സം​സ്ഥാ​ന ഡീ ​ലി​മി​റ്റേ​ഷ​ന്‍ ക​മീ​ഷ​ന്‍ ഹി​യ​റി​ങ് ഇ​ന്ന്

കാ​സ​ർ​കോ​ട്: ത​ദ്ദേ​ശ​ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലെ ക​ര​ട് വാ​ര്‍ഡ് വി​ഭ​ജ​ന​വു​മാ​യി ബ​ന്ധ​പ്പെ​ട്ട് ല​ഭ്യ​മാ​യ പ​രാ​തി​ക​ളി​ല്‍ സം​സ്ഥാ​ന ഡീ ​ലി​മി​റ്റേ​ഷ​ന്‍ ക​മീ​ഷ​ന്‍ ഹി​യ​റി​ങ് ചൊ​വ്വാ​ഴ്ച രാ​വി​ലെ ഒ​മ്പ​തി​ന് കാ​സ​ര്‍കോ​ട് മു​നി​സി​പ്പ​ല്‍ കോ​ണ്‍ഫ​റ​ന്‍സ് ഹാ​ളി​ല്‍ ന​ട​ക്കും.

ക​ര​ട് വാ​ര്‍ഡ്/ നി​യോ​ജ​ക​മ​ണ്ഡ​ല വി​ഭ​ജ​ന നി​ര്‍ദേ​ശ​ങ്ങ​ളി​ൽ നി​ശ്ചി​ത സ​മ​യ​പ​രി​ധി​ക്ക് മു​മ്പാ​യി ആ​ക്ഷേ​പ​ങ്ങ​ളും അ​ഭി​പ്രാ​യ​ങ്ങ​ളും സ​മ​ര്‍പ്പി​ച്ച​വ​ര്‍ക്ക് മാ​ത്ര​മേ പ​ങ്കെ​ടു​ക്കാ​ന്‍ സാ​ധി​ക്കു​ക​യു​ള്ളൂ. മാ​സ് പെ​റ്റീ​ഷ​ന്‍ ന​ല്‍കി​യി​ട്ടു​ള്ള​വ​രി​ൽ നി​ന്ന് ഒ​രു പ്ര​തി​നി​ധി​യെ മാ​ത്ര​മേ ഹി​യ​റി​ങ്ങി​ല്‍ പ​ങ്കെ​ടു​ക്കാ​ന്‍ അ​നു​വ​ദി​ക്കു​ക​യു​ള്ളൂ​വെ​ന്നും ജി​ല്ല തെ​ര​ഞ്ഞെ​ടു​പ്പ് ഓ​ഫി​സ​ര്‍ അ​റി​യി​ച്ചു.

കാ​സ​ര്‍കോ​ട്, കാ​റ​ഡു​ക്ക ബ്ലോ​ക്കു​ക​ളി​ലെ ഗ്രാ​മ​പ​ഞ്ചാ​യ​ത്തു​ക​ള്‍, കാ​സ​ര്‍കോ​ട് മു​നി​സി​പ്പാ​ലി​റ്റി (311 പെ​റ്റീ​ഷ​നു​ക​ള്‍) എ​ന്നി​വ രാ​വി​ലെ ഒ​മ്പ​തി​നും കാ​ഞ്ഞ​ങ്ങാ​ട് നീ​ലേ​ശ്വ​രം ബ്ലോ​ക്കു​ക​ളി​ലെ ഗ്രാ​മ​പ​ഞ്ചാ​യ​ത്തു​ക​ള്‍ (പ​ട​ന്ന ഗ്രാ​മ​പ​ഞ്ചാ​യ​ത്ത് ഒ​ഴി​കെ) കാ​ഞ്ഞ​ങ്ങാ​ട് മു​നി​സി​പ്പാ​ലി​റ്റി (298 പെ​റ്റീ​ഷ​നു​ക​ള്‍) എ​ന്നി​വ രാ​വി​ലെ 11നും ​മ​ഞ്ചേ​ശ്വ​രം, പ​ര​പ്പ ബ്ലോ​ക്കു​ക​ളി​ലെ ഗ്രാ​മ​പ​ഞ്ചാ​യ​ത്തു​ക​ള്‍, നീ​ലേ​ശ്വ​രം മു​നി​സി​പ്പാ​ലി​റ്റി (245 പെ​റ്റീ​ഷ​നു​ക​ള്‍) എ​ന്നി​വ ഉ​ച്ച​ക്ക് ര​ണ്ടി​നും പ​രി​ഗ​ണി​ക്കും.