ശ്യാംകുമാറിന്‍റെ ചികിത്സാ തുകയിൽ മിച്ചം വന്നത് സാൻവിയുടെ ചികിത്സക്ക് കൈമാറി

ഉ​ദു​മ: ശ്യാം​കു​മാ​റി​ന്‍റെ ചി​കി​ത്സ​ക്ക് സ്വ​രൂ​പി​ച്ച തു​ക​യി​ൽ മി​ച്ചം വ​ന്ന തു​ക സാ​ൻ​വി​യു​ടെ ചി​കി​ത്സാ ഫ​ണ്ടി​ലേ​ക്ക് കൈ​മാ​റി. നാ​ലാം​വാ​തു​ക്ക​ൽ ശ്യാം​കു​മാ​റി​ന്‍റെ വൃ​ക്ക മാ​റ്റി​വെ​ക്കാ​ൻ വേ​ണ്ടി​യാ​ണ്​ ഫ​ണ്ട്​ സ​മാ​ഹ​രി​ച്ച​ത്. എ​ന്നാ​ൽ ചി​കി​ത്സ പൂ​ർ​ത്തി​യാ​കും മു​മ്പ്​ ശ്യാം​കു​മാ​ർ മ​ര​ണ​പ്പെ​ട്ടു. ശ്യാം​കു​മാ​റി​ന്‍റെ ചി​കി​ത്സ​ക്കാ​യി ബ്ലോ​ക്ക് പ​ഞ്ചാ​യ​ത്ത്‌ അം​ഗം കെ.​വി. രാ​ജേ​ന്ദ്ര​ൻ ചെ​യ​ർ​മാ​നാ​യും ക​മ​ലാ​ക്ഷ​ൻ ക​ൺ​വീ​ന​റാ​യും ജ​ഗ​ദീ​ശ​ൻ ട്ര​ഷ​റ​ർ ആ​യും രൂ​പവത്കരി​ച്ച ജ​ന​കീ​യ ക​മ്മി​റ്റി 8.5 ല​ക്ഷ​ത്തോ​ളം തു​ക സ​മാ​ഹ​രി​ച്ചി​രു​ന്നു.

തു​ക പൂ​ർ​ണ​മാ​യും ഉ​പ​യോ​ഗി​ക്കും മു​മ്പാ​ണ്​ ശ്യാം​കു​മാ​ർ മ​ര​ണ​പ്പെ​ട്ട​ത്. അ​തി​നാ​ൽ ബാ​ക്കി തു​ക സ​മാ​ന സ്വ​ഭാ​വ​മു​ള്ള രോ​ഗി​ക​ൾ​ക്ക് ന​ൽ​കാ​നാ​യി​രു​ന്നു ക​മ്മി​റ്റി​യു​ടെ തീ​രു​മാ​നം. ശ്യാ​മി​ന്‍റെ ഒ​ന്നാം ച​ര​മ​വാ​ർ​ഷി​ക ദി​ന​ത്തി​ൽ ആ​റാ​ട്ടു​ക​ട​വി​ൽ ന​ട​ന്ന ച​ട​ങ്ങി​ൽ 23 രോ​ഗി​ക​ൾ​ക്ക് സി.​എ​ച്ച് കു​ഞ്ഞ​മ്പു എം.​എ​ൽ.​എ തു​ക കൈ​മാ​റി​യി​രു​ന്നു. അ​തി​ന് ശേ​ഷം അ​ക്കൗ​ണ്ടി​ൽ ബാ​ക്കി വ​ന്ന 50,000 രൂ​പ മ​ജ്ജ മാ​റ്റി​വെ​ക്ക​ൽ ചി​കി​ത്സ​ക്ക് നി​ർ​ദേ​ശി​ക്ക​പ്പെ​ട്ട പെ​രി​യാ​ട്ട​ടു​ക്കം ബ​ട്ട​ത്തൂ​രി​ലെ സാ​ൻ​വി എ​ന്ന അ​ഞ്ചു വ​യ​സ്സു​കാ​രി​യു​ടെ കു​ടും​ബ​ത്തി​ന് ന​ൽ​കാ​നാ​യി​രു​ന്നു കൂ​ട്ടാ​യ്മ​യു​ടെ തീ​രു​മാ​നം. ഇ​തി​ന്‍റെ അ​ടി​സ്ഥാ​ന​ത്തി​ൽ ക​ഴി​ഞ്ഞ ദി​വ​സം സാ​ൻ​വി​യു​ടെ ചി​കി​ത്സ സ​ഹാ​യ ക​മ്മി​റ്റി ചെ​യ​ർ​മാ​ൻ എം. ​കു​മാ​ര​ൻ, ക​ൺ​വീ​ന​ർ അ​ജ​യ​ൻ പ​ന​യാ​ൽ, ബാ​ബു പ​ന​യാ​ൽ എ​ന്നി​വ​ർ​ക്ക് ആ​റാ​ട്ടു​ക​ട​വ് കൂ​ട്ടാ​യ്‌​മ പ്ര​വ​ർ​ത്ത​ക​ർ പ​ണം കൈ​മാ​റി.