കാസർകോട്​ പെരിയയിൽ കോൺഗ്രസ്​ നേതാവി​െൻറ വീടിന്​ തീയിട്ടു

പെരിയ: ഇരട്ടക്കൊല നടന്ന പെരിയ കല്യോട്ട്​ കോൺഗ്രസ്​ നേതാവി​​െൻറ വീടിന്​ തീയിട്ടു. ഞായറാഴ്​ച പുലര്‍ച്ചയാണ്​ ഉദുമ ബ്ലോക്ക് കോണ്‍ഗ്രസ് പ്രസിഡൻറ്​ രാജ​​െൻറ വീട് കത്തിക്കാനുള്ള ശ്രമം നടന്നത്​. രണ്ടു ബൈക്കിൽ എത്തിയവര്‍ വീടി​​െൻറ വാതില്‍ പടിയില്‍ തീയിടുകയായിരുന്നു. തീപടര്‍ന്നെങ്കിലും വീട്ടുകാര്‍ അറിഞ്ഞതിനെ തുടര്‍ന്ന് തീകെടുത്തി.

വീടി​​െൻറ ജനൽ ഗ്ലാസും വീട്ടുമുറ്റത്ത് നിര്‍ത്തിയ കാറി​​െൻറ ഗ്ലാസും എറിഞ്ഞുതകര്‍ത്തു. വീട്ടുവരാന്തയിലുണ്ടായിരുന്ന കസേരകളും മറ്റു സാധനങ്ങളും കത്തിനശിച്ചു. പൊലീസ് സംഘം സ്ഥലത്തെത്തി തെളിവെടുത്തു. സംഭവത്തിന് പിന്നില്‍ സി.പി.എമ്മാണെന്ന് കോണ്‍ഗ്രസ് ജില്ല പ്രസിഡൻറ്​ ഹക്കീം കുന്നില്‍ ആരോപിച്ചു. അക്രമം നടക്കുമ്പോള്‍ രാജനും കുടുംബവും വീട്ടിലുണ്ടായിരുന്നു.