കീഴാറ്റൂർ ബൈപാസ്​: വിദഗ്​ധ സംഘത്തെ നിയോഗിക്കും -കേന്ദ്രം

ന്യൂഡൽഹി: നിർദിഷ്​ട കീഴാറ്റൂർ ബൈപാസുമായി ബന്ധപ്പെട്ട പ്രശ്നം പഠിക്കാൻ വിദഗ്ധ സംഘത്തെ നിയോഗിക്കുമെന്ന്​ കേന്ദ്രസർക്കാർ. തുരുത്തി, വേളാപുരം എന്നിവിടങ്ങളിലെ പ്രശ്നങ്ങളും സംഘം പരിശോധിക്കും. ബദൽപാത അടക്കമുള്ള കാര്യങ്ങളും പരിഗണിക്കാമെന്നും​ വെള്ളിയാഴ്​ച കേന്ദ്ര ഉപരിതല ഗതാഗതമന്ത്രി നിതിൻ ഗഡ്കരിയുമായുള്ള കൂടിക്കാഴ്​ചയിൽ ഉറപ്പുനൽകിയതായി ടൂറിസം മന്ത്രി അൽഫോൻസ് കണ്ണന്താനം വ്യക്​തമാക്കി.

വകുപ്പ്​ മന്ത്രിയുമായുള്ള കൂടിക്കാഴ്​ച  തൃപ്​തികരമായിരുന്നുവെന്ന്​ വയൽകിളി, തുരുത്തി സമരസമിതി നേതാക്കൾ പ്രതികരിച്ചു. അതേസമയം, തളിപ്പറമ്പ് ടൗണിലൂടെ മേൽപ്പാലം നിർമിക്കാമെന്ന നിർദേശം നിതിൻ ഗഡ്കരി തള്ളി. നിലവിൽ തന്നെ റോഡിന്​ ആവശ്യമായ വീതിയില്ല. ഇത്​ ഭാവിയിൽ വികസനത്തെ ബാധിക്കുമെന്നും അദ്ദേഹം ചൂണ്ടിക്കാട്ടി. 

വിദഗ്​ധ സമിതി എന്ന​ുവരും, നിർദിഷ്​ട ബൈപാസി​​​െൻറ വിജ്ഞാപനം പിൻവലിച്ചോ തുടങ്ങിയ ചോദ്യങ്ങൾക്ക്​ മന്ത്രി വ്യക്​തത വരുത്തിയില്ല. എന്നാൽ, സമിതിക്കു റിപ്പോർട്ട്​ സമർപ്പിക്കാനുള്ള സമയ പരിധി​​ നിശ്ചയിച്ചിട്ടില്ലെന്ന്​ അൽ​ഫോൻസ്​ കണ്ണന്താനം  വാർത്താസമ്മേളനത്തിൽ പറഞ്ഞു.

 തുരുത്തിയിൽ വ്യവസായിക്കു വേണ്ടി സംസ്​ഥാന സർക്കാർ അലൈൻമ​​െൻറിൽ മാറ്റംവരുത്തി എസ്​ മോഡലിൽ ആക്കി. ഇ​തുപ്രകാരം 27 ദലിത്​ കുടുംബങ്ങളുടെ വീടും അവരുടെ ആരാധനാലയവും ഇല്ലാതാവും. കൂടാതെ, നന്തി^ കൊഴിലാണ്ടി ബൈപാസ്​ വന്നാൽ 600 വീടുകൾ പൊളിക്കേണ്ടിവരുമെന്നും ബി.ജെ.പി നേതാക്കൾ മന്ത്രിയെ ധരിപ്പിച്ചു. 

എം.പിമാരായ വി. മുരളീധരൻ എം.പി, റിച്ചാർഡ്​ ഹേ, വയൽകിളി നേതാക്കളായ സ​ുരേഷ്​ കീഴാറ്റൂർ, ന​മ്പ്രടത്ത്​ ജാനകി, നോബിൾ പൈക്കട, പി. ലക്ഷ്​മൺ, തുരുത്തി സമരസമിതി നേതാക്കളായ നിഷിൽ കുമാർ, രാജൻ സി.പി, ബി.ജെ.പി നേതാക്കളായ പി.കെ. കൃഷ്​ണദാസ്​, പി. സത്യപ്രകാശ്​, കെ. രഞ്​ജിത്ത്​ എന്നിവരും കൂടിക്കാഴ്​ചയിൽ പ​െങ്കടുത്തു.