നീലേശ്വരം-തെരു റോഡ് പ്രവൃത്തി ടാറിങ് എന്ന് നടത്തും?

നീ​ലേ​ശ്വ​രം: ടാ​റി​ങ് ചെ​യ്തി​ല്ലെ​ങ്കി​ലെ​ന്താ റോ​ഡി​ൽ വാ​ഹ​നം പാ​ർ​ക്ക് ചെ​യ്യാ​മ​ല്ലോ എ​ന്ന അ​വ​സ്ഥ​യി​ലാ​ണ് നീ​ലേ​ശ്വ​രം-​തെ​രു റോ​ഡ്. ടാ​റി​ങ് പ്ര​വൃ​ത്തി അ​ന​ന്ത​മാ​യി നീ​ളു​ന്ന നീ​ലേ​ശ്വ​രം തെ​രു റോ​ഡ് ഇ​പ്പോ​ൾ വാ​ഹ​ന​ങ്ങ​ളു​ടെ പാ​ർ​ക്കി​ങ് കേ​ന്ദ്ര​മാ​യി മാ​റി​യി​രി​ക്കു​ക​യാ​ണ്. രാ​വി​ലെ മു​ത​ൽ വൈ​കീ​ട്ടു​വ​രെ റോ​ഡി​ന് മു​ക​ളി​ൽ വാ​ഹ​ന​ങ്ങ​ളു​ടെ നീ​ണ്ട​നി​ര കാ​ണാം. ജ​ന​ങ്ങ​ൾ തി​ങ്ങി​പ്പാ​ർ​ക്കു​ന്ന തെ​രു​വ​ത്തു​ള്ള കു​ടും​ബ​ങ്ങ​ൾ​ക്ക് സ്വ​ന്തം വാ​ഹ​നം വീ​ട്ടി​ലേ​ക്ക് കൊ​ണ്ടു​പോ​കാ​ൻ സാ​ധി​ക്കു​ന്നി​ല്ല. ര​ണ്ടാ​ഴ്ച​യാ​യി തെ​രു റോ​ഡ് ന​വീ​ക​ര​ണ​ത്തി​ന്‍റെ ഭാ​ഗ​മാ​യി ഇ​ങ്ങ​നെ ക​രി​ങ്ക​ൽ മെ​റ്റ​ൽ നി​ര​ത്തി​യി​ട്ടി​ട്ട്.

ഇ​തു​മൂ​ലം ന​ട​ന്നു​പോ​കാ​നോ വാ​ഹ​ന​ങ്ങ​ൾ​ക്ക് സു​ഗ​മ​മാ​യി സ​ഞ്ച​രി​ക്കാ​നോ സാ​ധി​ക്കു​ന്നി​ല്ല. ആ​ളു​ക​ൾ എ​ത്താ​ത്ത​തി​നാ​ൽ റോ​ഡ​രി​കി​ലു​ള​ള വ്യാ​പാ​ര​സ്ഥാ​പ​ന​ങ്ങ​ളി​ൽ രാ​വി​ലെ മു​ത​ൽ വൈ​കീ​ട്ടു​വ​രെ ഒ​രു ക​ച്ച​വ​ട​വും ന​ട​ക്കു​ന്നി​ല്ല. തെ​രു റോ​ഡി​ലെ ദേ​ശ​സാ​ത്കൃ​ത സ്ഥാ​പ​ന​ങ്ങ​ളാ​യ എ​സ്.​ബി.​ഐ, ഐ.​ഒ.​ബി ബാ​ങ്കു​ക​ളി​ൽ ദി​വ​സ​വു​മെ​ത്തു​ന്ന നൂ​റു​ക​ണ​ക്കി​ന് ഉ​പ​ഭോ​ക്താ​ക്ക​ളും ഈ ​ദു​രി​ത​മ​നു​ഭ​വി​ക്കു​ന്നു.

സ​മീ​പ​ത്തെ വ്യാ​പാ​ര​ഭ​വ​ൻ ഹാ​ളി​ൽ ന​ട​ക്കു​ന്ന പ​രി​പാ​ടി​ക​ൾ​ക്ക് എ​ത്തു​ന്ന​വ​ർ ക​രി​ങ്ക​ൽ​ചീ​ളു​ക​ൾ​ക്ക് മു​ക​ളി​ലൂ​ടെ ന​ട​ക്കേ​ണ്ട അ​വ​സ്ഥ​യാ​ണ്. ഇ​തു​കൂ​ടാ​തെ ഹൗ​സി​ങ് സൊ​സൈ​റ്റി, വ​നി​ത സൊ​സൈ​റ്റി, ത​ളി​യി​ൽ ക്ഷേ​ത്രം, ജേ​സീ​സ് സ്കൂ​ൾ, വി​ല്ലേ​ജ് ഓ​ഫി​സ്, ഹോ​മി​യോ ആ​ശു​പ​ത്രി, ജി.​എ​ൽ.​പി സ്കൂ​ൾ തു​ട​ങ്ങി​യ സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്ന ത​ളി​യി​ൽ റോ​ഡി​ന്‍റെ സ്ഥി​തി​യും ഇ​തു​ത​ന്നെ​യാ​യി​ട്ടും ടാ​റി​ങ് വേ​ഗ​ത്തി​ൽ ചെ​യ്യാ​ൻ ബ​ന്ധ​പ്പെ​ട്ട​വ​ർ ത​യാ​റാ​കു​ന്നി​ല്ല.

രാ​ജാ​റോ​ഡി​ൽ ഗ​താ​ഗ​തം സ്തം​ഭി​ച്ചാ​ൽ ബ​സ് സ്റ്റാ​ൻ​ഡി​ലേ​ക്കും തി​രി​ച്ച് ദേ​ശീ​യ​പാ​ത​യി​ലേ​ക്കും ക​ട​ന്നു​പോ​കാ​ൻ ഈ ​തെ​രു റോ​ഡി​നെ​യാ​ണ് ആ​ശ്ര​യി​ക്കു​ന്ന​ത്. എ​ന്നി​ട്ടും ബ​ന്ധ​പ്പെ​ട്ട​വ​ർ റോ​ഡി​ൽ ക​രി​ങ്ക​ൽ​ചീ​ളു​ക​ൾ നി​ര​ത്തി​യ​ല്ലാ​തെ ടാ​റി​ങ് ന​ട​ത്താ​ൻ ത​യാ​റാ​കു​ന്നി​ല്ല. വാ​ഹ​ന​ങ്ങ​ൾ മൂ​ർ​ച്ച​യു​ള്ള ക​രി​ങ്ക​ൽ പാ​ളി​ക​ൾ​ക്ക് മു​ക​ളി​ലൂ​ടെ പോ​കു​ന്ന​തു​മൂ​ലം വാ​ഹ​ന​ങ്ങ​ളു​ടെ ട​യ​ർ കേ​ടാ​കു​ന്ന സ്ഥി​തി​യു​ണ്ട്.

എം. ​രാ​ജ​ഗോ​പാ​ല​ൻ എം.​എ​ൽ.​എ​യു​ടെ ശ്ര​മ​ഫ​ല​മാ​യി സം​സ്ഥാ​ന സ​ർ​ക്കാ​ർ അ​ഞ്ചു കോ​ടി രൂ​പ​യാ​ണ് ന​ഗ​ര​റോ​ഡു​ക​ൾ ആ​ധു​നി​ക​വ​ത്ക​രി​ക്കു​ന്ന​തി​ന് അ​നു​വ​ദി​ച്ച​ത്. എ​ന്നാ​ൽ, ഇ​പ്പോ​ൾ തെ​രു റോ​ഡ്, ത​ളി​യി​ൽ റോ​ഡ്, വി​ല്ലേ​ജ് ഓ​ഫി​സ് റോ​ഡ് ന​വീ​ക​ര​ണ പ്ര​വൃ​ത്തി ജ​ന​ങ്ങ​ൾ​ക്ക് ദു​രി​ത​മാ​യി മാ​റു​ക​യാ​ണ്.