പെരിയ എയർസ്​ട്രിപ്​; സ്ഥലപരിശോധനക്ക്​ നിർദേശം

കാ​സ​ർ​കോ​ട്: പെ​രി​യ എ​യ​ർ​സ്ട്രി​പ്പി​നാ​യു​ള്ള ഭൂ​മി പ​രി​ശോ​ധി​ച്ച് തി​ട്ട​പ്പെ​ടു​ത്താ​ൻ ക​ല​ക്ട​റെ ചു​മ​ത​ല​പ്പെ​ടു​ത്തി. സ​ർ​ക്കാ​ർ ഇ​ട​പെ​ട​ലി​ലാ​ണ് തീ​രു​മാ​നം. ബേ​ക്ക​ൽ റി​സോ​ർ​ട്ട്സ് ഡെ​വ​ല​പ്മെ​ന്റ് അ​തോ​റി​റ്റി​യു​ടെ മേ​ൽ​നോ​ട്ട​ത്തി​ൽ ന​ട​ക്കു​ന്ന ചെ​റു വി​മാ​ന​ത്താ​വ​ള​ത്തി​ന്റെ പ്ര​വൃ​ത്തി വേ​ഗ​ത്തി​ലാ​ക്കാ​നു​ള നീ​ക്കം ഗ​താ​ഗ​ത​വ​കു​പ്പി​ന്റെ ഭാ​ഗ​ത്തുനി​ന്ന് ആ​രം​ഭി​ച്ചു. ഇ​തി​നാ​യി ​പ്ര​മു​ഖ വി​ദ്യാ​ഭ്യാ​സ ഗ്രൂ​പ്പും കേ​ന്ദ്ര സ​ർ​ക്കാ​റി​ൽ കേ​ന്ദ്രീ​ക​രി​ച്ച് ശ്ര​മ​ങ്ങ​ൾ ആ​രം​ഭി​ച്ചി​ട്ടു​ണ്ട്. ഒ​ന്ന​ര​മാ​സം മു​മ്പ് എ​യ​ർ​സ്ട്രി​പ് സം​ബ​ന്ധി​ച്ച യോ​ഗം ചേ​ർ​ന്നി​രു​ന്നു. ഇ​തു​സം​ബ​ന്ധി​ച്ച റി​പ്പോ​ർ​ട്ട് ബി.​ആ​ർ.​ഡി.​സി ഗ​താ​ഗ​ത വ​കു​പ്പി​ന് കൈ​മാ​റി​യി​ട്ടു​ണ്ട്.

80 ഏ​ക്ക​ർ ഭൂ​മി​യാ​ണ് ​പെ​രി​യ​യി​ൽ ക​ണ്ടു​വെ​ച്ചി​ട്ടു​ള്ള​ത്. സ​മീ​പ​ത്തെ സ്വ​കാ​ര്യ ഭൂ​മി​ക​ൾ ആ​വ​ശ്യ​മു​​ണ്ടോ​യെ​ന്ന പ​രി​ശോ​ധ​ന​യും ആ​വ​ശ്യ​മാ​ണ്. ക​ല​ക്ട​റു​ടെ മേ​ൽ​നോ​ട്ട​ത്തി​ൽ ഇ​തി​നാ​യു​ള്ള പ​രി​ശോ​ധ​ന ന​ട​ക്കും. ഏവി​യേ​ഷ​ൻ മ​ന്ത്രാ​ല​യ​ത്തി​ന്റെ ചെ​റു​കി​ട വി​മാ​ന​ത്ത​ാവ​ള വി​ക​സ​ന പ​ദ്ധ​തി​യാ​യ ഉ​ഡാ​നി​ൽ 129 കോ​ടി രൂ​പ അ​നു​വ​ദി​ച്ച​തോ​ടെ​യാ​ണ് പ​ദ്ധ​തി​ക്ക് വേ​ഗം വ​ർ​ധി​ച്ച​ത്. ഉ​ഡാ​ന്റെ മൂ​ന്നാം​ഘ​ട്ട വി​മാ​ന​ത്താ​വ​ള വി​ക​സ​ന പ​ദ്ധ​തി​യി​ലാ​ണ് തു​ക നീ​ക്കി​വെ​ച്ചി​രി​ക്കു​ന്ന​ത്.

ജി​ല്ല​യി​ൽ ഭൂ​മി ല​ഭ്യ​മാ​കാ​നു​ള സാ​ധ്യ​ത​യു​ണ്ടാ​കു​ക​യും അ​തേ​സ​മ​യം, എ​ളു​പ്പ​ത്തി​ൽ വ​ന്നു​പോ​കാ​നു​ള്ള യാ​ത്രാ​സൗ​ക​ര്യം ഇ​ല്ലാ​തി​രി​ക്കു​ക​യും ചെ​യ്യു​ന്ന​ത് വി​ക​സ​ന​ത്തി​ന് വ​ലി​യ ത​ട​സ്സ​മാ​കു​ന്നു​ണ്ട്. വ​ലി​യ വി​ദ്യ​ാഭ്യാ​സ, ച​ല​ച്ചി​ത്ര, ഹോ​ട്ട​ൽ, മ​റ്റു സം​രം​ഭ​ക ​ഗ്രൂ​പ്പു​ക​ൾ എ​ന്നി​വ​യു​ടെ പ്ര​വ​ർ​ത്ത​നം ജി​ല്ല​യി​ൽ ആ​രം​ഭി​ച്ചു​ക​ഴി​ഞ്ഞു. കേ​ന്ദ്ര സ​ർ​വ​ക​ലാ​ശാ​ല കേ​ര​ള​യി​ലേ​ക്ക് അ​തി​ഥി​ക​ൾ ക​ട​ന്നു​വ​രു​ന്ന​ത് ഏ​റെ​യും മം​ഗ​ളു​രു ബ​ജ്പെ വി​മാ​ന​ത്താ​വ​ളം വ​ഴി​യാ​ണ്. സം​സ്ഥാ​ന സ​ർ​ക്കാ​റും വി​മാ​നം വാ​ട​ക​ക്ക് എ​ടു​ത്തു തു​ട​ങ്ങി.

ബേ​ക്ക​ലി​ൽ കൂ​ടു​ത​ൽ റി​സോ​ർ​ട്ടു​ക​ൾ ക​ട​ന്നു​വ​രു​ന്നു. ഈ ​രീ​തി​യി​ൽ യാ​​ത്രാ​സൗ​ക​ര്യ​ത്തി​ന്റെ കാ​ര്യ​ത്തി​ൽ കാ​ത​ലാ​യ മാ​റ്റ​ങ്ങ​ൾ വ​ന്നു​കൊ​ണ്ടി​രി​ക്കെ​യാ​ണ് പെ​രി​യ എ​യ​ർ​സ്ട്രി​പ്പി​ന്റെ ആ​വ​ശ്യം ശ​ക്തി​പ്പെ​ടു​ന്ന​ത്. അ​തേ​സ​മ​യം, സം​സ്ഥാ​ന സ​ർ​ക്കാ​റി​ന്റെ സാ​മ്പ​ത്തി​ക പ്ര​തി​സ​ന്ധി എ​യ​ർ​സ്ട്രി​പ്പ് പ​ദ്ധ​തി​യു​ടെ വ​ഴി ത​ട​യു​മോ എ​ന്ന ആ​ശ​ങ്ക​യു​ണ്ട്.