റവന്യൂ ജി​ല്ല​ സ്കൂൾ കലോത്സവം; കാ​സ​ർ​കോ​ട് ഉ​പ​ജി​ല്ല​ മുന്നേറ്റം തുടരുന്നു

മ​ല​പ്പു​ല​യാ​ട്ട​വും ഭ​ര​ത​നാ​ട്യ​വും നാ​ട​ക​വും ചാ​ക്യാ​ർ​കൂ​ത്തും അ​ര​ങ്ങു​ത​ക​ർ​ത്ത ജി​ല്ല ക​ലോ​ത്സ​വ​ത്തി​ന്റെ ര​ണ്ടാം​നാ​ൾ മൊ​ഗ്രാ​ലി​ന്റെ മ​ണ്ണും മ​ന​സ്സും നി​റ​ഞ്ഞൊ​ഴു​കി. ക​ല​യെ നെ​ഞ്ചേ​റ്റി​യ നാ​ടി​നി​ത് ആ​ഘോ​ഷ​രാ​വ്. ര​ണ്ടാം​നാ​ളി​ന്റെ അ​വ​സാ​ന​വും വി​ട്ടു​കൊ​ടു​ക്കാ​തെ കാ​സ​ർ​കോ​ട് ഉ​പ​ജി​ല്ല​ത​ന്നെ മു​ന്നി​ലു​ണ്ട്. 753 പോ​യ​ന്റാ​ണ് ഉ​പ​ജി​ല്ല​ നേ​ടി​യ​ത്. 722 പോ​യ​ന്റു​മാ​യി ഹോ​സ്ദു​ർ​ഗും 677 പോ​യ​ന്റു​മാ​യി ചെ​റു​വ​ത്തൂ​രും ര​ണ്ടും മൂ​ന്നും സ്ഥാ​ന​ങ്ങ​ളി​ലു​ണ്ട്. തൊ​ട്ടു​പി​ന്നി​ൽ 653 പോ​യ​ന്റു​മാ​യി കു​മ്പ​ള​യും 644 പോ​യ​ന്റു​മാ​യി ബേ​ക്ക​ലു​മാ​ണ് മ​ത്സ​ര​രം​ഗ​ത്തു​ള്ള​ത്. കലോത്സവം ബുധനാഴ്ച സമാപിക്കും

സ്കൂ​ളി​ൽ ദു​ർ​ഗ എ​ച്ച്.​എ​സ്.​എ​സ് മു​ന്നി​ൽ

മൊ​ഗ്രാ​ൽ: സ്കൂ​ളു​ക​ളു​ടെ പോ​യ​ന്റ് നി​ല​യി​ൽ ദു​ർ​ഗ എ​ച്ച്.​എ​സ്.​എ​സ് കാ​ഞ്ഞ​ങ്ങാ​ട് ബ​ഹു​ദൂ​രം മു​ന്നി​ൽ. 171 പോ​യ​ന്റാ​ണ് സ്കൂ​ളി​ന്. ര​ണ്ടാ​മ​തു​ള്ള സി.​എ​ച്ച്.​എ​സ്.​എ​സ് ച​ട്ട​ഞ്ചാ​ലി​ന് 143 പോ​യ​ന്റാ​ണു​ള്ള​ത്. ജി.​എ​ച്ച്.​എ​സ്.​എ​സ് പാ​ക്കം-125, രാ​ജാ​സ് എ​ച്ച്.​എ​സ്.​എ​സ് നീ​ലേ​ശ്വ​രം-120, ജി.എച്ച്.എസ്.എസ് കമ്പല്ലൂർ-112 പോ​യ​ന്റു​മാ​യി ഗോ​ധ​യി​ലു​ണ്ട്.

അഞ്ചാമതും വൈഗ സംസ്ഥാന തലത്തിലേക്ക്

അ​ഞ്ചാം ത​വ​ണ​യും വൈ​ഗ സം​സ്ഥാ​ന​ത​ല​ത്തി​ലേ​ക്ക് മ​ത്സ​ര​ത്തി​ന് പോ​കും. തു​ട​ർ​ച്ച​യാ​യി നാ​ലു ത​വ​ണ സം​സ്ഥാ​ന ക​ലോ​ത്സ​വ​ത്തി​ൽ എ ​ഗ്രേ​ഡ് ക​ര​സ്ഥ​മാ​ക്കി​യ വൈ​ഗ മ​നോ​ജ് ക​ഴി​ഞ്ഞ​വ​ർ​ഷം തി​രു​വ​ന​ന്ത​പു​ര​ത്ത് ന​ട​ന്ന കേ​ര​ള സ്കൂ​ൾ ക​ലോ​ത്സ​വ​ത്തി​ൽ മോ​ഹി​നി​യാ​ട്ടം, ഭ​ര​ത​നാ​ട്യം, കു​ച്ചി​പ്പു​ടി എ​ന്നീ മൂ​ന്നി​ന​ങ്ങ​ളി​ലാ​ണ് എ ​ഗ്രേ​ഡ് നേ​ടി​യ​ത്. ഇ​ത്ത​വ​ണ​യും ഇ​തേ ഇ​ന​ങ്ങ​ളി​ലാ​ണ് വൈ​ഗ മ​ത്സ​രി​ക്കു​ക.

2025 ഡി​സം​ബ​ർ 19ന് ​പു​ണെ​യി​ൽ കേ​ന്ദ്ര വി​ദ്യാ​ഭ്യാ​സ മ​ന്ത്രാ​ല​യം ന​ട​ത്തി​യ ദേ​ശീ​യ ക​ലാ ഉ​ത്സ​വ് മ​ത്സ​ര​ത്തി​ൽ കേ​ര​ള​ത്തി​ന്റെ പ്ര​തി​നി​ധി​യാ​യി പ​ങ്കെ​ടു​ത്ത വൈ​ഗ ഇ​ന്ത്യ​ൻ ക്ലാ​സി​ക്ക​ൽ നൃ​ത്ത​ത്തി​ൽ (മോ​ഹി​നി​യാ​ട്ടം) മൂ​ന്നാം സ്ഥാ​നം കൈ​വ​രി​ച്ച് കേ​ര​ള​ത്തി​ന​ഭി​മാ​ന​മാ​യി​രു​ന്നു. ക്ഷേ​ത്ര ശി​ൽ​പി മ​നോ​ജ് പൊ​ടി​പ്പ​ള്ള​ത്തി​ന്റെ​യും ബി​ജി മ​നോ​ജി​ന്റെ​യും മ​ക​ളാ​ണ്. കാ​ഞ്ഞ​ങ്ങാ​ട് ര​ഘു മാ​ഷാ​ണ് വൈ​ഗ​യു​ടെ ഗു​രു​നാ​ഥ​ൻ. ജി.​എ​ച്ച്.​എ​സ്.​എ​സ് പാ​ക്ക​ത്തി​ലാ​ണ് പ​ഠി​ക്കു​ന്ന​ത്.