ഓർമയുടെ കടലിരമ്പത്തിൽ കനലടങ്ങാത്ത കാവുമ്പായി

ശ്രീ​ക​ണ്ഠ​പു​രം: ജ​ന്മി​ത്വ​ത്തി​നെ​തി​രാ​യ ക​ർ​ഷ​ക പോ​രാ​ട്ട​ത്തി​ൽ ചോ​ര ചി​ന്തി​യ കാ​വു​മ്പാ​യി​ക്കു​ന്നി​ൽ ക​ന​ല​ട​ങ്ങാ​ത്ത ഓ​ർ​മ​ക​ൾ​ക്ക് ക​ട​ലി​ര​മ്പം. 1946 ഡി​സം​ബ​ർ 30 നാ​ണ് ക​രി​വെ​ള്ളൂ​രി​ന് പി​ന്നാ​ലെ കാ​വു​മ്പാ​യി സ​മ​ര​ക്കു​ന്നി​ൽ ക​ർ​ഷ​ക നെ​ഞ്ചി​ലേ​ക്ക് നാ​ടു​വാ​ഴി​യു​ടെ ആ​ജ്ഞ​യി​ലെ​ത്തി​യ വെ​ടി​യേ​റ്റ​ത്. ജീ​വ​ൻ ബ​ലി​യ​ർ​പ്പി​ച്ച് അ​വ​ർ നി​ല​ത്തു​വീ​ഴു​മ്പോ​ഴും ജ​ന്മി​ത്വ​ത്തി​നെ​തി​രാ​യ മു​ദ്രാ​വാ​ക്യ​ങ്ങ​ളാ​ണ് വെ​ടി മു​ഴ​ക്ക​ത്തെ മ​റി​ക​ട​ന്ന് വാ​നി​ൽ മു​ഴ​ങ്ങി​യ​ത്.

പി. ​കു​മാ​ര​ൻ, പു​ളു​ക്കൂ​ൽ കു​ഞ്ഞി​രാ​മ​ൻ, മ​ഞ്ഞേ​രി ഗോ​വി​ന്ദ​ൻ, ആ​ലാ​റ​മ്പ​ൻ​ക​ണ്ടി കൃ​ഷ്ണ​ൻ, തെ​ങ്ങി​ൽ അ​പ്പ ന​മ്പ്യാ​ർ എ​ന്നി​വ​രു​ടെ ര​ക്ത​സാ​ക്ഷി​ത്വ​ത്തി​ന്റെ സ്മ​ര​ണ​യാ​ണ് കാ​വു​മ്പാ​യി സ​മ​ര​ക്കു​ന്ന്. ഉ​ത്ത​ര മ​ല​ബാ​റി​ൽ കൃ​ഷി ഭൂ​മി​ക്കു​വേ​ണ്ടി​ന​ട​ന്ന ര​ക്ത​രൂ​ഷി​ത​മാ​യ ക​ർ​ഷ​ക സ​മ​ര​ങ്ങ​ളി​ലൊ​ന്നാ​യി​രു​ന്നു കാ​വു​മ്പാ​യി സ​മ​രം. ജ​ന്മി​യു​ടെ അ​നു​മ​തി​യി​ല്ലാ​തെ കു​ന്നി​ൻ മു​ക​ളി​ലെ കാ​ട് വെ​ട്ടി​ത്തെ​ളി​ച്ച് പു​നം കൃ​ഷി ന​ട​ത്തി​യാ​യി​രു​ന്നു സ​മ​ര​ങ്ങ​ളു​ടെ തു​ട​ക്കം.

1946 ന​വം​ബ​റോ​ടെ സ​മ​രം തീ​പ്പൊ​രി​യാ​യി. സ​മ​ര​ക്കാ​രെ അ​ടി​ച്ച​മ​ർ​ത്താ​ൻ ജ​ന്മി​ക്കു​വേ​ണ്ടി​യി​റ​ങ്ങി​യ​ത് എം.​എ​സ്.​പി​ക്കാ​രാ​യി​രു​ന്നു. പ്ര​ത്യേ​കം ക്യാ​മ്പു​ക​ൾ തു​റ​ന്നാ​ണ് പൊ​ലീ​സ് സം​ഘം ഇ​രി​ക്കൂ​ർ ഫ​ർ​ക്ക​യി​ലെ 10 വി​ല്ലേ​ജു​ക​ളി​ൽ നി​രോ​ധ​നാ​ജ്ഞ​യ​ട​ക്കം പ്ര​ഖ്യാ​പി​ച്ച​ത്. അ​തി​നെ എ​തി​ർ​ത്ത് അ​ഞ്ഞൂ​റോ​ളം ക​ർ​ഷ​ക​ർ സാ​യു​ധ​രാ​യി കാ​വു​മ്പാ​യി കു​ന്നി​ൽ സം​ഘ​ടി​ച്ചു. ഈ ​വി​വ​രം ഒ​റ്റു​കാ​ർ വ​ഴി എം.​എ​സ്‌.​പി.​ക്കാ​ർ അ​റി​ഞ്ഞി​രു​ന്നു. ഡി​സം​ബ​ർ 30ന് ​പു​ല​ർ​ച്ച കാ​വു​മ്പാ​യി കു​ന്ന് വ​ള​ഞ്ഞ പൊ​ലീ​സ് വെ​ടി​യു​തി​ർ​ത്ത് ന​ര​നാ​യാ​ട്ട് ന​ട​പ്പാ​ക്കി. ക​ർ​ഷ​ക​സ​മ​ര​ക്കാ​രാ​യ പു​ളു​ക്കൂ​ൽ കു​ഞ്ഞി​രാ​മ​ൻ, പി. ​കു​മാ​ര​ൻ, മ​ഞ്ഞേ​രി ഗോ​വി​ന്ദ​ൻ എ​ന്നി​വ​ർ തൽക്ഷ​ണം മ​രി​ച്ചു​വീ​ണു. ആ​ലാ​റ​മ്പ​ൻ​ക​ണ്ടി കൃ​ഷ്ണ​നെ​യും തെ​ങ്ങി​ൽ അ​പ്പ​ന​മ്പ്യാ​രെ​യും പൊ​ലീ​സ് പി​ടി​ച്ചു​കൊ​ണ്ടു​പോ​യി വെ​ടി​വെ​ച്ച് കൊ​ല്ലു​ക​യാ​യി​രു​ന്നു. സ​മ​ര​നേ​താ​ക്ക​ളാ​യി​രു​ന്ന ത​ളി​യ​ൻ രാ​മ​ൻ ന​മ്പ്യാ​ർ, ഒ.​പി. അ​ന​ന്ത​ൻ മാ​സ്റ്റ​ർ ഉ​ൾ​പ്പെ​ടെ നി​ര​വ​ധി പേ​ർ ജ​യി​ലി​ലാ​യി. അ​റ​സ്റ്റു ചെ​യ്ത​വ​രെ ആ​ദ്യം ക​ണ്ണൂ​രി​ലും പി​ന്നീ​ട് സേ​ലം ജ​യി​ലി​ലു​മാ​ണ് പാ​ർ​പ്പി​ച്ചി​രു​ന്ന​ത്. 1950 ഫെ​ബ്രു​വ​രി 11ന് ​സേ​ലം ജ​യി​ലി​ലു​ണ്ടാ​യ വെ​ടി​വെ​പ്പി​ൽ ത​ളി​യ​ൻ രാ​മ​ൻ ന​മ്പ്യാ​രും ഒ.​പി. അ​ന​ന്ത​ൻ മാ​സ്റ്റ​റും കൊ​ല്ല​പ്പെ​ട്ടു.

രാ​മ​ൻ ന​മ്പ്യാ​രു​ടെ മ​ക​ൻ കാ​വു​മ്പാ​യി​ലെ ഇ.​കെ. നാ​രാ​യ​ണ​ൻ ന​മ്പ്യാ​ർ സേ​ലം വെ​ടി​വെ​പ്പി​ൽ കാ​ലി​ൽ ത​റ​ച്ച വെ​ടി​യു​ണ്ട​യു​മാ​യി ഏ​റെ​ക്കാ​ലം ജീ​വി​ച്ചു. ക​ഴി​ഞ്ഞ വ​ർ​ഷ​മാ​യി​രു​ന്നു അ​ദ്ദേ​ഹ​ത്തി​ന്റെ വി​യോ​ഗം. ക​ണ്ണൂ​ർ സെ​ൻ​ട്ര​ൽ ജ​യി​ലി​ൽ ചി​ല പ്ര​ശ്ന​ങ്ങ​ളു​ണ്ടാ​ക്കി​യ​തി​നെ​ത്തു​ട​ർ​ന്നാ​ണ് 200ഓ​ളം പേ​രെ അ​ന്ന് സേ​ലം ജ​യി​ലി​ലേ​ക്ക് മാ​റ്റി​യ​ത്. അ​വി​ടെ ഡെ​യ്ഞ്ച​ർ ക​മ്യൂ​ണി​സ്റ്റ് എ​ന്ന ബോ​ർ​ഡും സെ​ല്ലി​നു പു​റ​ത്ത് സ്ഥാ​പി​ച്ചി​രു​ന്നു.

സെ​ല്ലി​ൽ മു​ദ്രാ​വാ​ക്യം വി​ളി​ച്ച​തി​നാ​ണ് നി​രാ​യു​ധ​രാ​യ സ​മ​ര നാ​യ​ക​ർ​ക്കു​നേ​രെ പൊ​ലീ​സ് സേ​ലം ജ​യി​ലി​ൽ വെ​ടി​യു​തി​ർ​ത്ത​ത്.

കാ​വു​മ്പാ​യി സ​മ​ര​ത്തി​ന്റെ 77-ാം വാ​ർ​ഷി​ക​ത്തി​ന്റെ ഭാ​ഗ​മാ​യി ശ​നി​യാ​ഴ്ച വൈ​കീ​ട്ട് അ​ഞ്ചി​ന് ഐ​ച്ചേ​രി​യി​ലെ കാ​വു​മ്പാ​യി സ്മാ​ര​ക മ​ന്ദി​ര​ത്തി​ന് സ​മീ​പം ന​ട​ക്കു​ന്ന പൊ​തു​യോ​ഗം സി.​പി.​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി ഉ​ദ്ഘാ​ട​നം ചെ​യ്യും. സി.​പി.​ഐ ദേ​ശീ​യ എ​ക്‌​സി​ക്യൂട്ടി​വം​ഗം കെ. ​പ്ര​കാ​ശ് ബാ​ബു ഉ​ൾ​പ്പെ​ടെ സം​സാ​രി​ക്കും.

കാ​വു​മ്പാ​യി സ​മ​ര മ്യൂ​സി​യം പ്ര​ഖ്യാ​പ​ന​ത്തി​ലൊ​തു​ങ്ങി

ക​ർ​ഷ​ക സ​മ​ര പോ​രാ​ട്ട​ത്തി​​ന്റെ ച​രി​ത്രം പ​റ​യാ​ൻ കാ​വു​മ്പാ​യി​യി​ലെ സ​മ​ര​ക്കു​ന്നി​ൽ സ​ർ​ക്കാ​ർ മ്യൂ​സി​യം നി​ർ​മി​ക്കു​മെ​ന്ന് പ്ര​ഖ്യാ​പി​ച്ചെ​ങ്കി​ലും അ​തു​ണ്ടാ​യി​ല്ല. 2020-ലെ ​ബ​ജ​റ്റി​ൽ ഇ​തി​നാ​യി സം​സ്ഥാ​ന സ​ർ​ക്കാ​ർ 20 ല​ക്ഷം രൂ​പ​യും അ​നു​വ​ദി​ച്ചു. എ​ന്നാ​ൽ, ഫ​ണ്ട് ല​ഭ്യ​മാ​ക്കാ​ത്ത​ത് നി​ർ​മാ​ണ​ത്തി​ന് തി​രി​ച്ച​ടി​യാ​യി. കാ​വു​മ്പാ​യി പ​ഠ​ന ഗ​വേ​ഷ​ണ കേ​ന്ദ്ര​ത്തി​ന്റെ നേ​തൃ​ത്വ​ത്തി​ൽ സ​മ​ര​ക്കു​ന്നി​ൽ ച​രി​ത്ര മ്യൂ​സി​യം ഒ​രു​ക്കു​വാ​നാ​യി​രു​ന്നു ധാ​ര​ണ. മ്യൂ​സി​യ​ത്തി​ൽ സ്വാ​ത​ന്ത്ര്യ സ​മ​ര​ത്തി​ന്റെ ഭാ​ഗ​മാ​യി വ​ട​ക്കേ മ​ല​ബാ​റി​ൽ ന​ട​ന്ന ക​ർ​ഷ​ക സ​മ​ര​ങ്ങ​ളെ കു​റി​ച്ച് പ​ഠി​ക്കാ​നും ഗ​വേ​ഷ​ണം ന​ട​ത്താ​നും പു​തി​യ ത​ല​മു​റ​ക​ൾ​ക്ക് ച​രി​ത്ര സം​ഭ​വ​ങ്ങ​ൾ പ​രി​ച​യ​പ്പെ​ടു​ത്തു​വാ​നു​ള്ള സൗ​ക​ര്യം ഒ​രു​ക്കാ​നും തീ​രു​മാ​നി​ച്ചി​രു​ന്നു. മ്യൂ​സി​യ​ത്തി​നാ​യി 12 സെ​ന്റ് ഭൂ​മി​യാ​ണ് സ​മ​ര​ക്കു​ന്നി​ൽ നീ​ക്കിവെ​ച്ച​ത്. മ്യൂ​സി​യം വ​ന്നാ​ൽ അ​ത് പു​തു​ത​ല​മു​റ​ക്ക് പ​ഴ​യ സ​മ​ര ച​രി​ത്ര കാ​ഴ്ച​ക​ൾ സ​മാ​നി​ക്കും. അ​ത് യാ​ഥാ​ർ​ഥ്യ​മാ​ക്കാ​ത്ത​ത് പ്ര​ദേ​ശ​ത്തു​ള്ള​വ​രി​ൽ ഏ​റെ നി​രാ​ശ​യു​ള​വാ​ക്കി​യി​ട്ടു​ണ്ട്.