പെരിയ ഇരട്ടക്കൊല: സി.പി.എം ലോക്കല്‍ കമ്മിറ്റി അംഗം അറസ്​റ്റിൽ

പെരിയ (കാസർകോട്​): പെരിയ കല്യോട്ട്​ യൂത്ത് കോണ്‍ഗ്രസ് പ്രവര്‍ത്തകരായ കൃപേഷ്​, ശരത്​ എന്നിവരെ വെട്ടിക്കൊലപ ്പെടുത്തിയ സംഭവത്തില്‍ മുഖ്യ ആസൂത്രകനെന്ന്​ കരുതുന്ന സി.പി.എം പെരിയ ലോക്കല്‍ കമ്മിറ്റി അംഗം എ. പീതാംബരൻ അറസ്​റ ്റിൽ. പാർട്ടി പ്രവർത്തകരായ മുരളീധരൻ, വത്സരാജ്, ഹരി, സജി ജോർജ്‌ എന്നിവരെ ​ കസ്​റ്റഡിയിലെടുത്തു​. കൊലയാളിസംഘം സഞ ്ചരിച്ചെന്ന്​ കരുതുന്ന കെ.എൽ14 ജെ 5683 ​സൈലോ കാർ പള്ളിക്കര പാക്കം വെളുത്തോളിയിൽ കുറ്റിക്കാടിന്​ സമീപം ഉ​േപക്ഷി ക്കപ്പെട്ട നിലയിൽ ​കണ്ടെത്തി.

പ്രത്യേക അന്വേഷണസംഘത്തിലെ ഡിവൈ.എസ്.പിമാരായ എം. പ്രദീപ് കുമാര്‍, ടി.പി. രഞ്​ ജിത്ത്​​, ജെയ്​സൻ കെ. എബ്രഹാം എന്നിവരുടെ നേതൃത്വത്തിലാണ്​​ പള്ളിക്കരയിലെ പാര്‍ട്ടി ഗ്രാമത്തില്‍നിന്ന്​ പീതാ ംബരനെയും മറ്റ്​ നാലുപേരെയും ചൊവ്വാഴ്​ച പുലർച്ചെ പിടികൂടിയത്​. കൊലയാളിസംഘത്തിന് സഹായം നൽകിയതിനൊപ്പം ഗൂഢാല ോചനയിലും ഇവർ പങ്കാളികളാണെന്ന്​ പൊലീസ് പറഞ്ഞു. കൊല ആസൂത്രണംചെയ്​തതും കൃത്യം നിര്‍വഹിക്കാന്‍ പുറത്തുനിന്ന് ആള ുകളെ എത്തിച്ചതടക്കമുള്ള കാര്യങ്ങള്‍ നിയന്ത്രിച്ചതും പീതാംബരനാണെന്നാണ് സൂചന. കൃത്യത്തില്‍ പങ്കെടുത്തവർ, അവർ സഞ്ചരിച്ച വാഹനം എന്നിവ സംബന്ധിച്ച വിവരങ്ങള്‍ പൊലീസിന് ലഭിച്ചിട്ടുണ്ട്. പാര്‍ട്ടിയുടെ മറ്റു ഭാരവാഹികള്‍​ കൃത്യത്തില്‍ പങ്കാളികളായിട്ടുണ്ടോ എന്നും പൊലീസ് അന്വേഷിക്കുന്നുണ്ട്​. അതേസമയം എ. പീതാംബരനെ പാർട്ടിയിൽനിന്ന് പുറത്താക്കിയതായി സി.പി.എം ജില്ല കമ്മിറ്റി അറിയിച്ചു. പാർട്ടിയുടെ പ്രഖ്യാപിത നയങ്ങൾക്ക് വിരുദ്ധമായി പ്രവർത്തിച്ചതിനാണ്​ നടപടിയെന്നാണ്​ വിശദീകരണം.

പെരിയ, കല്യോട്ട്​ മേഖലകളിലെ മൊബൈല്‍ ടവർ കേന്ദ്രീകരിച്ചാണ്​ കേസന്വേഷണം പുരോഗമിക്കുന്നത്​. കൊല്ലപ്പെട്ടവർക്കെതിരെ മുമ്പു സമൂഹമാധ്യമങ്ങൾവഴി വധഭീഷണിമുഴക്കിയ കോളജ് വിദ്യാർഥി ഉൾപ്പെടെ രണ്ടു സി.പി.എം പ്രവർത്തകരെ പൊലീസ് തിങ്കളാഴ്​ച കസ്​റ്റഡിയിലെടുത്തിരുന്നു. പ്രദേശത്തെ സി.പി.എം പ്രവർത്തകർക്ക്​ കൊ‌ല്ലപ്പെട്ട യുവാക്കളോട്​ മുൻവൈരാഗ്യമുണ്ടായിരുന്നുവെന്ന് എഫ്.ഐ.ആറിൽ പറയുന്നുണ്ട്​. വീടുകളിൽനിന്ന്​ മാറിനിൽക്കുന്ന ചില സി.പി.എം നേതാക്കളുടെ പങ്കും അന്വേഷിക്കുന്നുണ്ട്.

ഞായറാഴ്ച രാത്രി 8.30ഓടെ കല്യോട്ടിനടുത്ത് തന്നിത്തോട്-കൂരാങ്കര റോഡിലാണ് നാടിനെ നടുക്കിയ ഇരട്ടക്കൊല നടന്നത്​. ജീപ്പിലെത്തിയ സംഘം കൃപേഷും ശരത്തും സഞ്ചരിച്ച ബൈക്ക് തടഞ്ഞുനിര്‍ത്തി വെട്ടിക്കൊലപ്പെടുത്തുകയായിരുന്നു.അതിനിടെ ചൊവ്വാഴ്​ച വൈകീട്ട്​ മൂന്നരയോടെ എ.​െഎ.സി.സി പ്രസിഡൻറ്​ രാഹുൽ ഗാന്ധി കൊല്ലപ്പെട്ടവരുടെ പിതാക്കളെ ഫോണിൽ വിളിച്ച്​ ആശ്വസിപ്പിച്ചു. ഇനി കേരളത്തിൽ വരു​േമ്പാൾ വീടുകൾ സന്ദർശിക്കുമെന്നും അ​ദ്ദേഹം കുടുംബാംഗങ്ങളെ അറിയിച്ചു.

പ്രാദേശിക നേതൃത്വം പൊലീസ്​ നിരീക്ഷണത്തിൽ
പെരിയ: പെരിയ ക​ല്യോട്ട്​ യൂത്ത്​ കോൺഗ്രസ്​ പ്രവർത്തകരുടെ കൊലപാതകത്തിൽ സി.പി.എം പെരിയ ലോക്കൽ കമ്മിറ്റിയംഗം എ. പീതാംബര​ൻ അറസ്​റ്റിലായതോടെ പ്രാദേശിക നേതൃത്വം പൊലീസ്​ നിരീക്ഷണത്തിൽ. പ്രാദേശിക സംഘർഷത്തി​​െൻറ പേരിൽ എ.പീതാംബരനെയും കേരള പ്രവാസി സംഘം വില്ലേജ് സെക്രട്ടറി കല്യോട്ടെ എ. സുരേന്ദ്രനെയും ആക്രമിച്ച സംഭവത്തില്‍ പ്രതിയായിരുന്നു കൊല്ല​പ്പെട്ട ശരത്​​. ഇൗ സംഭവത്തില്‍ പ്രതിയല്ലെങ്കിലും സി.പി.എമ്മി​​​െൻറ നോട്ടപ്പുള്ളിയായിരുന്നു കൃപേഷും.

നേരത്തെ മുന്നാട് കോളജിലുണ്ടായ അടിപിടിയുമായി ബന്ധപ്പെട്ടാണ് എ. പീതാംബരനും യൂത്ത് കോണ്‍ഗ്രസുകാരും തമ്മില്‍ പ്രശ്നങ്ങളുണ്ടാകുന്നത്. ഇതേത്തുടർന്നാണ്​ പീതാംബരനുനേരെ ആക്രമണമുണ്ടായത്​. ഇൗ സംഭവത്തിൽ വധശ്രമക്കേസ്​ അടക്കമുള്ള വകുപ്പുകളാണ്​ ശരത്​ അടക്കമുള്ളവർക്കെതിരെ ബേക്കല്‍ പൊലീസ്​ ചുമത്തിയിരുന്നത്​. അതിനു ശേഷം ശക്തമായ രൂപത്തിലുള്ള ആക്രമണ ഭീഷണിയാണ് ശരത്തിനും കൃപേഷിനും നേരെയുണ്ടായത്. ഇതുസംബന്ധിച്ച് ശരത്, ജാമ്യം കിട്ടിയ ശേഷം ബേക്കല്‍ പൊലീസ് സ്​റ്റേഷനില്‍ ഒപ്പിടാന്‍ പോകുന്ന സമയത്ത് പൊലീസിനോട് പരാതിപ്പെട്ടിരുന്നു.

രണ്ടുപേരെയും ചില്ലിട്ട്​ ഫ്രെയിം ചെയ്യുമെന്നായിരുന്നു​ സി.പി.എമ്മിന്​ കീഴിലുള്ള വാട്​സ്​ ആപ്​​ ഗ്രൂപ്പുകളിൽ ഭീഷണിയുണ്ടായത്​. പീതാംബരനെ ആക്രമിച്ച കേസിൽ പാർട്ടിക്കാർ നൽകിയ പരാതിയിൽ കൃപേഷി​​െൻറ പേരുമുണ്ടായിരുന്നു. എന്നാൽ, സംഭവസമയം കൃപേഷ്​ സ്ഥലത്തില്ലാത്തതിനാൽ പൊലീസ് കേസിൽനിന്ന് ഒഴിവാക്കുകയായിരുന്നു.

എ. പീതാംബരനെ സി.പി.എം പുറത്താക്കി
കാസർകോട്: പെരിയ കല്യോട്ട്​ യൂത്ത്​ കോൺഗ്രസ്​ പ്രവർത്തകരെ വെട്ടിക്കൊലപ്പെടുത്തിയ കേസിൽ അറസ്​റ്റിലായ പെരിയ ലോക്കൽ കമ്മിറ്റി അംഗം എ. പീതാംബരനെ പാർട്ടി അംഗത്വത്തിൽനിന്ന് പുറത്താക്കിയതായി സി.പി.എം ജില്ല കമ്മിറ്റി അറിയിച്ചു. സി.പി.എമ്മി​​െൻറ പ്രഖ്യാപിത നയങ്ങൾക്ക് വിരുദ്ധമായി പ്രവർത്തിച്ചതിനാണ്​ നടപടിയെന്നാണ്​ പാർട്ടി നൽകുന്ന വിശദീകരണം. കൊലപാതകത്തില്‍ പാര്‍ട്ടി പ്രവര്‍ത്തകര്‍ ഉള്‍പ്പെട്ടിട്ടുണ്ടെങ്കില്‍ സംരക്ഷണം നല്‍കില്ലെന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞിരുന്നു.