Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightകാ​സ​ർ​കോ​ട് സഞ്ചാരികൾ ...

കാ​സ​ർ​കോ​ട് സഞ്ചാരികൾ എത്തിത്തുടങ്ങി; സജീവമായി വിനോദസഞ്ചാര മേഖല

text_fields
bookmark_border
കാ​സ​ർ​കോ​ട് സഞ്ചാരികൾ എത്തിത്തുടങ്ങി; സജീവമായി വിനോദസഞ്ചാര മേഖല
cancel
camera_alt

വ​ലി​യ​പ​റ​മ്പി​ലെ ബോ​ട്ടി​ങ്

കാ​സ​ർ​കോ​ട് സഞ്ചാരികൾ എത്തിത്തുടങ്ങി; സജീവമായി വിനോദസഞ്ചാര മേഖല

കാ​സ​ർ​കോ​ട്​: കോ​വി​ഡ് കു​റ​ഞ്ഞ​തോ​ടെ ജി​ല്ല​യു​ടെ വി​നോ​ദ​സ​ഞ്ചാ​ര മേ​ഖ​ല വീ​ണ്ടും സ​ജീ​വ​മാ​യി. ബേ​ക്ക​ല്‍ കോ​ട്ട​യും റാ​ണി​പു​ര​വും മ​ഞ്ഞം​പൊ​തി​ക്കു​ന്നും ക​വ്വാ​യി​ക്കാ​യ​ലു​മെ​ല്ലാം വീ​ണ്ടും സ​ഞ്ചാ​രി​ക​ളെ എ​തി​രേ​റ്റു തു​ട​ങ്ങി. സാ​മൂ​ഹി​ക അ​ക​ലം പാ​ലി​ച്ച് മാ​സ്‌​ക് ധ​രി​ച്ച് സാ​നി​റ്റൈ​സ​റി​െൻറ സു​ര​ക്ഷ​യി​ലാ​ണ്​ സ​ഞ്ചാ​രി​ക​ള്‍ എ​ത്തു​ന്ന​ത്. ന​വ​രാ​ത്രി, ദീ​പാ​വ​ലി ദി​വ​സ​ങ്ങ​ളി​ല്‍ ഇ​ത​ര സം​സ്ഥാ​ന​ങ്ങ​ളി​ല്‍നി​ന്നു​ള്ള​വ​രു​ടെ ഒ​ഴു​ക്ക് ബേ​ക്ക​ലി​ലേ​ക്കും ഉ​ണ്ടാ​യ​ത് ടൂ​റി​സം മേ​ഖ​ല​ക്ക് ന​വോ​ന്‍മേ​ഷം പ​ക​ര്‍ന്നു. ബേ​ക്ക​ല്‍ ബീ​ച്ച് പാ​ര്‍ക്ക്, ചെ​മ്പി​രി​ക്ക ബീ​ച്ച്, കാ​ഞ്ഞ​ങ്ങാ​ട് ബീ​ച്ച് തു​ട​ങ്ങി വി​വി​ധ സ്ഥ​ല​ങ്ങ​ളി​ലും റാ​ണി​പു​രം തു​ട​ങ്ങി​യ ഹി​ല്‍ സ്​​റ്റേ​ഷ​നു​ക​ളി​ലും ര​ണ്ട് മാ​സ​മാ​യി സ​ഞ്ചാ​രി​ക​ള്‍ എ​ത്തു​ന്നു​ണ്ട്.

വ​ട​ക്കേ മ​ല​ബാ​റി​െൻറ ത​ന​തു സാം​സ്‌​കാ​രി​ക സ​മ്പ​ത്താ​യ ക​ളി​യാ​ട്ട​ക്കാ​ലം ആ​രം​ഭി​ച്ച​തി​നാ​ല്‍ തെ​യ്യം കാ​ണു​ന്ന​തി​നും ഗ്രാ​മീ​ണ​ഭം​ഗി ആ​സ്വ​ദി​ക്കു​ന്ന​തി​നു​മാ​യി വി​നോ​ദ​സ​ഞ്ചാ​രി​ക​ളെ പ്ര​തീ​ക്ഷി​ക്കു​ന്നു​ണ്ട്. വി​നോ​ദ സ​ഞ്ചാ​ര​മേ​ഖ​ല പ​ഴ​യ നി​ല​യി​ലേ​ക്കെ​ത്തു​ന്ന​ത് ഹോം​സ്​​റ്റേ, സ​ര്‍വി​സ്ഡ് വി​ല്ല, പ​ഞ്ച​ന​ക്ഷ​ത്ര ഹോ​ട്ട​ലു​ക​ള്‍ ഉ​ള്‍പ്പെ​ടെ ഈ ​മേ​ഖ​ല​യി​ലു​ള്ള മ​റ്റ് സം​രം​ഭ​ങ്ങ​ള്‍ക്കും ഉ​ണ​ർ​വേ​കും.ബേ​ക്ക​ലി​ല്‍ റി​സോ​ര്‍ട്ടി​​െൻറ നി​ർ​മാ​ണം വീ​ണ്ടും സ​ജീ​വ​മാ​യി. അ​ധി​കം വൈ​കാ​തെ റി​സോ​ര്‍ട്ട് പ്ര​വ​ര്‍ത്ത​ന​ക്ഷ​മ​മാ​ക്കാ​ന്‍ സാ​ധി​ക്കും.

കാണാം, ജില്ലയുടെ വൈവിധ്യങ്ങള്‍

കാ​സ​ർ​കോ​ട്​: വി​നോ​ദ​സ​ഞ്ചാ​ര മേ​ഖ​ല​യി​ലെ കാ​സ​ര്‍കോ​ട​ന്‍ വൈ​വി​ധ്യ​ങ്ങ​ളെ പ​രി​ച​യ​പ്പെ​ടു​ത്തി ലി​റ്റി​ല്‍ ഇ​ന്ത്യ കാ​സ​ര്‍കോ​ട്. ജി​ല്ല​യി​ലെ നാ​ലു വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളെ​യാ​ണ് ഹ്ര​സ്വ വി​ഡി​യോ​ക​ളി​ലൂ​ടെ ജി​ല്ല ടൂ​റി​സം പ്ര​മോ​ഷ​ന്‍ കൗ​ണ്‍സി​ല്‍ ലോ​ക​ത്തി​ന് മു​ന്നി​ലെ​ത്തി​ക്കു​ന്ന​ത്. റാ​ണി​പു​രം മ​ല​നി​ര​ക​ളു​ടെ മ​നോ​ഹാ​രി​ത​യും ബെ​ള്ളൂ​ര്‍ പ​ഞ്ചാ​യ​ത്തി​ലെ ക​ല്ലേ​രി​മൂ​ല വെ​ള്ള​ച്ചാ​ട്ട​വും വ​ലി​യ​പ​റ​മ്പ് കാ​യ​ലും പി​ലി​ക്കോ​ട് വ​യ​ലി​െൻോറ സൗ​ന്ദ​ര്യ​വു​മെ​ല്ലാം ആ​കാ​ശ​ദൃ​ശ്യ​ങ്ങ​ളി​ലൂ​ടെ​യാ​ണ് പ​ക​ര്‍ത്തി​യ​ത്. സം​സ്ഥാ​ന സ​ർ​ക്കാ​ർ പു​തു​താ​യി ന​ട​പ്പി​ലാ​ക്കു​ന്ന ഓ​രോ പ​ഞ്ചാ​യ​ത്തി​ലും ടൂ​റി​സം കേ​ന്ദ്ര​ങ്ങ​ൾ എ​ന്ന ആ​ശ​യ​ത്തി​െൻറ പ്ര​ചാ​ര​ണം ല​ക്ഷ്യ​മി​ട്ടാ​ണ് വി​ഡി​യോ ത​യാ​റാ​ക്കി​യ​ത്. ബെ​ള്ളൂ​ർ, വ​ലി​യ പ​റ​മ്പ്, പി​ലി​ക്കോ​ട്, പ​ന​ത്ത​ടി പ​ഞ്ചാ​യ​ത്തു​ക​ളി​ലെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളാ​ണ് ആ​ദ്യ​ഘ​ട്ട​ത്തി​ൽ വി​ഡി​യോ​ക​ളി​ലൂ​ടെ പ​രി​ച​യ​പ്പെ​ടു​ത്തി​യ​ത്. ആ​ഭ്യ​ന്ത​ര ടൂ​റി​സ്​​റ്റു​ക​ള്‍ക്കൊ​പ്പം വി​ദേ​ശി​ക​ളെ​യും ജി​ല്ല​യു​ടെ പ്രാ​ദേ​ശി​ക വി​നോ​ദ​സ​ഞ്ചാ​ര ഭൂ​മി​ക​യി​ലേ​ക്ക് ആ​ക​ര്‍ഷി​ക്കും​വി​ധ​മാ​ണ് വി​ഡി​യോ​ക​ള്‍. ജി​ല്ല ക​ല​ക്ട​ര്‍ ഭ​ണ്ഡാ​രി സ്വാ​ഗ​ത് ര​ണ്‍വീ​ര്‍ ച​ന്ദ് പ്ര​കാ​ശ​നം ചെ​യ്തു. കാ​സ​ര്‍കോ​ട് വി​ക​സ​ന പാ​ക്കേ​ജ് സ്‌​പെ​ഷ​ല്‍ ഓ​ഫി​സ​ര്‍ ഇ.​പി. രാ​ജ്‌​മോ​ഹ​ന്‍ അ​ധ്യ​ക്ഷ​ത വ​ഹി​ച്ചു. ടൂ​റി​സം ഡെ​പ്യൂ​ട്ടി ഡ​യ​റ​ക്ട​ര്‍ തോ​മ​സ് ആ​ൻ​റ​ണി, ജി​ല്ല ഇ​ന്‍ഫ​ര്‍മേ​ഷ​ന്‍ ഓ​ഫി​സ​ര്‍ എം. ​മ​ധു​സൂ​ദ​ന​ന്‍, ബി.​ആ​ര്‍.​ഡി.​സി മാ​നേ​ജ​ര്‍ യു.​എ​സ്. പ്ര​സാ​ദ്, ഡി.​ടി.​പി.​സി സെ​ക്ര​ട്ട​റി ബി​ജു രാ​ഘ​വ​ന്‍ എ​ന്നി​വ​ര്‍ സം​സാ​രി​ച്ചു.



Show Full Article
TAGS:tourism 
News Summary - Tourists began to arrive; Active tourism sector
Next Story