Begin typing your search above and press return to search.
proflie-avatar
Login
exit_to_app
exit_to_app
Deepika Singh Rajawat
cancel
Homechevron_rightNewschevron_rightKeralachevron_rightകഠ്​വ കേസ്​: ദീപിക...

കഠ്​വ കേസ്​: ദീപിക ഹാജരായത്​ രണ്ടു​ തവണ മാത്രമെന്ന്​ യൂത്ത് ​ലീഗ്​

text_fields
bookmark_border

കോഴിക്കോട്​: കഠ്​വ കേസിൽ അഭിഭാഷക ദീപിക സിങ്​ രജാവത്ത്​ ഇരകൾക്കായി ഹാജരായത്​ രണ്ടു​ തവണ മാ​ത്രമാണെന്ന്​ യൂത്ത്​ ലീഗ്​. ദീപിക​യെ ചിലർ തെറ്റിദ്ധരിപ്പിക്കുകയായിരുന്നു. മുബീൻ ഫാറൂഖി എന്ന അഭിഭാഷകൻ പലവട്ടം ഹാജരായിട്ടുണ്ടെന്ന്​ യൂത്ത്​ ലീഗ്​ ദേശീയ ജനറൽ സെക്രട്ടറി സി.കെ. സുബൈർ ചിത്രങ്ങൾ സഹിതം വാർത്തസമ്മേളനത്തിൽ വ്യക്​തമാക്കി.

കേരളത്തിൽനിന്ന്​ തനിക്ക്​ പണമൊന്നും ലഭിച്ചിട്ടില്ലെന്ന്​ ദീപിക സിങ്​ രാവിലെ പറഞ്ഞിരുന്നു. വിഷയം ഡി.വൈ.എഫ്​.ഐ ഏറ്റുപിടിച്ചതോടെയാണ്​ യൂത്ത്​ ലീഗ്​ നേതാക്കൾ വാർത്തസമ്മേളനം നടത്തിയത്​. ​കേസി​‍െൻറ കോഓഡിനേഷൻ നടത്തിയത്​ മുബീനാണ്​. അദ്ദേഹത്തെ അപമാനിക്കരുതെന്ന്​ സി.കെ. സുബൈർ പറഞ്ഞു.

കർഷകസമരത്തിലടക്കം മുബീൻ ഫാറൂഖി സജീവമായി പ​ങ്കെടുക്കുന്നുണ്ട്. കഴിഞ്ഞ ദിവസം അദ്ദേഹം കോഴിക്കോ​ട്ടെത്തിയതും കർഷകസമര വേദിയിൽ നിന്നാണ്​. ഡൽഹിയിലെ പൗരത്വ സമരവുമായി ബന്ധപ്പെട്ട്​ അഞ്ചു​ കോടിയിലേറെ രൂപ പിരിച്ചതി​‍െൻറ കണക്ക്​ സി.പി.എം പുറത്തുവിട്ടാൽ കഠ്​വ കേസി​‍െൻറ കണക്ക്​ പിറ്റേന്ന്​ യൂത്ത്​ ലീഗ്​ പുറത്തുവിടും.

നിയമനവിവാദങ്ങൾ വഴിതിരിച്ചുവിടാനാണ്​ ഡി.വൈ.എഫ്​.ഐയുടെ ശ്രമ​െമന്നും സുബൈർ ആരോപിച്ചു. കേസില്ലാ വക്കീലായി മുബീൻ ഫാറൂഖിയെ കെ.ടി. ജലീൽ വിശേഷിപ്പിച്ചത്​ കഠ​്​വ കേസ്​ അട്ടിമറിക്കാനാണെന്നും സുബൈർ പറഞ്ഞു.

വക്കീൽ ഫീസായി ഒന്നും വാങ്ങിയിട്ടില്ല -ദീപിക സിങ്​ രജാവത്​

ന്യൂഡൽഹി: സുപ്രീംകോടതിയിലും ഹൈകോടതിയിലും വക്കീൽ ഫീസ്​ എന്ന നിലയിൽ താൻ രക്ഷിതാക്കളിൽനിന്നോ ഏതെങ്കിലും വ്യക്​തികളിൽനിന്നോ ഒന്നും വാങ്ങിയിട്ടില്ല. ജമ്മുവിൽ ഒരു ശിൽപശാലക്ക്​ കുടുംബം ഒന്നര ലക്ഷം രൂപ നൽകിയത്​ മാത്രമാണ്​ ഇതുമായി ബന്ധപ്പെട്ട ഏക ഇടപാടെന്നും ദീപിക സിങ്​ രജാവത്​​ പറഞ്ഞു.

2018 ജൂലൈയിലാണ്​ താൻ അഡ്വ. മുബീൻ ഫാറൂഖിയെ ബന്ധപ്പെടുന്നത്​. അതിനുമു​​േമ്പ കഠ്​വ കുടുംബവുമായി അദ്ദേഹം ബന്ധമുണ്ടാക്കിയിരുന്നു. മുബീൻ ഫാറൂഖിയെ വിളിച്ച്​ താൻ പത്താൻകോട്ടിലേക്ക്​ വരാൻ ആഗ്രഹിക്കുന്നുണ്ടെന്നു​ പറഞ്ഞു. പുറത്തുനിന്നുള്ള ഒരു വക്കീലിനെയും കോടതിക്കകത്ത്​ പ്രവേശിക്കാൻ അനുവദിച്ചിരുന്നില്ല. അതിനാൽ, കോടതിയിലിരുന്ന്​ എന്താണ്​ സംഭവിക്കുന്നതെന്നറിയാൻ എനിക്ക്​ വക്കാലത്ത്​ നാമ ഫയൽ ചെയ്യേണ്ടതുണ്ടായിരുന്നു.

കോടതിക്കുള്ളിൽ കയറി വിചാരണ കാണാൻ താൻ ആഗ്രഹിക്കുന്നുണ്ടെന്ന്​ മുബീൻ ഫാറൂഖിയോട്​ പറഞ്ഞു. തനിക്ക്​​ വക്കാലത്ത്​ നാമയുണ്ടെന്നു പറഞ്ഞ മുബീൻ ഒന്ന്​ തന്നോടും ഫയൽ ചെയ്യാൻ ആവശ്യപ്പെട്ടു. മൂന്നാം ദിവസം പത്താൻകോട്ടിൽ പോയി വക്കാലത്ത്​​ നാമ ഫയൽ ചെയ്​തു. പിന്നീട്​ വിചാരണ കാണാൻ രണ്ടു​ പ്രാവശ്യമാണ്​ ഞാൻ പോയത്​.

മുബീൻ ഫാറൂഖി പബ്ലിക്​ പ്രോസിക്യുട്ടറോ, സ്​പെഷൽ പബ്ലിക്​ പ്രോസിക്യൂട്ട​റോ ആയിരുന്നില്ല. അദ്ദേഹം ഒരു സ്വകാര്യ അഭിഭാഷകനായിരുന്നു. സ്വകാര്യ അഭിഭാഷകന്​ സാക്ഷികളെ വിസ്​തരിക്കാനാവില്ല. നാലു​ പബ്ലിക്​ ​പ്രോസിക്യൂട്ടർമാരുണ്ട്​. രണ്ടുപേർ പഞ്ചാബിൽനിന്നും രണ്ടുപേർ ജമ്മുവിൽനിന്നും. കഠ്​വ സർക്കാർ കേസാണ്​. സർക്കാർ കേസ്​ സർക്കാർ അഭിഭാഷകരാണ്​ നടത്തുക.

സ്വകാര്യ അഭിഭാഷകരല്ല. ഇൗ സാ​േങ്കതികത്വമാണ്​ ഞാൻ പറഞ്ഞത്​. മുബീൻ ഫാറൂഖി കേസ്​ വാദിക്കുകയോ വിസ്​തരിക്കുകയോ ചെയ്​തിട്ടില്ല. ഹാജരാക​ുക മാത്രമാണ്​ ചെയ്​തത്​. സുപ്രീംകോടതിയിലും ഹൈകോടതിയിലും നടത്തിയ നിയമയുദ്ധ​െത്ത തുടർന്നാണ്​ കേസ്​ പത്താൻകോട്ടിലേക്ക്​ മാറ്റിയതെന്നും​ ദീപിക പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Youth LeagueKatwa case
Next Story