ജല അതോറിറ്റിക്ക് റോഡ് കിളച്ചുമറിക്കാൻ കൊടുത്തിട്ട് രണ്ടാഴ്ച; ആറു മാസം പിന്നിട്ട് ദുരിതം, റോ​ഡ് ഗ​താ​ഗ​തയോ​ഗ്യ​മാ​ക്ക​ണ​മെ​ന്ന് ആവശ്യം

രാ​വ​ണീ​ശ്വ​രം: ചാ​ലി​ങ്കാ​ൽ ചാ​മു​ണ്ഡി​ക്കു​ന്ന് റോ​ഡി​ൽ ചാ​ലി​ങ്കാ​ൽ- കു​ന്നു​പാ​റ വ​രെ​യു​ള്ള റോ​ഡ് അ​റ്റ​കു​റ്റ​പ്പണി അ​ന​ന്ത​മാ​യി നീ​ളു​ന്നു. ജി​ല്ല പ​ഞ്ചാ​യ​ത്ത് ഫ​ണ്ടി​ൽ പു​ന​ർ​നി​ർ​മാ​ണം ആ​രം​ഭി​ച്ച​പ്പോ​ഴാ​ണ് ജ​ൽ​ജീ​വ​ൻ മി​ഷ​ൻ പ്ര​കാ​ര​മു​ള്ള പൈ​പ്പു​ക​ൾ സ്ഥാ​പി​ക്കാ​ൻ തീ​രു​മാ​നി​ച്ച​ത്. എ​ങ്കി​ൽ റോ​ഡ് കി​ള​ച്ച് പൈ​പ്പി​ട​ൽ ന​ട​ക്ക​ട്ടെ​യെ​ന്ന് തീ​രു​മാ​നി​ച്ച് ജ​ല അ​േ​താ​റി​റ്റി​ക്ക് വി​ട്ടു​കൊ​ടു​ക്കു​ക​യാ​യി​രു​ന്നു. പൈ​പ്പി​ടു​ന്ന​തി​ന് ജ​ല അ​തോ​റിറ്റി ചോ​ദി​ച്ച​ത് ര​ണ്ടാ​ഴ്ച​യാ​യി​രു​ന്നു. ജി​ല്ല പ​ഞ്ചാ​യ​ത്ത് റോ​ഡ് വി​ട്ടു​കൊ​ടു​ത്ത് ആ​റു​മാ​സം പി​ന്നി​ട്ടി​ട്ടും കി​ള​ച്ചു​മ​റി​ക്ക​ൽ അ​വ​സാ​നി​ച്ചി​ട്ടി​ല്ല. ഇ​തു​മൂ​ലം നാ​ട്ടു​കാ​രും ഓ​ട്ടോ​തൊ​ഴി​ലാ​ളി​ക​ളും മ​റ്റു​വാ​ഹ​ന​ങ്ങ​ളും കാ​ൽ​ന​ടയാ​ത്ര​ക്കാ​രും അ​നു​ഭ​വി​ക്കു​ന്ന​ത് വ​ൻ ദു​രി​തം.

ചാ​ലി​ങ്കാ​ൽ -ചാ​മു​ണ്ഡി​ക്കു​ന്ന് റോ​ഡി​ൽ ചാ​ലി​ങ്കാ​ൽ മു​ത​ൽ കു​ന്നു​പാ​റ വ​രെ​യു​ള്ള ഭാ​ഗം ന​വീ​ക​രി​ക്കു​ന്ന​തി​ന്റെ ഭാ​ഗ​മാ​യി റോ​ഡ് പു​ന​രു​ദ്ധാ​ര പ്ര​വൃ​ത്തി ആ​റു​മാ​സം മു​മ്പാ​ണ് ആ​രം​ഭി​ച്ച​ത്. അ​തു​വ​രെ​യു​ള്ള റോ​ഡ് കി​ള​ച്ചി​ട്ട് ടാ​റി​ങ് ന​ട​ത്താ​നാ​യി​രു​ന്നു ന​ട​പ​ടി. അ​ത​നു​സ​രി​ച്ച് റോ​ഡ് അ​ട​ച്ചി​ടു​ക​യും കു​ന്നു​പാ​റ ത​ണ്ണോ​ട്ട് റോ​ഡു​വ​ഴി​യും കു​ന്നു​പാ​റ പാ​ണ​ന്തോ​ട് വ​ഴി​യും തി​രി​ച്ചു​വി​ടു​ക​യും ചെ​യ്തി​രു​ന്നു. അ​തി​നി​ട​യി​ലാ​ണ് ജ​ൽജീ​വ​ൻ മി​ഷ​ൻ പ​ദ്ധ​തി പ്ര​കാ​രം പൈ​പ്പി​ടാ​ൻ തീ​രു​മാ​നി​ച്ച​ത്. റോ​ഡ് ടാ​റി​ങ് ന​ട​ത്തി​യ ശേ​ഷം പൈ​പ്പി​ട്ടാ​ൽ ന​വീ​ക​രി​ച്ച റോ​ഡ് വീ​ണ്ടും കി​ള​ക്കു​ക​യും ഗ​താ​ഗ​ത യോ​ഗ്യ​മ​ല്ലാ​താ​കു​ക​യും ചെ​യ്യും. ഇ​ത് ഒ​ഴി​വാ​ക്കാ​ൻ പൈ​പ്പ​ടാ​ൻ ജ​ല അ​തോ​റി​റ്റി​ക്ക് അ​നു​മ​തി ന​ൽ​കി. ര​ണ്ടാ​ഴ്ച​യാ​ണ് അ​വ​ർ സ​മ​യം ചോ​ദി​ച്ച​ത്.

ജ​ൽജീ​വ​ൻ മി​ഷ​ൻ പ്ര​കാ​രം പ്ര​വൃ​ത്തി പൂർത്തി​യാ​ക്കാ​നു​ള്ള പൈ​പ്പു​ക​ൾ ഉ​ൾ​പ്പെട​യു​ള്ള സാ​മ​ഗ്രി​ക​ളു​ടെ അ​ഭാ​വം കാ​ര​ണം വൈ​കു​ക​യാ​ണ്. ക​രാ​റു​കാ​രാ​ണ് പ്ര​വൃ​ത്തി വൈ​കി​പ്പി​ക്കു​ന്ന​ത് എ​ന്നാ​ണ് നാ​ട്ടു​കാ​രു​ടെ ആ​രോ​പ​ണം. ഇ​തു​വ​ഴി​യു​ള്ള ബ​സ് സ​ർ​വി​സ് നി​ർ​ത്തി​വെ​ച്ചു. ഓ​ട്ടോ സ​ർ​വി​സും ന​ട​ത്താ​ൻ പ​റ്റു​ന്നി​ല്ല. കി​ള​ച്ചി​ട്ട റോ​ഡി​ലൂ​ടെ നി​ർ​ബ​ന്ധി​ത യാ​ത്ര ന​ട​ത്തി ടാ​ക്സി​ക​ൾ പ​ല​തും കേ​ടാ​യി​. കാ​ൽ​ന​ട​പോ​ലും ദു​ഷ്ക​ര​മാ​ണ്. വി​ദ്യാ​ർ​ഥി​ക​ൾ​ക്ക് സ​മ​യ​ത്ത് സ്കൂ​ളു​ക​ളി​ലും കോ​ള​ജു​ക​ളി​ലും എ​ത്താ​ൻ ക​ഴി​യു​ന്നി​ല്ല. ജീ​വ​ന​ക്കാ​ർ​ക്കും തൊ​ഴി​ലാ​ളി​ക​ൾ​ക്കും പ​ണി​സ്ഥ​ല​ങ്ങ​ളി​ൽ പോ​കാ​ൻ ക​ഴി​യു​ന്നി​ല്ല.

ക​രാ​ർ ഏ​റ്റെ​ടു​ത്ത​വ​ർ വാ​ക്കു പാ​ലി​ക്ക​ണ​മെ​ന്നും അ​ല്ലാ​ത്ത​പ​ക്ഷം ശ​ക്ത​മാ​യ ജ​ന​കീ​യ പ്ര​ക്ഷോ​ഭം ന​ട​ത്തേ​ണ്ടി​വ​രു​മെ​ന്ന് സി.​പി.​ഐ അ​ജാ​നൂ​ർ ലോ​ക്കി​ൽ ക​മ്മി​റ്റി പ്ര​സ്താ​വ​ന​യി​ൽ പ​റ​ഞ്ഞു. ര​ണ്ടാ​ഴ്ച​കൊ​ണ്ട് തീ​ർ​ക്കാ​മെ​ന്ന ഉ​റ​പ്പി​ൽ പ്ര​വൃ​ത്തി അ​ന​ന്ത​മാ​യി നീ​ട്ടു​ന്ന​ത് ജ​ന​ങ്ങ​ളോ​ടു​ള്ള വെ​ല്ലു​വി​ളി​യാ​ണ്. ഇ​ത് അ​നു​വ​ദി​ക്കാ​നാ​വി​ല്ലെ​ന്ന് സി.​പി.​ഐ ലോ​ക്ക​ൽ സെ​ക്ര​ട്ട​റി എ. ​ത​മ്പാ​ൻ പ​റ​ഞ്ഞു.