ഗേ​റ്റ​ട​ക്ക​ല്ലേ പ്ലീ​സ്, ഒ​രു ജീ​വ​നാ​ണ്

തൃ​ക്ക​രി​പ്പൂ​ർ: വ​ട​ക്കോ​ട്ടു​ള്ള വ​ന്ദേ​ഭാ​ര​ത് ഏ​ഴി​മ​ല​യി​ലെ​ത്തും മു​മ്പ് തൃ​ക്ക​രി​പ്പൂ​രി​ൽ ഗേ​റ്റ​ട​ക്ക​ണം, അ​താ​ണ് ച​ട്ടം. പ​ക്ഷേ പു​ഴ​യി​ൽ വീ​ണ 13 കാ​ര​നു വേ​ണ്ടി വെ​ള്ളാ​പ്പ് റോ​ഡി​ലെ ഗേ​റ്റ് കീ​പ്പ​റോ​ട് സാ​ക്കി​ർ കെ​ഞ്ചി​നോ​ക്കി. അ​ദ്ദേ​ഹം നി​സ്സ​ഹാ​യ​നാ​യി​രു​ന്നു. വ​ണ്ടി​വ​രു​ന്നു​ണ്ടെ​ന്ന് ആ​രൊ​ക്കെ​യോ വി​ളി​ച്ചു പ​റ​ഞ്ഞു​കൊ​ണ്ടേ​യി​രു​ന്നു. പാ​ള​ക്കു​രു​ക്കി​ന്റെ മ​റു​ഭാ​ഗ​ത്ത് ആം​ബു​ല​ൻ​സി​ൽ കി​ട​ത്തി​യ ബാ​ല​നെ താ​ങ്ങി​യെ​ടു​ത്ത് സാ​ക്കി​ർ ട്രാ​ക്കി​ലൂ​ടെ ഓ​ടി. മ​റു​ഭാ​ഗ​ത്ത് കാ​ത്തു​നി​ന്ന​വ​ർ ഓ​ട്ടോ ത​യാ​റാ​ക്കി

നി​ർ​ത്തി​യി​രു​ന്നു. മൂ​ന്നു​പേ​ർ ഗേ​റ്റി​ന്റെ മു​ക​ളി​ലൂ​ടെ കു​ട്ടി​യെ താ​ങ്ങി​പ്പി​ടി​ച്ച് ഓ​ട്ടോ​യി​ൽ ക​യ​റ്റി ആ​ശു​പ​ത്രി​യി​ൽ എ​ത്തി​ച്ച​പ്പോ​ഴേ​ക്കും വൈ​കി​പ്പോ​യി. ഒ​രു പ്രാ​ണ​ൻ കൂ​ടി പാ​ളം കു​രു​ക്കി​ട്ട നാ​ടി​ന് ന​ഷ്ട​മാ​യി. നാ​ടി​നെ​യാ​കെ നൊ​മ്പ​ര​പ്പെ​ടു​ത്തി​യ സം​ഭ​വ​ത്തി​നാ​ണ് ഇ​ന്ന​ലെ സാ​ക്ഷ്യം വ​ഹി​ച്ച​ത്. പ​ടി​ഞ്ഞാ​റ​ൻ മേ​ഖ​ല​യി​ലെ തീ​ര​ദേ​ശ​ങ്ങ​ളി​ൽ നി​ന്ന് റെ​യി​ൽ​വേ ഗേ​റ്റി​ന് മു​ന്നി​ൽ പി​ട​യു​ന്ന​ത് ആ​ദ്യ കാ​ഴ്ച​യ​ല്ല. നാ​ടും നാ​ട്ടു​കാ​രും അ​നു​ഭ​വി​ക്കു​ന്ന യാ​ത്രാ​ദു​രി​ത​ത്തി​ന്റെ നേ​ർ​ക്കാ​ഴ്ച​യാ​ണി​ത്.

വ​ലി​യ​പ​റ​മ്പ ബീ​രാ​ൻ​ക​ട​വി​ൽ ബോ​ട്ടു​ജെ​ട്ടി​യി​ൽ ചൂ​ണ്ട​യി​ടാ​ൻ എ​ത്തി​യ​താ​യി​രു​ന്നു മു​ഹ​മ്മ​ദും(13) കൂ​ട്ടു​കാ​രും. അ​ബ​ദ്ധ​ത്തി​ൽ മു​ഹ​മ്മ​ദ് ക​വാ​യി​ക്കാ​യ​ലി​ൽ വീ​ണു. ബോ​ട്ടു​ചാ​ലി​ലേ​ക്ക് വീ​ണ കു​ട്ടി അ​പ്ര​ത്യ​ക്ഷ​നാ​യി. കൂ​ടെ​യു​ണ്ടാ​യി​രു​ന്ന കു​ട്ടി​ക​ളു​ടെ നി​ല​വി​ളി കേ​ട്ട് ആ​ളു​ക​ൾ മു​ങ്ങി​ത്ത​പ്പി. ഒ​ടു​വി​ൽ മാ​ട​ക്കാ​ലി​ലെ രാ​ധാ​കൃ​ഷ്ണ​നാ​ണ് ച​ളി​യി​ൽ പു​ത​ഞ്ഞ കു​ട്ടി​യെ മു​ക​ളി​ലെ​ത്തി​ച്ച​ത്.

അ​പ്പോ​ഴേ​ക്കും അ​ഗ്നി​ശ​മ​ന സേ​ന​യു​ടെ ആം​ബു​ല​ൻ​സ് എ​ത്തി​യി​രു​ന്നു. തൃ​ക്ക​രി​പ്പൂ​രി​ലെ ആ​ശു​പ​ത്രി​യി​ലേ​ക്ക് കു​തി​ക്കു​ന്നി​തി​നി​ടെ​യാ​ണ് വെ​ള്ളാ​പ്പ് റോ​ഡി​ലെ റെ​യി​ൽ​വേ ഗേ​റ്റി​ൽ കു​ടു​ങ്ങി​യ​തും കു​ട്ടി​യെ​യു​മെ​ടു​ത്ത് ഓ​ടി​യ​തും. തൃ​ക്ക​രി​പ്പൂ​രി​ലെ കേ​ബി​ൾ ടി.​വി ചാ​ന​ൽ കാ​മ​റ​മാ​നാ​ണ് എ.​ജി. സാ​ക്കി​ർ. തൃ​ക്ക​രി​പ്പൂ​രി​ലെ റെ​യി​ൽ​വേ മേ​ൽ​പാ​ലം 2020 ൽ ​അ​നു​വ​ദി​​ച്ച​താ​ണ്. എ​ന്നാ​ൽ ചു​വ​പ്പു​നാ​ട​ക​ൾ ഇ​നി​യും അ​ഴി​ഞ്ഞി​ട്ടി​ല്ല.