പുനര്‍ഗേഹം പദ്ധതി; 144 മത്സ്യത്തൊഴിലാളി കുടുംബങ്ങള്‍ക്ക് ഫ്ലാറ്റ്

കാ​സ​ർ​കോ​ട്: സം​സ്ഥാ​ന സ​ര്‍ക്കാ​റി​ന്റെ ‘പു​ന​ര്‍ഗേ​ഹം’ പ​ദ്ധ​തി​യി​ല്‍ ജി​ല്ല​യി​ലെ 144 മ​ത്സ്യ​ത്തൊ​ഴി​ലാ​ളി കു​ടും​ബ​ങ്ങ​ള്‍ക്കുകൂ​ടി ഫ്ലാ​റ്റു​ക​ള്‍ നി​ര്‍മി​ക്കു​ന്നു. വേ​ലി​യേ​റ്റ പ​രി​ധി​യാ​യ 50 മീ​റ്റ​റി​നു​ള്ളി​ല്‍ താ​മ​സി​ക്കു​ന്ന മു​ഴു​വ​ന്‍ കു​ടും​ബ​ങ്ങ​ള്‍ക്കും പു​ന​ര്‍ഗേ​ഹം പ​ദ്ധ​തി​യി​ലൂ​ടെ​യാ​ണ് വീ​ട് നി​ര്‍മി​ച്ചു ന​ല്‍കു​ന്ന​ത്.

കോ​ഴി​പ്പാ​ടി വി​ല്ലേ​ജി​ല്‍ നാ​രാ​യമം​ഗ​ല​ത്താ​ണ് ഹാ​ര്‍ബ​ര്‍ എ​ന്‍ജി​നീ​യ​റി​ങ് വ​കു​പ്പി​ന്റെ നേ​തൃ​ത്വ​ത്തി​ല്‍ കേ​ര​ള സ​ര്‍ക്കാ​റും ഫി​ഷ​റി​സ് ഡി​പ്പാ​ർട്മെൻറും ചേ​ര്‍ന്ന് 22 കോ​ടി അ​ഞ്ചു​ല​ക്ഷം രൂ​പ ചെ​ല​വി​ല്‍ ഫ്ലാ​റ്റ് സ​മു​ച്ചയം പ​ണി​യു​ന്ന​ത്. 480 ച​തു​ര​ശ്ര അ​ടി വി​സ്തൃ​തി​യി​ല്‍ ര​ണ്ട് കി​ട​പ്പു​മു​റി, അ​ടു​ക്ക​ള, ഹാ​ള്‍, ബാ​ത്ത് റൂം ​സൗ​ക​ര്യ​ങ്ങ​ളാ​ണ് ഉ​ള്‍പ്പെ​ടു​ത്തി​യി​രി​ക്കു​ന്ന​ത്. ഫ്ലാ​റ്റി​ന്റെ തൊ​ട്ട​ടു​ത്താ​യി ആ​ശു​പ​ത്രി സൗ​ക​ര്യ​വും അം​ഗ​ന്‍വാ​ടി സൗ​ക​ര്യ​വും ഒ​രു​ക്കു​ന്നു​ണ്ട്.

കൂ​ടാ​തെ മ​നോ​ഹ​ര​മാ​യ പൂ​ന്തോ​ട്ടം, ക​ളി​സ്ഥ​ലം, വാ​യ​ന​ശാ​ല, മ​റ്റു സൗ​ക​ര്യ​ങ്ങ​ളും ഒ​രു​ക്കാ​ന്‍ തീ​രു​മാ​നി​ച്ചി​ട്ടു​ണ്ട്. ഒ​ന്ന​ര വ​ര്‍ഷ​ത്തി​നു​ള്ളി​ല്‍ പ​ണി പൂ​ര്‍ത്തി​യാ​ക്കു​ക എ​ന്ന​താ​ണ് ല​ക്ഷ്യം. മ​ത്സ്യത്തൊഴി​ലാ​ളി കു​ടും​ബ​ങ്ങ​ളു​ടെ ജീ​വി​ത സാ​ഹ​ച​ര്യ​വും നി​ല​വാ​ര​വും ഉ​യ​ര്‍ത്തു​ക എ​ന്ന​താ​ണ് പ​ദ്ധ​തി ല​ക്ഷ്യം വെ​ക്കു​ന്ന​ത്.

അ​ടി​ക്ക​ടി​യു​ണ്ടാ​കു​ന്ന ക​ട​ല്‍ ക്ഷോ​ഭ​ത്തി​ല്‍പെ​ട്ട് മ​ത്സ്യ​ത്തൊ​ഴി​ലാ​ളി​ക​ളു​ടെ ജീ​വ​നും സ്വ​ത്തും ന​ഷ്ട​പ്പെ​ടു​ന്ന അ​വ​സ്ഥ​യി​ല്‍ നി​ന്നും കു​ടും​ബ​ങ്ങ​ളെ ര​ക്ഷി​ക്കാനും അ​വ​രെ മാ​റ്റിപ്പാര്‍പ്പി​ക്കാ​നും വേ​ണ്ടി കേ​ര​ള സ​ര്‍ക്കാ​ര്‍ രൂ​പ​വ​ത്ക​രി​ച്ച പ​ദ്ധ​തി​യാ​ണ് പു​ന​ര്‍ഗേ​ഹം. ജി​ല്ല​യി​ല്‍ ഫി​ഷ​റീ​സ് ഡി​പാ​ർട്മെൻറി​ന് കീ​ഴി​ല്‍ 1169 മ​ത്സ്യ​ത്തൊ​ഴി​ലാ​ളി കു​ടും​ബ​ങ്ങ​ളാ​ണ് വേ​ലി​യേ​റ്റ രേ​ഖ​യി​ല്‍ ഉ​ള്‍പ്പെ​ടു​ന്ന​ത്.

അ​തി​ല്‍ 536 കു​ടും​ബ​ങ്ങ​ളാ​ണ് മാ​റ്റി താ​മ​സി​പ്പി​ക്കാ​ന്‍ ത​യാ​റാ​യി​ട്ടു​ള്ള​ത്. കു​ടും​ബ​ങ്ങ​ളു​ടെ പു​ന​ര്‍ഗേ​ഹം പ​ദ്ധ​തി പ്ര​കാ​ര​മു​ള്ള ര​ജി​സ്‌​ട്രേ​ഷ​ന്‍ ന​ട​പ​ടി​ക​ള്‍ പൂ​ര്‍ത്തി​യാ​ക്കി​യി​ട്ടു​ണ്ട്. 12 മ​ത്സ്യ​ത്തൊ​ഴി​ലാ​ളി കു​ടും​ബ​ങ്ങ​ള്‍ പു​ന​ര്‍ഗേ​ഹം പ​ദ്ധ​തി പ്ര​കാ​ര​മു​ള്ള വീ​ടു​ക​ളി​ല്‍ താ​മ​സം ആ​രം​ഭി​ച്ചു.