എസ്.ഡി.പി.​െഎ പ്രവർത്തകന് കുത്തേറ്റ സംഭവം: നാലുപേർക്കെതിരെ കേസ്

കുമ്പള: എസ്.ഡി.പി.ഐ പ്രവർത്തകന് കുത്തേറ്റ സംഭവത്തിൽ നാലുപേർക്കെതിരെ കുമ്പള പൊലീസ് വധശ്രമത്തിന് കേസെടുത്തു. നേരത്തെ ഒരു കൊലപാതക കേസിൽ പ്രതിചേർക്കപ്പെട്ട കുമ്പളയിലെ ബാസിത്, അനിൽ, കണ്ടാലറിയാവുന്ന മറ്റ് രണ്ടുപേർ എന്നിവർക്കെതിരെയാണ് കേസെടുത്തത്.

ആരിക്കാടി കടവത്തെ ഇബ്രാഹിമി​െൻറ മകനും മത്സ്യത്തൊഴിലാളിയുമായ സൈനുദ്ദീനാണ് (30) തിങ്കളാഴ്ച സന്ധ്യക്ക് ഏഴുമണിയോടെ കൊടിയമ്മയിൽ​െവച്ച് കുത്തേറ്റത്. മംഗളൂരുവിലെ സ്വകാര്യ ആശുപത്രിയിൽ പ്രവേശിപ്പിച്ച ഇയാളെ അടിയന്തര ശസ്ത്രക്രിയക്ക് വിധേയമാക്കി. കുമ്പള എസ്.ഐ വി.കെ. അനീഷി​െൻറ നേതൃത്വത്തിലുള്ള പൊലീസ് സംഘം പ്രതികൾക്കായി തിരച്ചിൽ ഊർജിതമാക്കി. സംഭവത്തിൽ പ്രതിഷേധിച്ച് എസ്.ഡി.പി.ഐ പ്രവർത്തകർ കുമ്പള ടൗണിൽ പ്രകടനം നടത്തി.