പച്ചത്തേങ്ങക്ക് 34 രൂപ; സംഭരണം നാളെ തുടങ്ങും

വി​ദ്യാ​ന​ഗ​ർ: പ​ച്ച​ത്തേ​ങ്ങ കി​ലോ​ക്ക് 34 രൂ​പ നി​ര​ക്കി​ൽ വെള്ളിയാഴ്ച മു​ത​ൽ സം​ഭ​രി​ക്കും. കാ​സ​ർ​കോ​ട്ടെ പൊ​തു​വി​പ​ണി​യി​ൽ ചൊ​വ്വാ​ഴ്ച​ത്തെ വി​ല 20 മു​ത​ൽ 22 രൂ​പ വ​രെ​യാ​ണ്. 100 ട​ൺ​വ​രെ സം​ഭ​രി​ക്കാ​വു​ന്ന കേ​ന്ദ്രം വി​ദ്യാ​ന​ഗ​ർ നെ​ല​ക്ക​ള റോ​ഡി​ൽ കാ​സ​ർ​കോ​ട് കോ​ഓ​പ​റേ​റ്റി​വ് മാ​ർ​ക്ക​റ്റി​ങ് സൊ​സൈ​റ്റി ഒ​രു​ക്കി​യി​ട്ടു​ണ്ട്. ചൊ​വ്വ, വ്യാ​ഴം ദി​വ​സ​ങ്ങ​ളി​ലാ​ണ് തേ​ങ്ങ സം​ഭ​രി​ക്കു​ക. വ്യാ​ഴാ​ഴ്ച ഉ​ദ്ഘാ​ട​നം ന​ട​ത്താ​നാ​ണ് നി​ശ്ച​യി​ച്ചി​രു​ന്ന​ത്. മു​ൻ മു​ഖ്യ​മ​ന്ത്രി ഉ​മ്മ​ൻ​ചാ​ണ്ടി​യു​ടെ നി​ര്യാ​ണ​ത്തെ തു​ട​ർ​ന്നാ​ണ് വെ​ള്ളി​യാ​ഴ്ച​ത്തേ​ക്ക് മാ​റ്റി​യ​ത്.

ജി​ല്ല​യി​ൽ നി​ല​വി​ൽ ഏ​ഴു കേ​ന്ദ്ര​ങ്ങ​ളി​ൽ മാ​ത്ര​മാ​ണ് സ​ഹ​ക​ര​ണ സം​ഘ​ങ്ങ​ളു​ടെ സ​ഹ​ക​ര​ണ​ത്തോ​ടെ കേ​ര​ഫെ​ഡ് പ​ച്ച​ത്തേ​ങ്ങ സം​ഭ​രി​ക്കു​ന്ന​ത്. സം​ഭ​രി​ക്കു​ന്ന സം​ഘ​ങ്ങ​ൾ​ക്ക് നി​ല​വി​ൽ കൈ​കാ​ര്യ​ച്ചെ​ല​വു​പോ​ലും ല​ഭി​ക്കാ​ത്ത സാ​ഹ​ച​ര്യ​ത്തി​ലാ​ണ് സം​ഭ​ര​ണ​ത്തി​ന് ത​യാ​റാ​കാ​ത്ത​ത്. കൃ​ഷി ഭ​വ​നു​ക​ൾ ന​ൽ​കു​ന്ന സ​ർ​ട്ടി​ഫി​ക്ക​റ്റു​ക​ളു​ടെ അ​ടി​സ്ഥാ​ന​ത്തി​ലാ​ണ് തേ​ങ്ങ സം​ഭ​രി​ക്കു​ന്ന​ത്. ഇ​ത് ഉ​ൽ​പാ​ദ​ന​ത്തേ​ക്കാ​ൾ കു​റ​വാ​യ​തി​നാ​ൽ മു​ഴു​വ​ൻ തേ​ങ്ങ​യും ന​ൽ​കാ​ൻ ക​ഴി​യു​ന്നി​ല്ലെ​ന്ന പ​രാ​തി​യും ക​ർ​ഷ​ക​ർ​ക്കു​ണ്ട്. സം​ഭ​രി​ക്കു​ന്ന തേ​ങ്ങ​യു​ടെ വി​ല ക​ർ​ഷ​ക​ർ​ക്ക് കേ​ര​ഫെ​ഡ് നേ​രി​ട്ട് ബാ​ങ്ക് അ​ക്കൗ​ണ്ടി​ലേ​ക്ക് അ​യ​ക്കു​ക​യാ​ണ് ചെ​യ്യു​ന്ന​ത്. സം​ഭ​ര​ണം ആ​ഴ്ച​യി​ൽ ര​ണ്ടു ദി​വ​സ​മെ​ന്ന​ത് നാ​ലു ദി​വ​സ​മെ​ങ്കി​ലും വേ​ണ​മെ​ന്നും ക​ർ​ഷ​ക സം​ഘ​ട​ന​ക​ൾ ആ​വ​ശ്യ​പ്പ​ടു​ന്നു.

കാ​സ​ർ​കോ​ട്, മ​ഞ്ചേ​ശ്വ​രം ബ്ലോ​ക്കി​ൽ നാ​ളി​തു​വ​രെ സം​ഭ​ര​ണം തു​ട​ങ്ങാ​ത്ത സാ​ഹ​ച​ര്യ​ത്തി​ൽ മൊ​ത്തം ഉ​ൽ​പാ​ദ​ന​ത്തി​ന്റെ ആ​റി​ലൊ​ന്ന് മാ​ത്ര​മേ ഒ​രു ത​വ​ണ ന​ൽ​കാ​ൻ ക​ഴി​യു​ള്ളൂ​വെ​ന്ന നി​ർ​ദേ​ശ​വും ക​ർ​ഷ​ക​ക്ക് പ്ര​യാ​സ​മു​ണ്ടാ​ക്കു​ന്നു​ണ്ട്.

വി​ല​യി​ടി​വി​നെത്തുട​ർ​ന്ന് നാ​ളി​കേ​രം വി​ൽ​പ​ന ന​ട​ത്താ​തെ സൂ​ക്ഷി​ച്ചുവെ​ച്ചി​ട്ടു​ള്ള ക​ർ​ഷ​ക​രും ഇ​രു ബ്ലോ​ക്കു​ക​ളി​ലു​മു​ണ്ട്. വി​ല​യി​ടി​വി​നെ തു​ട​ർ​ന്ന് പ്ര​യാ​സം നേ​രി​ടു​ന്ന കേ​ര ക​ർ​ഷ​ക​ർ​ക്ക് ആ​ശ്വാ​സം പ​ക​രു​ന്ന താ​ങ്ങു​വി​ല പ​ദ്ധ​തി പ്ര​കാ​ര​മു​ള്ള കാ​സ​ർ​കോ​ട്, മ​ഞ്ചേ​ശ്വ​രം ബ്ലോ​ക്കു​ക​ളി​ലെ പ​ച്ചേ​ത്ത​ങ്ങ സം​ഭ​ര​ണ​ത്തി​ന് വെ​ള്ളി​യാ​ഴ്ച തു​ട​ക്ക​മാ​കും. കൃ​ഷി വ​കു​പ്പ് കേ​ര​ഫെ​ഡ് മു​ഖേ​ന ന​ട​പ്പാ​ക്കു​ന്ന സം​ഭ​ര​ണ​ത്തി​ന് ഇ​രു ബ്ലോ​ക്കു​ക​ളി​ലും സൗ​ക​ര്യ​മി​ല്ലാ​ത്ത​ത് ക​ർ​ഷ​ക​ർ​ക്ക് ഏ​റെ പ്ര​യാ​സ​മു​ണ്ടാ​ക്കി​യി​രു​ന്നു.

ജൂ​ൺ 16ന് ​ന​ട​ന്ന കൃ​ഷി​വ​കു​പ്പി​ലെ ഉ​ന്ന​ത ഉ​ദ്യോ​ഗ​സ്​​ഥ​രു​ടെ യോ​ഗ​ത്തി​ൽ ഇ​രു ബ്ലോ​ക്കു​ക​ളി​ലും പ​ച്ച​ത്തേ​ങ്ങ സം​ഭ​ര​ണം തു​ട​ങ്ങു​ന്ന​തി​ന് ക​ല​ക്ട​ർ ക​ർ​ശ​ന​നി​ദേ​ശം ന​ൽ​കി​യി​രു​ന്നു. സം​ഭ​ര​ണ​ത്തി​ന്റെ ഉ​ദ്ഘാ​ട​നം വെ​ള്ളി​യാ​ഴ്ച രാ​വി​ലെ ഒ​മ്പ​തി​ന് ക​ല​ക്ട​ർ കെ. ​ഇ​മ്പ​ശേ​ഖ​ർ നി​ർ​വ​ഹി​ക്കും. കെ.​സി.​എം.​പി സൊ​സൈ​റ്റി പ്ര​സി​ഡ​ന്റ് കെ.​വി. ഗോ​പാ​ല​ൻ അ​ധ്യ​ക്ഷ​നാ​കും.