സ്കൂൾ മൈതാനം ഇനി കുത്തിരിപ്പ് മുഹമ്മദ്​ സ്റ്റേഡിയം

മൊ​ഗ്രാ​ൽ: മൊ​ഗ്രാ​ൽ സ്കൂ​ൾ​മൈ​താ​നം ഇ​നി കു​ത്തി​രി​പ്പ് മു​ഹ​മ്മ​ദി​ന്റെ പേ​രി​ല​റി​യ​പ്പെ​ടും. മൊ​ഗ്രാ​ലി​ന്റെ ഫു​ട്ബാ​ൾ ആ​ചാ​ര്യ​ൻ കു​ത്തി​രി​പ്പ് മു​ഹ​മ്മ​ദി​ന്റെ ഓ​ർ​മ​ദി​ന​ത്തി​ലാ​ണ് കാ​ൽ​പ​ന്തു​ക​ളി​യെ നെ​ഞ്ചി​ലേ​റ്റി​യ​വ​ർ ആ​ഗ്ര​ഹി​ച്ച സ​ന്തോ​ഷ​വാ​ർ​ത്ത​യെ​ത്തി​യ​ത്. ജി​ല്ല​യി​ലെ ഫു​ട്ബാ​ൾ രം​ഗ​ത്ത് നി​റ​സാ​ന്നി​ധ്യ​മാ​യി​രു​ന്ന കു​ത്തി​രി​പ്പ് മു​ഹ​മ്മ​ദ് മി​ക​ച്ച സം​ഘാ​ട​ക​നും പ​രി​ശീ​ല​ക​നു​മാ​യി​രു​ന്നു.

ഫു​ട്ബാ​ൾ ടൂ​ർ​ണ​മെ​ന്റു​ക​ളി​ൽ കു​ത്തി​രി​പ്പ് മു​ഹ​മ്മ​ദ് എ​ത്തി​പ്പെ​ടാ​ത്ത സ്ഥ​ല​ങ്ങ​ളി​ല്ല. ദേ​ശീ​യ-​സം​സ്ഥാ​ന താ​ര​ങ്ങ​ൾ​ക്കൊ​പ്പം ബൂ​ട്ട​ണി​ഞ്ഞി​രു​ന്ന ഇ​ദ്ദേ​ഹം പി​ന്നീ​ട് ക​ളി​ക്കാ​നി​റ​ങ്ങാ​തെ യു​വാ​ക്ക​ളെ​യും വി​ദ്യാ​ർ​ഥി​ക​ളെ​യും വി​ളി​ച്ചു​കൂ​ട്ടി മൊ​ഗ്രാ​ൽ സ്കൂ​ൾ​മൈ​താ​ന​ത്ത് ദി​വ​സ​വും ഫു​ട്ബാ​ൾ പ​രി​ശീ​ല​നം ന​ൽ​കു​ക​യാ​യി​രു​ന്നു. ഇ​തു​വ​ഴി മൊ​ഗ്രാ​ൽ ഫു​ട്ബാ​ളി​ന് നി​ര​വ​ധി യു​വ​നി​ര​യെ വ​ള​ർ​ത്തി​ക്കൊ​ണ്ടു​വ​രാ​ൻ അ​ദ്ദേ​ഹ​ത്തി​ന് സാ​ധി​ച്ചു. ദേ​ശീ​യ-​സം​സ്ഥാ​ന​ത​ല​ങ്ങ​ളി​ൽ​ത​ന്നെ ശ്ര​ദ്ധി​ക്ക​പ്പെ​ട്ട താ​ര​ങ്ങ​ൾ​ക്ക് ജ​ന്മം​ന​ൽ​കി​യ ജി​ല്ല​യി​ലെ ഏ​റ്റ​വും പ​ഴ​ക്കം​ചെ​ന്ന ക്ല​ബു​ക​ളി​ലൊ​ന്നാ​ണ് മൊ​ഗ്രാ​ൽ സ്പോ​ർ​ട്സ് ക്ല​ബ്‌. മൊ​ഗ്രാ​ലി​ലെ ഫു​ട്ബാ​ൾ പ്രേ​മി​ക​ൾ​ക്ക് ല​ഭി​ക്കു​ന്ന ഏ​റ്റ​വും വ​ലി​യ ബ​ഹു​മ​തി​യാ​ണ് മൊ​ഗ്രാ​ൽ സ്കൂ​ൾ​മൈ​താ​ന​ത്തി​ന് കു​ത്തി​രി​പ്പ് മു​ഹ​മ്മ​ദി​ന്റെ പേ​രി​ല​റി​യ​പ്പെ​ടാ​നു​ള്ള ജി​ല്ല പ​ഞ്ചാ​യ​ത്തി​ന്റെ തീ​രു​മാ​ന​മെ​ന്ന് നാ​ട്ടു​കാ​ർ പ​റ​ഞ്ഞു.