കീഴാറ്റൂർ സമരം: ബി.ജെ.പിയുടെ ​െഎക്യദാർഢ്യ മാർച്ച്​ ഇന്ന്​ 

കണ്ണൂർ: കീഴാറ്റൂരിൽ ബൈപാസ് വിരുദ്ധ സമരം നടത്തുന്ന വയൽ കിളികൾക്ക് ഐക്യദാർഢ്യം പ്രഖ്യാപിച്ച് ബി.ജെ.പി സംഘടിപ്പിക്കുന്ന കർഷക രക്ഷാ മാർച്ച് ഇന്ന്. കീഴടങ്ങില്ല കീഴാറ്റൂർ എന്ന മുദ്രാവാക്യമുയർത്തി പി.കെ കൃഷ്ണദാസ് നയിക്കുന്ന മാർച്ച് രാവിലെ ഒൻപത് മണിക്ക് ബി.ജെ.പി ദേശീയ സെക്രട്ടറി രാഹുൽ സിൻഹ ഉദ്ഘാടനം ചെയ്യും. ശോഭ സുരേന്ദ്രൻ, എം.ടി രമേശ്, എ.എൻ രാധാകൃഷ്ണൻ, ചലച്ചിത്ര സംവിധായകൻ അലി അക്ബർ, നടി മേനകാ സുരേഷ് തുടങ്ങിയവർ മാർച്ചിൽ പങ്കെടുക്കും. മാർച്ച് വൈകിട്ട് ആറ് മണിക്ക് കണ്ണൂരിൽ സമാപിക്കും