എരിക്കുളം വയലിൽ മണ്ണെടുപ്പുത്സവം തുടങ്ങി

നീ​ലേ​ശ്വ​രം: ജി​ല്ല​യി​ൽ മ​ൺ​പാ​ത്ര നി​ർ​മാ​ണം ന​ട​ക്കു​ന്ന മ​ടി​ക്കൈ പ​ഞ്ചാ​യ​ത്തി​ലെ എ​രി​ക്കു​ളം ഗ്രാ​മ​വാ​സി​ക​ൾ​ക്ക് ഇ​നി​യു​ള്ള നാ​ളു​ക​ള്‍ മ​ണ്ണെ​ടു​പ്പ് ഉ​ത്സ​വ​ത്തി​ന്റേ​താ​ണ്. എ​രി​ക്കു​ളം വ​യ​ലി​ൽനിന്നാണ് മ​ൺ​പാ​ത്ര നി​ർ​മാ​ണ​ത്തി​നാ​യു​ള്ള മ​ണ്ണ് കു​ഴി​ച്ചെ​ടു​ക്കു​ന്ന​ത്. പ​ര​മ്പ​രാ​ഗ​ത​മാ​യ ച​ട​ങ്ങു​ക​ളോ​ടെ​യാ​ണ് വ​യ​ലി​ൽനിന്ന് മ​ണ്ണ് കു​ഴി​ച്ചെ​ടു​ക്കു​ന്ന​ത്. അ​ടു​ത്ത ഒ​രു​വ​ര്‍ഷ​ത്തേ​ക്കു​ള്ള മ​ണ്ണ് കു​ഴി​ച്ചെ​ടു​ത്ത് ത​ല​ച്ചു​മ​ടാ​യി കൊ​ണ്ടു​വ​ന്ന് അ​വ​ര​വ​രു​ടെ പ​റ​മ്പി​ല്‍ ചെ​റി​യ കു​ഴി​യി​ല്‍ സൂ​ക്ഷി​ക്കു​ന്ന​താ​ണ് രീ​തി.

വ​യ​ലി​ൽ കു​ഴി​ച്ചാ​ൽ കി​ട്ടു​ന്ന ച​ളി, ചൂ​ര്, പൊ​ടി ചൂ​ര് എ​ന്നീ​യി​നം മ​ണ്ണു​ക​ളാ​ണ് ല​ഭി​ക്കു​ക. ഇ​വ വീ​ടു​ക​ളി​ലെ​ത്തി​ച്ച് ആ​വ​ശ്യ​ത്തി​ന് പൂ​ഴി ചേ​ർ​ത്ത് മ​ൺ​പാ​ത്ര നി​ർ​മാ​ണത്തിനാവ​ശ്യ​മാ​യ ക​ളി​മ​ണ്ണാ​ക്കി മാ​റ്റും. എ​രി​ക്കു​ള​ത്തെ കു​ശ​വ സ​മു​ദാ​യ​ത്തി​ലെ 200 കു​ടും​ബ​ങ്ങ​ളി​ൽ പ​കു​തി പേ​ർ മാ​ത്ര​മേ ഇ​പ്പോ​ൾ ഈ ​തൊ​ഴി​ൽ മേ​ഖ​ല​യി​ൽ പ്ര​വ​ർ​ത്തി​ക്കു​ന്നു​ള്ളൂ.

എ​ല്ലാ​വ​ർ​ഷ​വും ഏ​പ്രി​ൽ മാ​സ​ങ്ങ​ളി​ലാ​ണ് മ​ണ്ണെ​ടു​പ്പ് ന​ട​ക്കു​ന്ന​ത്. ക​ണി​ക്ക​ല​ങ്ങ​ളും മ​റ്റ് മ​ൺ​പാ​ത്ര​ങ്ങ​ളും നി​ര്‍മി​ക്കു​ന്ന​തി​നാ​വ​ശ്യ​മാ​യ മ​ണ്ണ് ശേ​ഖ​രി​ക്കു​ന്ന​തി​നാ​യി ഓ​രോ കു​ടും​ബ​ത്തി​ലെ ആ​ബാ​ല​വൃ​ദ്ധ​ൻ​മാ​രും വ​യ​ലി​ലേ​ക്കി​റ​ങ്ങും.

ക​ന​ത്ത ചൂ​ടി​നെ പോ​ലും വ​ക​വെ​ക്കാതെ പ​ക​ല​ന്തി​യോ​ളം വ​യ​ലി​ല്‍ മ​ണ്ണെ​ടു​പ്പ് ജോ​ലി​യി​ല്‍ മു​ഴു​കി​യി​രി​ക്കു​ക​യാ​ണ് ഇ​വി​ടുത്തെ മ​ണ്‍പാ​ത്ര നി​ര്‍മാ​ണ തൊ​ഴി​ലാ​ളി​ക​ള്‍.

എ​ന്നാ​ൽ അ​ലു​മി​നി​യം, സ്റ്റീ​ൽ പാ​ത്ര​ങ്ങ​ൾ വീ​ടു​ക​ളി​ലെ അ​ടു​ക്ക​ള​ക​ൾ ക​യ​ട​ക്കു​ന്ന​ത് ഇ​വ​രു​ടെ തൊ​ഴി​ൽ മേ​ഖ​ല​ക്ക് ഭീ​ഷ​ണി​യാ​കു​ന്നു​ണ്ട്. മാ​ത്ര​മ​ല്ല പു​തുത​ല​മു​റ ഈ ​മേ​ഖ​ല​യി​ലേ​ക്ക് ക​ട​ന്ന് വ​രു​ന്നി​ല്ല. ഏ​റെ ശ്ര​ദ്ധ​യോ​ടെ ചെ​യ്യേ​ണ്ട നി​ർ​മാ​ണ​ത്തി​ൽ ഏ​ർ​പ്പെ​ടു​ന്ന​വ​ർ​ക്ക് സ​ർ​ക്കാ​റി​െന്റ ഭാ​ഗ​ത്തുനി​ന്ന് ഒ​രു അ​നു​കൂ​ല്യ​വും ല​ഭി​ക്കാ​റു​മി​ല്ല.