മാ​ലി​ന്യ മു​ക്തം ന​വ​കേ​ര​ളം; നി​യ​മലം​ഘ​ന​ം ക​ണ്ടെ​ത്താ​ൻ മൂന്നു സ്‌​ക്വാ​ഡുകൾകൂടി

കാ​സ​ർ​കോ​ട്​: ജില്ലയിലെ മാ​ലി​ന്യ​സം​സ്‌​ക​ര​ണ രം​ഗ​ത്തെ ലം​ഘ​ന​ങ്ങ​ള്‍ ക​ണ്ടെ​ത്തു​ന്ന​തി​ന് മൂന്ന് പുതിയ സ്ക്വാഡുകൾകൂടി. നി​ല​വി​ല്‍ പ്ര​വ​ര്‍ത്തി​ക്കു​ന്ന ജി​ല്ല എ​ന്‍ഫോ​ഴ്സ്‌​മെ​ന്റ് സ്‌​ക്വാ​ഡി​ന് പു​റ​മെയാണ് പുതിയ സ്ക്വാഡുകൾ രൂപവത്കരിച്ചത്. ജി​ല്ല​ത​ല ഇ​ന്റേ​ണ​ല്‍ വി​ജി​ല​ന്‍സ് ഓ​ഫി​സ​ര്‍മാ​രു​ടെ മേ​ല്‍നോ​ട്ട​ത്തിലാണ് ​സ്ക്വാഡുകൾ പ്രവർത്തിക്കുകയെന്ന് ത​ദ്ദേ​ശ വ​കു​പ്പ് ജോ​യ്ന്റ് ഡ​യ​റ​ക്ട​ര്‍ ജി. ​സു​ധാ​ക​ര​ന്‍ അ​റി​യി​ച്ചു.

അ​ന്താ​രാ​ഷ്ട്ര സീ​റോ വേ​സ്റ്റ് ദി​നാ​ച​ര​ണ​ത്തോ​ട​നു​ബ​ന്ധി​ച്ച് കാ​സ​ര്‍കോ​ട് ജി​ല്ല മാ​ലി​ന്യ​മു​ക്ത​മാ​യി പ്ര​ഖ്യാ​പി​ക്കു​ന്ന​തി​നു​വേ​ണ്ടി ത​ദ്ദേ​ശ വ​കു​പ്പി​ന്റെ നേ​തൃ​ത്വ​ത്തി​ല്‍ ത്വ​രി​ത​ഗ​തി​യി​ലു​ള്ള പ്ര​വ​ര്‍ത്ത​ന​ങ്ങ​ള്‍ ന​ട​ന്നു​വ​രു​ക​യാ​ണ്. ഒ​രേ​സ​മ​യം വി​വി​ധ ത​ദ്ദേ​ശ സ്ഥാ​പ​ന പ​രി​ധി​യി​ല്‍ പ​രി​ശോ​ധ​ന ന​ട​ത്തി നി​യ​മ ലം​ഘ​ന​ങ്ങ​ള്‍ക്കെ​തി​രെ​യു​ള്ള ന​ട​പ​ടി ശ​ക്ത​മാ​ക്കു​ന്ന​തി​നാ​ണ് കൂ​ടു​ത​ല്‍ സ്‌​ക്വാ​ഡു​ക​ള്‍ രൂ​പ​വ​ത്​​ക​രി​ച്ചി​ട്ടു​ള്ള​ത്.

ഗ്രാ​മ​പ​ഞ്ചാ​യ​ത്ത്/​മു​നി​സി​പ്പ​ല്‍ ത​ല വി​ജി​ല​ന്‍സ് സ്ക്വാ​ഡു​ക​ള്‍ നി​ല​വി​ലു​ണ്ട്. മാ​ര്‍ച്ച് തു​ട​ക്കം മു​ത​ല്‍ പ്ര​വ​ര്‍ത്തി​ച്ചു​വ​രു​ന്ന സ്‌​ക്വാ​ഡു​ക​ള്‍, മാ​ലി​ന്യം വ​ലി​ച്ചെ​റി​യു​ന്ന​തി​നെ​തി​രെ​യും, ഒ​റ്റ​ത്ത​വ​ണ ഉ​പ​യോ​ഗി​ക്കാ​വു​ന്ന പ്ലേ​റ്റു​ക​ളും ഗ്ലാ​സു​ക​ളും വി​ല്‍ക്കു​ന്ന​തി​നും ഉ​പ​യോ​ഗി​ക്കു​ന്ന​തി​നും സൂ​ക്ഷി​ക്കു​ന്ന​തി​നു​മെ​തി​രെ​യും ശ​ക്ത​മാ​യ ന​ട​പ​ടി​ക​ളാ​ണ് സ്വീ​ക​രി​ച്ചു വ​രു​ന്ന​ത്. ക​ഴി​ഞ്ഞ ദി​വ​സ​ങ്ങ​ളി​ല്‍ ന​ട​ത്തി​യ പ​രി​ശോ​ധ​ന​ക​ളി​ല്‍ മ​ലി​ന​ജ​ലം പൊ​തു​സ്ഥ​ല​ത്ത് ഒ​ഴു​ക്കി​യ​തി​നും മാ​ലി​ന്യം ക​ത്തി​ച്ച​തി​നു​മാ​യി പ​ള്ളി​ക്ക​ര​യി​ലെ ക്വാ​ര്‍ട്ടേ​ഴ്‌​സ് ഉ​ട​മ​ക്ക് ഇ​രു​പ​തി​നാ​യി​രം രൂ​പ പി​ഴ ചു​മ​ത്തി.

പൂ​ച്ച​ക്കാ​ട്, അ​ടു​ക്കം എ​ന്നി​വി​ട​ങ്ങ​ളി​ല്‍ മാ​ലി​ന്യ​ങ്ങ​ള്‍ ക​ത്തി​ച്ച​തി​നും അ​ല​ക്ഷ്യ​മാ​യി കൈ​കാ​ര്യം ചെ​യ്ത​തി​നു​മാ​യി സ്ഥാ​പ​ന​ങ്ങ​ള്‍ക്ക് 5000 രൂ​പ വീ​തം പി​ഴ ചു​മ​ത്തി​യി​ട്ടു​ണ്ട്. കാ​ഞ്ഞ​ങ്ങാ​ട് ആ​വി​ക്ക​ര​യി​ലെ ക്വാ​ര്‍ട്ടേ​ഴ്സ് ഉ​ട​മ​ക​ള്‍ക്ക് മാ​ലി​ന്യ​ങ്ങ​ള്‍ അ​ല​ക്ഷ്യ​മാ​യി കൈ​കാ​ര്യം ചെ​യ്ത​തി​ന് 5000 രൂ​പ പ്ര​കാ​രം പി​ഴ ചു​മ​ത്തി. മ​ഞ്ചേ​ശ്വ​രം ബ്ലോ​ക്കി​ല്‍ വോ​ര്‍ക്കാ​ടി ഗ്രാ​മ​പ​ഞ്ചാ​യ​ത്തി​ല്‍ ന​ട​ത്തി​യ പ​രി​ശോ​ധ​ന​യി​ല്‍ മോ​ര്‍ത്ത​ന​യി​ലെ ബേ​ക്ക്സ്, വെ​ജി​റ്റ​ബി​ള്‍സ്, സ​ലൂ​ണ്‍ എ​ന്നീ സ്ഥാ​പ​ന ഉ​ട​മ​ക​ള്‍ക്കും മീ​ഞ്ച ഗ്രാ​മ​പ​ഞ്ചാ​യ​ത്തി​ലെ എ​ന്റ​ര്‍പ്രൈ​സ​സ്, ട്രേ​ഡേ​ഴ്‌​സ് സ്ഥാ​പ​ന ഉ​ട​മ​ക​ള്‍ക്കും മാ​ലി​ന്യ​ങ്ങ​ള്‍ അ​ല​ക്ഷ്യ​മാ​യി കൈ​കാ​ര്യം ചെ​യ്ത​തി​നും പ​രി​സ​രം വൃ​ത്തി​യാ​യി സൂ​ക്ഷി​ക്കാ​ത്ത​തി​നും 5000 രൂ​പ​വീ​തം പി​ഴ ചു​മ​ത്തി​യി​ട്ടു​ണ്ട്.

മു​ളി​യാ​ര്‍ ഗ്രാ​മ​പ​ഞ്ചാ​യ​ത്ത് പ​രി​ധി​യി​ല്‍ ന​ട​ത്തി​യ പ​രി​ശോ​ധ​ന​യി​ല്‍ ബോ​വി​ക്കാ​നം, മാ​സ്തി​ക്കു​ണ്ട്, കെ.​കെ പു​റം എ​ന്നി​വി​ട​ങ്ങ​ളി​ലു​ള്ള ക്വാ​ര്‍ട്ടേ​ഴ്‌​സ്, സൂ​പ്പ​ര്‍മാ​ര്‍ക്ക​റ്റ്, കാ​ര്‍ വ​ര്‍ക്ക് ഷോ​പ്പ് എ​ന്നീ സ്ഥാ​പ​ന ഉ​ട​മ​ക​ള്‍ക്ക് മാ​ലി​ന്യ​ങ്ങ​ള്‍ അ​ല​ക്ഷ്യ​മാ​യി കൈ​കാ​ര്യം ചെ​യ്ത​തി​നും പൊ​തു ഓ​ട​യി​ലേ​ക്ക് നി​ക്ഷേ​പി​ച്ച​തി​നും 10000 രൂ​പ പ്ര​കാ​രം പി​ഴ ചു​മ​ത്തി​യി​ട്ടു​ണ്ട്. ചെ​റു​വ​ത്തൂ​രി​ലെ​യും നീ​ലേ​ശ്വ​രം മു​നി​സി​പ്പാ​ലി​റ്റി​യി​ലെ​യും വി​വി​ധ സ്ഥാ​പ​ന​ങ്ങ​ളി​ല്‍ ന​ട​ത്തി​യ പ​രി​ശോ​ധ​ന​യി​ലും ലം​ഘ​ന​ങ്ങ​ള്‍ക്ക് നി​യ​മാ​നു​സൃ​ത പി​ഴ ന​ല്‍കി​യി​ട്ടു​ണ്ട്.

ജി​ല്ല​ത​ല ഇ​ന്റേ​ണ​ല്‍ വി​ജി​ല​ന്‍സ് ഓ​ഫി​സ​ര്‍മാ​രാ​യ എ​ൻ. മ​നോ​ജ്, പി.​വി. കെ. ​മ​ഞ്ജു​ഷ, കെ. ​അ​ഭി​ലാ​ഷ് എ​ന്നി​വ​രു​ടെ മേ​ല്‍നോ​ട്ട​ത്തി​ലാ​ണ് പ​രി​ശോ​ധ​ന​ക​ള്‍ ന​ട​ന്ന​ത്.