തീപിടിച്ച് വീട് പൂർണമായും കത്തി നശിച്ചു

കാസർകോട്​: അണങ്കൂർ ടിപ്പുനഗറിൽ വീടിന് തീപിടിച്ച് പൂർണമായും കത്തി നശിച്ചു. അബ്​ദുൽ ഖാദറിന്റ വീട്ടിലാണ്തീപിടുത്തം ഉണ്ടായത്. ഇന്നലെ ഉച്ചയോടെയാണ് സംഭവം. പുക ഉയരുന്നത് പരിസരവാസികളാണ്​ വീട്ടുകാരെ അറിയിച്ചത്​. സംഭവസമയത്ത് വീടിനകത്ത് കുട്ടികൾ ഉൾപ്പെടെ എട്ടോളം പേർ ഉണ്ടായിരുന്നു.കാസർകോട് നിന്നുള്ള ഫയർഫോഴ്സ് യൂനിറ്റും നാട്ടുകാരും ചേർന്നാണ് തീയണച്ചത്. ആളപായമില്ല. ഷോർട്ട് സർക്യൂട്ടാണ് തീ പിടുത്തത്തിന് കാരണമെന്ന്​ പറയുന്നു.