മോഷ്​ടിക്കാൻ ശ്രമിക്കുന്നതിനിടെ യുവാവ് പിടിയിൽ

കാസർകോട്: നഗരത്തിലെ പഴക്കച്ചവട സ്ഥാപനത്തിൽ മോഷ്​ടിക്കാൻ ശ്രമിക്കുന്നതിനിടെ യുവാവിനെ പൊലീസ് അറസ്​റ്റ്​ ചെയ്തു. പൈക്ക ബീട്ടിയടുക്കത്തെ ഷിഹാബിനെയാണ് (28) എസ്.ഐ ഷേഖ്​ അബ്​ദുൽ റസാക്കി‍െൻറ നേതൃത്വത്തിൽ അറസ്​റ്റ്​ ചെയ്തത്.

കഴിഞ്ഞ ദിവസം പുലർച്ചെ പഴയ ബസ് സ്​റ്റാൻഡിന്​ സമീപത്തെ പഴക്കച്ചവട സ്ഥാപനത്തിലാണ് മോഷണശ്രമം നടന്നത്. കടയുടെ മേൽക്കൂര ഇളക്കി അകത്തു കടക്കുന്നതിനിടെ ശബ്​ദം കേട്ട് വഴിയാത്രക്കാരുടെ ശ്രദ്ധയിൽപെടുകയും ഓടാൻ ശ്രമിക്കുന്നതിനിടെ പിടികൂടി പൊലീസിൽ ഏൽപിക്കുകയുമായിരുന്നു. പ്രതിയെ റിമാൻഡ്​ ചെയ്തു.