വിസ തട്ടിപ്പ്: പ്രതിയെ തേടി പൊലീസ് മുംബൈയിൽ

കാ​ഞ്ഞ​ങ്ങാ​ട്: സിം​ഗ​പ്പൂ​ർ വി​സ ത​ട്ടി​പ്പ് കേ​സി​ലെ പ്ര​തി​യെ തേ​ടി പൊ​ലീ​സ് മും​ബൈ​യി​ൽ തി​ര​ച്ചി​ൽ ന​ട​ത്തി. വി​സ വാ​ഗ്ദാ​നം ചെ​യ്ത് ചി​റ്റാ​രി​ക്കാ​ൽ സ്വ​ദേ​ശി മാ​ത്തു കു​ട്ടി എ​ന്ന മാ​ത്യു​വി​നെ (56) ര​ണ്ട​ര​ല​ക്ഷം രൂ​പ ത​ട്ടി​യെ​ടു​ത്ത കേ​സി​ലാ​ണ് പ്ര​തി​യെ തേ​ടി ചി​റ്റാ​രി​ക്കാ​ൽ പൊ​ലീ​സ് സ​ബ്ഇ​ൻ​സ്പെ​ക്ട​ർ യു. ​അ​രു​ണ​ന്റെ നേ​തൃ​ത്വ​ത്തി​ൽ തി​ര​ച്ചി​ൽ ന​ട​ത്തി​യ​ത്.

ചേ​ർ​ത്ത​ല സ്വ​ദേ​ശി സു​രേ​ഷ് ഗോ​പി നാ​രാ​യ​ണ​നാ​ണ് കേ​സി​ലെ പ്ര​തി. മാ​ത്തു​ക്കു​ട്ടി ര​ണ്ടു​വ​ർ​ഷം മു​മ്പാ​ണ് സിം​ഗ​പ്പൂ​രി​ലേ​ക്ക് ജോ​ലി​യു​ള്ള വി​സ​ക്കാ​യി ര​ണ്ട​ര ല​ക്ഷം രൂ​പ ന​ൽ​കി​യ​ത്. റോ​ഡ​രി​കി​ൽ പ​തി​ച്ച നോ​ട്ടീ​സി​ൽ ന​മ്പ​ർ ക​ണ്ടാ​ണ് ഇ​ദ്ദേ​ഹം സു​രേ​ഷ് ഗോ​പി നാ​രാ​യ​ണ​നെ സ​മീ​പി​ക്കു​ന്ന​ത്. സിം​ഗ​പ്പൂ​രി​ലേ​ക്ക് ജോ​ലി​യു​ള്ള വി​സ ന​ൽ​കാ​മെ​ന്നാ​യി​രു​ന്നു നോ​ട്ടീ​സി​ൽ പ​ര​സ്യ​പ്പെ​ടു​ത്തി​യി​രു​ന്ന​ത്. മം​ഗ​ളൂ​രു​വി​ൽ പ്ര​വ​ർ​ത്തി​ച്ചി​രു​ന്ന സ്റ്റാ​ൻ അ​സോ​സി​യേ​ഷ​ൻ എ​ന്ന സ്ഥാ​പ​ന​ത്തി​ന്റെ ഉ​ട​മ​യാ​ണ് പ്ര​തി. മം​ഗ​ളൂ​രു​വി​ലെ സ്ഥാ​പ​ന​ത്തി​ൽ വ​ച്ചാ​യി​രു​ന്നു പ​ണം കൈ​മാ​റി​യ​ത്. മാ​സ​ങ്ങ​ൾ ക​ഴി​ഞ്ഞി​ട്ടും വി​സ ല​ഭി​ക്കാ​തെ വ​ന്ന​തോ​ടെ മം​ഗ​ളൂ​രി​ലെ​ത്തി​യ​പ്പോ​ൾ ഇ​വി​ടെ സ്ഥാ​പ​നം പൂ​ട്ടി​യ നി​ല​യി​ലാ​ണ് ക​ണ്ട​ത്. വ​ഞ്ചി​ക്ക​പ്പെ​ട്ടെ​ന്ന് മ​ന​സ്സി​ലാ​യ​തോ​ടെ പൊ​ലീ​സി​നെ സ​മീ​പി​ക്കു​ക​യാ​യി​രു​ന്നു.

ബാ​ങ്ക് വ​ഴി യാ ​യി രു ​ന്നു പ​ണം കൈ​മാ​റി​യ​ത്. ബാ​ങ്ക് അ​ക്കൗ​ണ്ട് മും​ബൈ​യി​ലു​ള്ള വി​ലാ​സ​ത്തി​ൽ ക​ണ്ടെ​ത്തി​യ​തി​നെ തു​ട​ർ​ന്നാ​ണ് മും​ബൈ​യി​ൽ തി​ര​ച്ചി​ൽ ന​ട​ത്തി​യ​ത്.