Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightകടലിൽ നിയമലംഘനമേറെ;...

കടലിൽ നിയമലംഘനമേറെ; നിസ്സഹായരായി ഫിഷറീസ്​ വകുപ്പ്​

text_fields
bookmark_border
കടലിൽ നിയമലംഘനമേറെ; നിസ്സഹായരായി ഫിഷറീസ്​ വകുപ്പ്​
cancel

കാസര്‍കോട്: കടലിൽ നിയമലംഘനങ്ങൾ വർധിക്കു​േമ്പാഴും തടയാൻ മതിയായ സംവിധാനങ്ങളില്ലാതെ ജില്ലയിലെ ഫിഷറീസ്​ വകുപ്പ്​. കടലിൽ പരിശോധന നടത്താൻ ആവശ്യമായ ജീവനക്കാരും ഉപകരണങ്ങളും ഇല്ലാത്തതാണ്​ ഫിഷറീസ്​ വകുപ്പിന്​ തല​വേദനയാവുന്നത്​. ജീവനക്കാരുടെയും പൊലീസുകാരുടെയും കുറവാണ് പ്രധാന പ്രതിസന്ധി. ഇതുകാരണം കടലിലെ പട്രോളിങ് കൃത്യമായി നടക്കുന്നില്ല.

കര്‍ണാടകയില്‍നിന്നുള്‍പ്പെ​െടയുള്ള ബോട്ടുകള്‍ അതിര്‍ത്തി കടന്നെത്തി ജില്ലയുടെ മത്സ്യസമ്പത്ത് കൊള്ളയടിക്കുന്ന സ്ഥിതിയുണ്ട്​. ഇതൊന്നും തടയാൻ കഴിയുന്നില്ലെന്നാണ്​ ജീവനക്കാർ തന്നെ പറയുന്നത്​. സംസ്ഥാനത്തെ മിക്ക തീരദേശ ജില്ലകളിലും മറൈന്‍ എന്‍ഫോഴ്‌സ്‌മെൻറ്​ യൂനിറ്റും ഫിഷറീസ്​​ സ്​റ്റേഷനുകളുമുണ്ട്. അവിടെയുള്ള അസി. ഡയറക്ടര്‍ക്കാണ് കടല്‍ പട്രോളിങ്ങി​െൻറ ചുമതല. കാസര്‍കോട്ട് ഫിഷറീസ് സ്​റ്റേഷന്‍ ഇല്ലാത്തതിനാല്‍ കണ്ണൂരില്‍നിന്നുള്ള ഫിഷറീസ് അസി.ഡയറക്ടറാണ് ജില്ലയിലെത്തി പരിശോധന നടത്തുന്നത്.

അതിനാൽതന്നെ ജില്ലയുടെ തീരങ്ങളിൽ കാര്യമായ പരിശോധന നടക്കുന്നില്ല. കീഴൂരില്‍ ഫിഷറീസ് സ്​റ്റേഷ​െൻറ കെട്ടിടനിര്‍മാണം പൂര്‍ത്തിയായിട്ട്​ വർഷങ്ങളായി. പ്രവര്‍ത്തനം തുടങ്ങാൻ ഇതുവരെ സാധിച്ചിട്ടില്ല. എന്നു തുടങ്ങുമെന്ന്​ പറയാൻ അധികൃതർക്ക്​ സാധിക്കുന്നില്ല. ഫിഷറീസ് സ്​റ്റേഷന്‍ യാഥാർഥ്യമായാല്‍ അസി. ഡയറക്ടറും പൊലീസുകാരുമുള്‍പ്പെടെ കൂടുതല്‍ ജീവനക്കാര്‍ ജില്ലയിലെ ഫിഷറീസ് വകുപ്പിന് ലഭിക്കും.

മറൈന്‍ എന്‍ഫോഴ്‌സ്‌മെൻറ്​ ഗാര്‍ഡ് വന്നാല്‍ 24 മണിക്കൂര്‍ കടല്‍നിരീക്ഷണവും സാധ്യമാകും. മഞ്ചേശ്വരം കണ്വതീര്‍ഥ മുതലാണ് കേരളത്തി​െൻറ തീര അതിര്‍ത്തി തുടങ്ങുന്നത്. കോവിഡ്​ കാലമായിട്ടും ജനുവരി മുതല്‍ ഏപ്രില്‍ വരെ 26,80,000 രൂപയാണ് ജില്ലയിലെ കടലില്‍നിന്ന്​ ഫീഷറീസ് വകുപ്പ് പിഴയീടാക്കിയത്. പിടിച്ചെടുത്ത ബോട്ടുകളിലെ മത്സ്യം ലേലം ചെയ്ത് ലഭിക്കുന്ന തുകയും സര്‍ക്കാറിനാണ്. മാര്‍ച്ചിനുശേഷം ഇതുവരെ രണ്ടു ബോട്ടുകള്‍ മാത്രമാണ് നിയമലംഘനത്തിന് പിടിയിലായത്. നിയമലംഘനം തുടരു​േമ്പാഴും അത്​ പിടികൂടാൻ സംവിധാനമില്ലാത്തതിനാൽ ഫിഷറീസ്​ വകുപ്പ്​ നിസ്സാഹയരാണ്​.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:seaDepartment of Fisheries
News Summary - Violation; Department of Fisheries helpless
Next Story