Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകതിരൂര്‍ മനോജ്​ വധം:...

കതിരൂര്‍ മനോജ്​ വധം: സ്​റ്റേ ആവശ്യം അംഗീകരിച്ചില്ല

text_fields
bookmark_border
കതിരൂര്‍ മനോജ്​ വധം: സ്​റ്റേ ആവശ്യം അംഗീകരിച്ചില്ല
cancel

കൊച്ചി: ആർ.എസ്​.എസ് നേതാവ്​ കതിരൂര്‍ മനോജിനെ കൊലപ്പെടുത്തിയ കേസിൽ യു.എ.പി.എ ചുമത്തിയത്​ ചോദ്യംചെയ്​തുള്ള ഹരജികൾ തള്ളിയ സിംഗിൾ ബെഞ്ച്​ ഉത്തരവിനെതിരെ സി.പി.എം കണ്ണൂർ ജില്ല സെ​ക്രട്ടറി പി. ജയരാജൻ അടക്കമുള്ള പ്രതികളുടെ അപ്പീൽ ഹരജിയിൽ ഹൈകോടതി വിശദീകരണം തേടി.

ഒന്നാം പ്രതി വിക്രമനടക്കം 25 ​പ്രതികളും നൽകിയ അപ്പീൽ ഫയലിൽ സ്വീകരിച്ച ഡിവിഷൻ ബെഞ്ച്​ ​സി.ബി.​െഎയും കേ​ന്ദ്ര-സംസ്​ഥാന സർക്കാറുകളും അടക്കം എതിർകക്ഷികൾക്ക്​ നോട്ടീസ്​ അയക്കാൻ ഉത്തരവിട്ടു. അ​േതസമയം, സിംഗിൾ ബെഞ്ച്​ ഉത്തരവിന്​ സ്​റ്റേ അനുവദിക്കണമെന്ന ഇടക്കാല ആവശ്യം അനുവദിച്ചില്ല.

യു.എ.പി.എ ചുമത്താൻ സംസ്​ഥാന സർക്കാർ അനുമതി വേണമെന്നും അതില്ലാതെ കേ​ന്ദ്ര സർക്കാറാണ്​ അനുമതി നൽകിയതെന്നുമുള്ള വാദം അംഗീകരിക്കാതെയാണ്​ സിംഗിൾ ബെഞ്ച്​ ഹരജി തള്ളിയതെന്ന്​ അപ്പീലിൽ പറയുന്നു. ഇക്കാര്യം വിചാരണ വേളയിൽ പരിശോധിച്ചാല്‍ മതിയെന്ന സിംഗിൾ ബെഞ്ച്​ നിരീക്ഷണം വസ്​തുതകൾ മനസ്സിലാക്കാതെയാണ്​. അന്വേഷണ ഏജന്‍സിയായ സി.ബി.ഐ കേന്ദ്ര സര്‍ക്കാറിന് കീഴിലായതിനാല്‍ കേന്ദ്രത്തി​​​െൻറ അനുമതി മതിയെന്നാണ് മാര്‍ച്ച് 15ന് സിംഗിള്‍ ബെഞ്ച് വിധിച്ചത്.

കൊലപാതകം നടന്നത് സംസ്ഥാന സര്‍ക്കാറി​​​െൻറ ഭൂമിശാസ്ത്രപരമായ അധികാര പരിധിയിലായതിനാല്‍ അനുമതി നല്‍കേണ്ടത് സംസ്​ഥാന സര്‍ക്കാറാണ്. യു.എ.പി.എ കുറ്റം ചുമത്തിയതിനാൽ മൂന്ന്​ വർഷത്തിൽ അധികമായി ജയിലില്‍ കഴിയുന്ന 15 പ്രതികള്‍ക്ക്​ ജാമ്യം പോലും ലഭിക്കുന്നില്ല. വിചാരണയും വൈകുകയാണ്​. ഇൗ സാഹചര്യത്തിൽ  സിംഗിൾ ബെഞ്ച്​ ഉത്തരവും യു.എ.പി.എ ചുമത്തിയ നടപടിയും റദ്ദാക്കണമെന്നാണ്​ ഹരജിയിലെ ആവശ്യം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:high courtkerala newsp jayarajanmalayalam newsKathiroor Manoj Murder case
News Summary - Kathiroor Manoj Murder Case: P Jayarajan Submit Appeal to High Court Division Bench -Kerala News
Next Story