കാസർകോട്​ സംഭവം: മാധ്യമങ്ങളെ പുറത്താക്കിയിട്ടില്ലെന്ന്​ പിണറായി

കോഴിക്കോട്​: കാസർകോട്​ സർക്കാർ പരിപാടിയിൽ നിന്ന്​ മാധ്യമങ്ങളെ പുറത്താക്കിയെന്ന വാർത്ത നിഷേധിച്ച്​​ മുഖ്യമന്ത്രി പിണറായി വിജയൻ. ചർച്ച നടക്കുമ്പോൾ തുടക്കത്തിൽ വിഷ്വൽസ്‌ എടുപ്പിക്കുകയാണ് ചെയ്യുകഅത്‌ കാസർകോട്ടും ഉണ്ടായെന്നു പിണറായി പറഞ്ഞു. കേരള ഫയർ സർവീസ് അസോസിയേഷൻ സംസ്ഥാന സമ്മേളനം ഉദ്​ഘാടനം ചെയ്​തുകൊണ്ട്​ സംസാരിക്കുകയായിരുന്നു മുഖ്യമന്ത്രി.

​'പ്രമുഖ പൗരന്മാരുമായി മുഖ്യമന്ത്രിയുടെ കൂടിക്കാഴ്​ച’ എന്ന പേരിൽ സർക്കാറി​​​െൻറ രണ്ടാം വാർഷികത്തോട്​ അനുബന്ധിച്ച്​ സംഘടിപ്പിച്ച പരിപാടിയിൽനിന്നാണ്​ മുഖ്യമന്ത്രിയുടെ നിർദേശപ്രകാരം  മാധ്യമപ്രവർത്തകരെ പുറത്താക്കിയത്. ശനിയാഴ്ച​ രാവിലെ 11.15ഒാടെയാണ്​ സംഭവം. സർക്കാറി​​​െൻറ രണ്ടാംവാർഷികത്തി​​​​െൻറ ഭാഗമായ പരിപാടിയെന്നാണ് അറിയിപ്പുണ്ടായിരുന്നതെങ്കിലും ജില്ല ഭരണകൂടത്തിനോ പബ്ലിക്​ റിലേഷൻസ്​ വകുപ്പ്​ ഉദ്യോഗസ്​ഥർക്കോ ഇതുസംബന്ധിച്ച്​ വ്യക്തമായ ധാരണയുണ്ടായിരുന്നി​ല്ല.

നേരത്തെ കണ്ണൂരിൽ ബി.ജെ.പിയുമായുള്ള സമാധാന ചർച്ചക്കിടെ പിണറായി മാധ്യമപ്രവർത്തകരെ പുറത്താക്കിയത്​ വിവാദമായിരുന്നു. ഇതിന്​ ശേഷവും വിവിധ വേദികളിൽ മാധ്യമപ്രവർത്തകർക്കെതിരെ പിണറായി രംഗത്തെത്തിയിരുന്നു.