നിരോധനം കടലാസിൽ; ഫ്ലക്സ് ബോർഡുകൾ വീണ്ടും വ്യാപകം

കാ​സ​ർ​കോ​ട്: ദേ​ശീ​യ​പാ​ത​ക​ളി​ലെ പൊ​തു​നി​ര​ത്തു​ക​ളി​ൽ ഒ​രു നി​യ​ന്ത്ര​ണ​വു​മി​ല്ലാ​തെ ഫ്ല​ക്സ് ബോ​ർ​ഡു​ക​ൾ നി​റ​യു​ന്ന​ത് ഗ​താ​ഗ​ത​ത്തി​നും കാ​ൽ​ന​ട​ക്കാ​ർ​ക്കും ദു​രി​ത​മാ​കു​ന്നു. പൊ​തു​നി​ര​ത്തു​ക​ളി​ൽ ഫ്ല​ക്സ് ബോ​ർ​ഡു​ക​ൾ സ്ഥാ​പി​ക്കു​ന്ന​തി​ന് കോ​ട​തി ഇ​ട​പെ​ട​ൽ​മൂ​ലം നേ​ര​ത്തേ സം​സ്ഥാ​ന​സ​ർ​ക്കാ​ർ നി​ർ​ദേ​ശ​പ്ര​കാ​രം ജി​ല്ല ഭ​ര​ണ​കൂ​ടം നി​യ​ന്ത്ര​ണം ഏ​ർ​പ്പെ​ടു​ത്തി​യി​രു​ന്നു. ജി​ല്ല ഭ​ര​ണ​കൂ​ടം നേ​രി​ട്ടി​ട​പെ​ട്ട് നി​ര​ത്തു​ക​ളി​ലെ ബാ​ന​റു​ക​ളും ഫ്ല​ക്സു​ക​ളും നീ​ക്കം​ചെ​യ്തി​രു​ന്നു. എ​ന്നാ​ൽ, നി​യ​ന്ത്ര​ണ​ങ്ങ​ൾ​ക്ക് അ​ൽപാ​യു​സ്സ് മാ​ത്ര​മാ​ണു​ണ്ടാ​കു​ന്ന​ത്. അ​ധി​കൃ​ത​ർ നി​യ​ന്ത്ര​ണം മ​യ​പ്പെ​ടു​ത്തി​യ​പ്പോ​ൾ ജി​ല്ല​യി​ലെ പൊ​തു​നി​ര​ത്തു​ക​ൾ ഫ്ല​ക്സ് ബോ​ർ​ഡു​ക​ൾ കൊ​ണ്ട് നി​റ​യു​ന്ന കാ​ഴ്ച​യാ​ണ്.

അ​തേ​സ​മ​യം, വൈ​ദ്യു​തി​ത്തൂ​ണു​ക​ളി​ൽ ഫ്ല​ക്സ് ബോ​ർ​ഡു​ക​ളും പ​ര​സ്യ​ങ്ങ​ളും സ്ഥാ​പി​ക്കാ​ൻ ഫീ​സ് ഈ​ടാ​ക്കു​മെ​ന്ന് വൈ​ദ്യു​തി വ​കു​പ്പ് അ​ധി​കൃ​ത​ർ നേ​ര​ത്തേ അ​റി​യി​ച്ചി​രു​ന്നു. എ​ന്നാ​ൽ, അ​തും ക​ട​ലാ​സി​ൽ മാ​ത്ര​മാ​യി. സ​ർ​വി​സ് റോ​ഡി​ന് സ​മീ​പ​ത്തു​ള്ള വൈ​ദ്യു​തി പോ​സ്റ്റു​ക​ളി​ലാ​ണ് ഭൂ​രി​ഭാ​ഗ​വും ബാ​ന​റു​ക​ളും ഫ്ല​ക്സ് ബോ​ർ​ഡു​ക​ളും. ഇ​തു​വ​ഴി യാ​ത്ര​ക്കാ​ർ ന​ട​ന്നു​പോ​കാ​ൻ പ്ര​യാ​സ​പ്പെ​ടു​ന്നു. ദൂ​രെ ദി​ക്കു​ക​ളി​ൽ​നി​ന്ന് വ​രു​ന്ന വാ​ഹ​ന​ങ്ങ​ൾ​ക്ക് ബാ​ന​റും ഫ്ല​ക്സു​ക​ളും കാ​ര​ണം റോ​ഡ് ശ​രി​യാ​യി കാ​ണാ​ൻ പ​റ്റാ​ത്ത അ​വ​സ്ഥ​യു​മു​ണ്ട്. ഇ​ത് വാ​ഹ​നാ​പ​ക​ട​ങ്ങ​ൾ​ക്കി​ട​യാ​ക്കു​മെ​ന്നാ​ണ് ആ​ശ​ങ്ക. വി​ഷ​യ​ത്തി​ൽ ജി​ല്ല ഭ​ര​ണ​കൂ​ട​ത്തി​ന്റെ അ​ടി​യ​ന്ത​ര ഇ​ട​പെ​ട​ൽ വേ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.