പ്ര​വാ​സി​യു​ടെ രേ​ഖ​ക​ൾ ഉ​പ​യോ​ഗി​ച്ച് വി​സ ത​ട്ടി​പ്പ്; ര​ണ്ട് പ്ര​തി​ക​ൾ​ക്ക് ശി​ക്ഷ

കാ​സ​ർ​കോ​ട്: പ്ര​വാ​സി​യു​ടെ രേ​ഖ​ക​ൾ ദു​രു​പ​യോ​ഗം ചെ​യ്ത് മ​റ്റൊ​രാ​ൾ​ക്ക് ഖ​ത്ത​ർ സ​ന്ദ​ർ​ശ​ക വി​സ സം​ഘ​ടി​പ്പി​ച്ച സം​ഭ​വ​ത്തി​ൽ ര​ണ്ട് പ്ര​തി​ക​ൾ​ക്ക് കോ​ട​തി ശി​ക്ഷ വി​ധി​ച്ചു. ബ​ദി​യ​ടു​ക്ക മൂ​ക്കം​പാ​റ സ്വ​ദേ​ശി, ഉ​ള​യ​ത്ത​ടു​ക്ക​യി​ലെ ട്രാ​വ​ൽ ഏ​ജ​ന്റ് മു​ഹ​മ്മ​ദ് ശ​രീ​ഫി​ന്റെ മ​ക​ൻ അ​ബ്ദു​ൽ ഫാ​സി​ൽ ഫി​റോ​സ്, മം​ഗ​ൽ​പാ​ടി ബ​ന്തി​യോ​ട് സ്വ​ദേ​ശി ആ​ദ​മി​ന്റെ മ​ക​ൻ ഹൈ​ദ​ർ അ​ലി എ​ന്നി​വ​രെ​യാ​ണ് കാ​സ​ർ​കോ​ട് ചീ​ഫ് ജു​ഡീ​ഷ്യ​ൽ മ​ജി​സ്ട്രേ​റ്റ് കോ​ട​തി ശി​ക്ഷി​ച്ച​ത്. ഇ​രു​വ​രും കോ​ട​തി​യി​ൽ കു​റ്റം സ​മ്മ​തി​ച്ച​തി​നെ തു​ട​ർ​ന്ന് 20,000 രൂ​പ വീ​തം പി​ഴ​യും കോ​ട​തി പി​രി​യു​ന്ന​തു​വ​രെ ത​ട​വും ശി​ക്ഷ​യാ​യി വി​ധി​ച്ചു.

പി​ഴ അ​ട​ച്ചി​ല്ലെ​ങ്കി​ൽ ര​ണ്ടു​മാ​സം വീ​തം ല​ളി​ത ത​ട​വ് അ​നു​ഭ​വി​ക്ക​ണ​മെ​ന്നും കോ​ട​തി ഉ​ത്ത​ര​വി​ട്ടു. ഈ​ടാ​ക്കു​ന്ന പി​ഴ​ത്തു​ക​യി​ൽ​നി​ന്ന് 30,000 രൂ​പ പ​രാ​തി​ക്കാ​ര​നാ​യ ക​ന്യ​പ്പാ​ടി-​നീ​ർ​ച്ചാ​ൽ സ്വ​ദേ​ശി ഫി​റോ​സ് അ​ലി അ​ഹ​മ്മ​ദി​ന് ക്രി​മി​ന​ൽ ന​ട​പ​ടി നി​യ​മ​ത്തി​ലെ വ​കു​പ്പ് 357(1) പ്ര​കാ​രം ന​ൽ​കാ​നും കോ​ട​തി നി​ർ​ദേ​ശി​ച്ചു. രേ​ഖ​യു​ട​മ അ​റി​യാ​തെ സ​ർ​ട്ടി​ഫി​ക്ക​റ്റ് കൈ​മാ​റി ഭാ​ര്യ​യെ​യും മ​ക്ക​ളെ​യും സ​ന്ദ​ർ​ശ​ക വി​സ​യി​ൽ ഖ​ത്ത​റി​ലേ​ക്ക് കൊ​ണ്ടു​പോ​കു​ന്ന​തി​നാ​യി ആ​വ​ശ്യ​മാ​യ ഖ​ത്ത​ർ നാ​ഷ​ന​ൽ അ​ഡ്ര​സ് സ​ർ​ട്ടി​ഫി​ക്ക​റ്റ് പ​രാ​തി​ക്കാ​ര​നാ​യ ഫി​റോ​സ് അ​ലി അ​ഹ​മ്മ​ദ് ഒ​ന്നാം പ്ര​തി​യാ​യ ട്രാ​വ​ൽ ഏ​ജ​ന്റി​നെ ഏ​ൽ​പ്പി​ച്ചി​രു​ന്നു.

എ​ന്നാ​ൽ 2024 ജൂ​ൺ നാ​ലു​മു​ത​ൽ 15 വ​രെ​യു​ള്ള കാ​ല​യ​ള​വി​ൽ പ​രാ​തി​ക്കാ​ര​ന്റെ അ​റി​വോ സ​മ്മ​ത​മോ ഇ​ല്ലാ​തെ ഒ​ന്നാം പ്ര​തി സ​ർ​ട്ടി​ഫി​ക്ക​റ്റ് ര​ണ്ടാം പ്ര​തി​ക്ക് കൈ​മാ​റി​യെ​ന്നാ​ണ് പ്രോ​സി​ക്യൂ​ഷ​ൻ കേ​സ്. ര​ണ്ടാം പ്ര​തി പി​ന്നീ​ട് സ​ർ​ട്ടി​ഫി​ക്ക​റ്റ് മ​റ്റൊ​രാ​ൾ​ക്ക് കൈ​മാ​റു​ക​യും, ഈ ​രേ​ഖ ഉ​പ​യോ​ഗി​ച്ച് ഒ​രാ​ൾ ഖ​ത്ത​റി​ലേ​ക്ക് യാ​ത്ര ചെ​യ്യു​ക​യും ചെ​യ്ത​താ​യി കോ​ട​തി രേ​ഖ​ക​ളി​ൽ പ​റ​യു​ന്നു. ഖ​ത്ത​റി​ലെ​ത്തി കു​ടു​ങ്ങി​യ​ത് മ​റ്റൊ​രാ​ൾ ത​ന്റെ രേ​ഖ​ക​ൾ ദു​രു​പ​യോ​ഗം ചെ​യ്ത് മ​റ്റൊ​രാ​ൾ​ക്ക് ഖ​ത്ത​ർ സ​ന്ദ​ർ​ശ​ക വി​സ സം​ഘ​ടി​പ്പി​ച്ച​താ​യി ശ്ര​ദ്ധ​യി​ൽ​പ്പെ​ട്ട​തോ​ടെ ഖ​ത്ത​റി​ലെ സ​ന്ന​ദ്ധ പ്ര​വ​ർ​ത്ത​ക​ർ ഇ​ട​പെ​ട്ടു.

ഖ​ത്ത​റി​ലെ​ത്തി​യ യു​വാ​വി​ന് താ​മ​സ​സൗ​ക​ര്യം ഉ​ൾ​പ്പെ​ടെ​യു​ള്ള ആ​വ​ശ്യ​മാ​യ സ​ഹാ​യ​ങ്ങ​ൾ ന​ൽ​കി​യ ശേ​ഷം ടി​ക്ക​റ്റ് എ​ടു​ത്ത് നാ​ട്ടി​ലേ​ക്ക് തി​രി​ച്ച​യ​ച്ചു. സം​ഭ​വം ശ്ര​ദ്ധ​യി​ൽ​പ്പെ​ട്ട​തോ​ടെ ത​ന്റെ രേ​ഖ​ക​ൾ ഉ​പ​യോ​ഗി​ച്ച് വി​സ ത​ട്ടി​പ്പ് ന​ട​ത്തി​യ​വ​ർ​ക്കെ​തി​രെ ന​ട​പ​ടി ആ​വ​ശ്യ​പ്പെ​ട്ട് ഫി​റോ​സ് അ​ലി അ​ഹ​മ്മ​ദ് നാ​ട്ടി​ലെ​ത്തി പ​രാ​തി ന​ൽ​കു​ക​യാ​യി​രു​ന്നു. സം​ഭ​വ​ത്തി​ൽ വി​ദ്യാ​ന​ഗ​ർ പൊ​ലീ​സി​ൽ പ​രാ​തി ന​ൽ​കി​യെ​ങ്കി​ലും ആ​ദ്യം കേ​സെ​ടു​ക്കു​ന്ന​തി​ൽ വി​മു​ഖ​ത ഉ​ണ്ടാ​യ​താ​യി പ​രാ​തി​ക്കാ​ര​ൻ ആ​രോ​പി​ച്ചു.

എ​ന്നാ​ൽ പ​രാ​തി​യി​ൽ ഉ​റ​ച്ചു​നി​ന്ന​തോ​ടെ പി​ന്നീ​ട് ട്രാ​വ​ൽ ഏ​ജ​ന്റി​നെ​തി​രെ​യും രേ​ഖ ഉ​പ​യോ​ഗി​ച്ച് വി​സ നേ​ടി ഖ​ത്ത​റി​ലെ​ത്തി​യ യു​വാ​വി​നെ​തി​രെ​യും അ​ന്വേ​ഷ​ണം ആ​രം​ഭി​ച്ച​ത്. ചീ​ഫ് ജു​ഡീ​ഷ്യ​ൽ മ​ജി​സ്ട്രേ​റ്റ് രു​ക്മ എ​സ്. രാ​ജ് ആ​ണ് വി​ധി പ്ര​സ്താ​വി​ച്ച​ത്. കോ​ട​തി​യി​ൽ ഹാ​ജ​രാ​യ ഇ​രു​വ​രും കു​റ്റം സ​മ്മ​തി​ച്ചു. കു​റ്റ​സ​മ്മ​തം സ്വ​മേ​ധ​യാ ന​ട​ത്തി​യ​താ​ണെ​ന്ന് ബോ​ധ്യ​പ്പെ​ട്ട​തി​നെ തു​ട​ർ​ന്ന് കോ​ട​തി അ​ത് അം​ഗീ​ക​രി​ക്കു​ക​യും പ്ര​തി​ക​ളെ കു​റ്റ​ക്കാ​രാ​യി ക​ണ്ടെ​ത്തു​ക​യും ചെ​യ്തു. പ്ര​തി​ക​ൾ​ക്കാ​യി അ​ഡ്വ. എം. ​സ​ക്കീ​ർ അ​ഹ​മ്മ​ദ് ഹാ​ജ​രാ​യി.