്ടി സയണിസ്റ്റ് ഭീകരതക്കെതിരെ പോരാടുന്നു എന്നുള്ളത് അഭിമാനകരമായ കാര്യമാണ്. യുദ്ധങ്ങളെക്കാള്‍ ഏറെ എതിര്‍ക്കപ്പെടേണ്ടത് യുദ്ധങ്ങള്‍ക്ക് കാരണമായ അധിനിവേശങ്ങ​െളയാണ്​ എന്നും അദ്ദേഹം പറഞ്ഞു.

ജില്ല പ്രസിഡന്റ് ബീന സജീവ്​ അധ്യക്ഷത വഹിച്ചു. സംഘടന റിപ്പോര്‍ട്ട് പ്രഫ. വി.എന്‍. മുരളിയും പ്രവര്‍ത്തന റിപ്പോര്‍ട്ട് ഡോ. സി. ഉണ്ണിക്കൃഷ്ണനും അവതരിപ്പിച്ചു.