രാജധാനി ജ്വല്ലറി കവര്‍ച്ചക്കേസ് പ്രതി ഉഡുപ്പിയിൽ മോഷണത്തിനിടെ പിടിയിൽ

മം​ഗ​ളു​രു: ഹൊ​സ​ങ്ക​ടി രാ​ജ​ധാ​നി ജ്വ​ല്ല​റി ക​വ​ര്‍ച്ചക്കേ​സി​ല്‍ ജാ​മ്യ​ത്തി​ലി​റ​ങ്ങി​യ പ്ര​തി ഉ​ള്‍പ്പെ​ടെ ര​ണ്ടു​പേ​രെ ഉ​ഡു​പ്പി കോ​ട്ട പൊ​ലീ​സ് അ​റ​സ്റ്റ് ചെ​യ്തു. കാ​ര്‍ക്ക​ള​യി​ലെ ബീ​ഡു​വി​ല്‍ താ​മ​സി​ക്കു​ന്ന റി​യാ​സ് എ​ന്ന മു​ഹ​മ്മ​ദ് റി​യാ​സ് (39), കാ​പ്പ് താ​ലൂ​ക്കി​ലെ യെ​ല്ലൂ​ര്‍ വി​ല്ലേ​ജി​ല്‍ താ​മ​സി​ക്കു​ന്ന രാ​ജേ​ഷ് ദേ​വാ​ഡി​ഗ (38) എ​ന്നി​വ​രെയാണ് അ​റ​സ്റ്റ് ചെ​യ്ത​ത്.

ക​വ​ര്‍ച്ച ന​ട​ത്തി ര​ക്ഷ​പ്പെ​ടാ​നു​ള്ള ശ്ര​മ​ത്തി​നി​ടെ​യാ​ണ് ഇ​രു​വ​രെ​യും ഉ​ഡു​പ്പി കോ​ട്ട പൊ​ലീ​സ് അ​റ​സ്റ്റ് ചെ​യ്ത​ത്. ഹൊ​സ​ങ്ക​ടി​യി​ലെ രാ​ജ​ധാ​നി ജ്വ​ല്ല​റി​യി​ല്‍ ക​വ​ര്‍ച്ച ന​ട​ത്തി​യ കേ​സി​ലെ മു​ഖ്യ​പ്ര​തി​യാ​ണ് മു​ഹ​മ്മ​ദ് റി​യാ​സ്. ഇ​വ​ര്‍ ക​വ​ര്‍ച്ച ചെ​യ്ത മൂ​ന്ന് വാ​ഹ​ന​ങ്ങ​ളും 15 ല​ക്ഷം രൂ​പ​യു​ടെ സ്വ​ർ​ണാ​ഭ​ര​ണ​ങ്ങ​ളും പൊ​ലീ​സ് ക​സ്റ്റ​ഡി​യി​ലെ​ടു​ത്തു. നി​ര​വ​ധി കേ​സു​ക​ളി​ൽ ഇ​രു​വ​രും പ്ര​തി​കളാണ്.

ജ​യി​ല്‍ മോ​ചി​ത​രാ​യ ശേ​ഷം രാ​ത്രികാ​ല​ങ്ങ​ളി​ല്‍ ഇ​വ​രു​ടെ നീ​ക്ക​ങ്ങ​ള്‍ പൊ​ലീ​സ് നി​രീ​ക്ഷി​ച്ചു​വ​രു​ക​യാ​യി​രു​ന്നു. കോ​ട്ട പൊ​ലീ​സ് സ്റ്റേ​ഷ​ന്‍ പ​രി​ധി​യി​ലെ സാ​യി​ബ​റ​ക്ക​ട്ടെ​യി​ല്‍ പൊ​ലീ​സ് സം​ഘം വാ​ഹ​ന​ങ്ങ​ള്‍ പ​രി​ശോ​ധി​ക്കു​ന്ന​തി​നി​ടെ​യാ​ണ് രാ​ജേ​ഷ് ദേ​വാ​ഡി​ഗ​യും മു​ഹ​മ്മ​ദ് റി​യാ​സും മോ​ഷ്ടി​ച്ച കാ​റി​ല്‍ എ​ത്തി​യ​ത്.

പ​രി​ശോ​ധി​ച്ച​പ്പോ​ള്‍ കാ​റി​ന​ക​ത്ത് രേ​ഖ​ക​ളി​ല്ലാ​ത്ത സ്വ​ര്‍ണാ​ഭ​ര​ണ​ങ്ങ​ള്‍ ക​ണ്ടെ​ത്തി. ആ​ഭ​ര​ണ​ങ്ങ​ളെക്കുറി​ച്ച് പൊ​ലീ​സ് അ​ന്വേ​ഷി​ച്ച​പ്പോ​ള്‍ ശാ​സ്താ​ന​യി​ലെ പ​ള്ളി​ക്ക് സ​മീ​പ​മു​ള്ള വീ​ട്ടി​ല്‍നി​ന്ന് മോ​ഷ്ടി​ച്ച​താ​ണെ​ന്ന് പ്ര​തി​ക​ള്‍ സ​മ്മ​തി​ച്ചു. സ്വ​ര്‍ണാ​ഭ​ര​ണ​ങ്ങ​ള്‍ വി​ല്‍ക്കാ​ന്‍ ശി​വ​മൊ​ഗ്ഗ​യി​ലേ​ക്ക് പോ​വുക​യാ​യി​രു​ന്നു.

രാ​ജേ​ഷി​നെ​തി​രെ ഉ​ഡു​പ്പി​യി​ൽ 12 ക​വ​ര്‍ച്ചക്കേസു​ക​ള്‍ ര​ജി​സ്റ്റ​ര്‍ ചെ​യ്തി​ട്ടു​ണ്ട്. 2021ല്‍ ​ഹൊ​സ​ങ്ക​ടി രാ​ജ​ധാ​നി ജ്വ​ല്ല​റി​യി​ല്‍ ന​ട​ന്ന ക​വ​ര്‍ച്ച​ക്കേ​സി​ലെ പ്ര​തി​യാ​യ റി​യാ​സ് ഹി​രി​യ​ടു​ക്ക ജ​യി​ലി​ല്‍​െവ​ച്ചാ​ണ് രാ​ജേ​ഷി​നെ പ​രി​ച​യ​പ്പെ​ടു​ന്ന​ത്. ജ​യി​ലിൽ നിന്നി​റ​ങ്ങി​യ ഇ​രു​വ​രും ദ​ക്ഷി​ണ ക​ന്ന​ഡ, ഉ​ഡു​പ്പി ജി​ല്ല​ക​ളി​ലെ പൂ​ട്ടി​ക്കി​ട​ക്കു​ന്ന വീ​ടു​ക​ളി​ല്‍ രാ​ത്രി ക​വ​ര്‍ച്ച ന​ട​ത്താ​നാ​യി പ​ദ്ധ​തി​യി​ട്ടി​രു​ന്നു.

2021 ജൂ​ലൈ 26നാ​ണ് ഹൊ​സ​ങ്ക​ടി രാ​ജ​ധാ​നി ജ്വ​ല്ല​റി​യി​ല്‍ ക​വ​ര്‍ച്ച ന​ട​ന്ന​ത്. 26ന് ​അ​ർ​ധ​രാ​ത്രി മു​ഹ​മ്മ​ദ് റി​യാ​സി​ന്റെ നേ​തൃ​ത്വ​ത്തി​ലു​ള്ള ഏ​ഴം​ഗ സം​ഘം ജ്വ​ല്ല​റി​യി​ലെ സെ​ക്യൂ​രി​റ്റി ജീ​വ​ന​ക്കാ​ര​ന്‍ ക​ള​ത്തൂ​രി​ലെ അ​ബ്ദു​ല്ല​യെ കെ​ട്ടി​യി​ട്ട് മ​ര്‍ദി​ച്ചശേ​ഷം 15 കി​ലോ വെ​ള്ളി​യാ​ഭ​ര​ണ​ങ്ങ​ളും നാ​ല​ര ല​ക്ഷം രൂ​പ​യും ക​വ​ര്‍ന്നു​വെ​ന്നാ​ണ് കേ​സ്. സം​ഘം ത​ല​പ്പാ​ടി​യി​ല്‍വെ​ച്ച് ഉ​ള്ളാ​ള്‍ പൊ​ലീ​സി​നെ വെ​ട്ടി​ച്ച് ര​ക്ഷ​പ്പെ​ടു​ന്ന​തി​നി​ടെ പൊ​ലീ​സ് പി​ന്തു​ട​ര്‍ന്നു.

ബീ​രി​യി​ല്‍വെ​ച്ച് കാ​ര്‍ ഉ​പേ​ക്ഷി​ച്ചു ക​ട​ന്നു. കാ​റി​ന​ക​ത്ത് ഏ​ഴ​ര കി​ലോ വെ​ള്ളി​യാ​ഭ​ര​ണ​ങ്ങ​ളും ഒ​ന്ന​ര ല​ക്ഷം രൂ​പ​യും ക​ണ്ടെ​ത്തു​ക​യും ചെ​യ്തു. ര​ണ്ടു​പേ​ർ കൂ​ടാ​തെ ഈ ​കേ​സി​ലെ മ​റ്റൊ​രു പ്ര​തി​യാ​യ തൃ​ശൂ​ര്‍ സ്വ​ദേ​ശി സ​ത്യേ​ഷ് എ​ന്ന കി​ര​ണി​നെ (35) പി​ന്നീ​ട് പൊ​ലീ​സ് അ​റ​സ്റ്റ് ചെ​യ്തി​രു​ന്നു.

രാ​ജ​ധാ​നി ജ്വ​ല്ല​റി ക​വ​ര്‍ച്ച​ക്കേ​സി​ല്‍ മു​ഹ​മ്മ​ദ് റി​യാ​സും കി​ര​ണും അ​ട​ക്ക​മു​ള്ള​വ​ര്‍ പി​ന്നീ​ട് ജാ​മ്യ​ത്തി​ലി​റ​ങ്ങു​ക​യാ​ണു​ണ്ടാ​യ​ത്.