പീഡനം: രണ്ടുപേർ അറസ്റ്റിൽ

അമ്പലത്തറ: അമ്പലത്തറ പൊലീസ് സ്റ്റേഷന്‍ പരിധിയില്‍ പ്രായപൂര്‍ത്തിയാവാത്ത പെണ്‍കുട്ടികളെ പീഡനത്തിനിരയാക്കിയതിന് നാലുപേര്‍ക്കെതിരെ കേസെടുത്തു.

ഇതില്‍ രണ്ടുപേരെ അറസ്റ്റുചെയ്തു. കോടോം-ബേളൂര്‍ പഞ്ചായത്തിലെ പെണ്‍കുട്ടിയെ മാസങ്ങളായി പീഡിപ്പിച്ചതില്‍ കാലിച്ചാനടുക്കത്തെ നിഷാദ് ഗോപിനാഥിനെ അമ്പലത്തറ പൊലീസ് ഇന്‍സ്‌പെക്ടര്‍ രഞ്ജിത്ത് രവീന്ദ്രനും ബേക്കല്‍ പോലീസ് സ്റ്റേഷന്‍ പരിധിയിലെ സ്‌കൂള്‍ വിദ്യാര്‍ഥിയെ പീഡിപ്പിച്ച ഇരിയ കാഞ്ഞിരടുക്കത്തെ കമലപ്ലാവില്‍ ബാബുവിനെ അമ്പലത്തറ എസ്‌.ഐ മധുസൂദനന്‍ മടിക്കൈയുമാണ് അറസ്റ്റ് ചെയ്തത്.