യാ​ത്രാദുരിതം കാണാതെ കെ.​എ​സ്.​ആ​ർ.​ടി.​സി; കാത്തുനിന്ന് ജനം

കാ​സ​ർ​കോ​ട്​: കെ.​എ​സ്.​ആ​ർ.​ടി.​സി ബ​സി​നെ പ്ര​തീ​ക്ഷി​ച്ച് ടൗ​ണി​ൽ എ​ത്താ​നാ​വി​ല്ലെ​ന്ന് യാ​ത്ര​ക്കാ​ർ. സ​ന്ധ്യ​യ​ടു​ത്താ​ൽ ച​ന്ദ്ര​ഗി​രി വ​ഴി കാ​ഞ്ഞ​ങ്ങാ​ട് ഭാ​ഗ​ത്തേ​ക്കും ചെ​ർ​ക്ക​ള ദേ​ശീ​യ​പാ​ത വ​ഴി ക​ണ്ണൂ​രി​ലേ​ക്കും ബ​സു​ക​ൾ ഇ​ല്ലാ​ത്ത​താ​ണ് കാ​ര​ണം. ആ​റു​മ​ണി​ക​ഴി​ഞ്ഞാ​ൽ ബ​സു​ക​ൾ കു​റ​യും. എ​ട്ടു​മ​ണി​ക്കു​ള്ള അ​വ​സാ​ന കെ.​എ​സ്.​ആ​ർ.​ടി.​സി വ​ന്നെ​ങ്കി​ലാ​യി. രാ​ത്രി പ​ത്തു​മ​ണി​ക്കാ​ണ് കോ​ഴി​ക്കോ​ട് ഭാ​ഗ​ത്തേ​ക്ക് ഒ​രെ​ണ്ണമുള്ളത്. അ​തും ചിലപ്പോൾ ത​ഥൈ​വ. മം​ഗ​ളു​രു​വിൽ നി​ന്ന് വ​രു​ന്ന​വ​ർ​ക്കാ​ണ് ഏ​റെ പ്ര​യാ​സം. കാ​സ​ർ​കോ​ട് ടൗ​ണി​ലെ​ത്തി​യാ​ൽ തു​ട​ർയാ​ത്ര​ക്ക് ബ​സി​ല്ല. ട്രെ​യി​നാ​ണെ​ങ്കി​ൽ വൈ​കീ​ട്ട് ഏ​ഴു ക​ഴി​ഞ്ഞാ​ൽ പി​ന്നെ 12 മ​ണി ക​ഴി​യ​ണം അ​ടു​ത്ത​ത് വ​രാ​ൻ.

ബ​സ് സ​ർ​വി​സ് പ്ര​തീ​ക്ഷി​ച്ച് വി​വി​ധ ആ​വ​ശ്യ​ങ്ങ​ൾ​ക്ക് ടൗ​ണി​ലേ​ക്കുവ​രാ​ൻ ക​ഴി​യി​ല്ല. ചെ​ർ​ക്ക​ള ദേ​ശീ​യ​പാ​ത, ച​ന്ദ്ര​ഗി​രി റൂ​ട്ടു​ക​ളി​ൽ രാ​ത്രി 10 വ​രെ​യെ​ങ്കി​ലും കെ.​എ​സ്.​ആ​ർ.​ടി.​സി ബ​സു​ക​ൾ സ​ർ​വി​സ് ന​ട​ത്ത​ണ​മെ​ന്ന് യാ​ത്ര​ക്കാ​ർ കാ​ല​ങ്ങ​ളാ​യി ആ​വ​ശ്യ​പ്പെ​ടു​ന്നു​ണ്ടെ​ങ്കി​ലും അ​ധി​കൃ​ത​ർ ചെ​വി കൊ​ള്ളു​ന്നി​ല്ലെ​ന്നാ​ണ് പ​രാ​തി.

വി​ഷ​യ​ത്തി​ൽ ജ​ന​പ്ര​തി​നി​ധി​ക​ളും വേ​ണ്ട​വി​ധം ഇ​ട​പെ​ടു​ന്നി​ല്ലെ​ന്ന ആ​ക്ഷേ​പ​വും യാ​ത്ര​ക്കാ​ർ​ക്കു​ണ്ട്. ക​ഴി​ഞ്ഞ​ദി​വ​സം മം​ഗ​ളൂ​രു​വി​ൽ​നി​ന്ന് കെ.​എ​സ്.​ആ​ർ.​ടി.​സി​ക്കു​ള്ള ഡീ​സ​ൽ വി​ത​ര​ണം മു​ട​ങ്ങി​യ​ത് മൂ​ലം പ്ര​സ്തു​ത റൂ​ട്ടു​ക​ളി​ൽ സ​ർ​വി​സ് മു​ട​ങ്ങി. ‘പാ​ങ്ങു​ള്ള ബ​സാ​ർ ചേ​ലു​ള്ള ബ​സാ​ർ’ എ​ന്ന പേ​രി​ൽ ന​ഗ​ര​സ​ഭ ന​ട​പ്പാ​ക്കു​ന്ന പ​ദ്ധ​തി ജ​ന​ങ്ങ​ൾ​ക്ക് പ്ര​യോ​ജ​ന​പ്പെ​ട​ണ​മെ​ങ്കി​ൽ ന​ഗ​ര​ത്തി​ൽ രാ​ത്രി 10 വ​രെ ക​ട​ക​ൾ തു​റ​ന്നു പ്ര​വ​ർ​ത്തി​ക്കാ​നും ബ​സു​ക​ൾ സ​ർ​വി​സ് ന​ട​ത്താ​നും ത​യാ​റാ​ക​ണം. മു​മ്പ് ന​ഗ​ര​സ​ഭ​യും ഈ ​ആ​വ​ശ്യം മു​ന്നോ​ട്ടു​വെ​ച്ചി​രു​ന്നു.

പ​ദ്ധ​തി പ്ര​കാ​ര​മാ​ണ് ടൗ​ണി​നെ ന​ഗ​ര​സ​ഭ പ്ര​കാ​ശ​പൂ​രി​ത​മാ​ക്കി​യ​ത്. പ​ക്ഷേ ഇ​ത് കാ​ണാ​നു​ള്ള ഭാ​ഗ്യം ജ​ന​ങ്ങ​ൾ​ക്കു​ണ്ടാ​യി​ല്ല. കാ​ര​ണം രാ​ത്രി എ​ട്ടു​മ​ണി​യാ​കു​മ്പോ​ൾ ത​ന്നെ ക​ട​ക​ൾ പൂ​ട്ടി പോ​കു​ന്നു. ജി​ല്ല​യി​ലെ രാ​ത്രി​കാ​ല യാ​ത്രാ ദു​രി​തം സം​ബ​ന്ധി​ച്ച് നി​യ​മ​സ​ഭ​യി​ൽ എ​ൻ.​എ. നെ​ല്ലി​ക്കു​ന്ന് വി​ഷ​യം അ​വ​ത​രി​പ്പി​ച്ച് സം​സാ​രി​ച്ചി​രു​ന്നു. താ​ലൂ​ക്ക് വി​ക​സ​ന സ​മി​തി അം​ഗ​ങ്ങ​ൾ പ​ല യോ​ഗ​ങ്ങ​ളി​ലു​മാ​യി ഈ ​ആ​വ​ശ്യം ഉ​ന്ന​യി​ച്ചെങ്കിലും ചെ​വി കൊ​ള്ളാ​ൻ ട്രാ​ൻ​സ്പോ​ർ​ട്ട് വ​കു​പ്പ് അ​ധി​കൃ​ത​ർ ത​യാ​റാ​വു​ന്നി​ല്ലെ​ന്നാ​ണ് ആ​ക്ഷേ​പം.