ദേ​ശീ​യ​പാ​ത നിർമാണ സാമഗ്രി ത​ല​യി​ൽ വീ​ണ് യാ​ത്ര​ക്കാ​രിക്ക് പരിക്ക്

കാ​ഞ്ഞ​ങ്ങാ​ട്: ദേ​ശീ​യ​പാ​ത​യി​ൽ നി​ർ​മാ​ണം പൂ​ർ​ത്തി​യാ​യ മേ​ൽ​പാ​ല​ത്തി​ന് മു​ക​ളി​ൽ​നി​ന്ന് ഭാ​ര​മേ​റി​യ റ​ബ​ർ ക​ട്ട ത​ല​യി​ൽ വീ​ണ് വ​ഴി​യാ​ത്ര​ക്കാ​രി​യാ​യ യു​വ​തിക്ക് പരിക്ക്. അ​ജാ​നൂ​ർ ചാ​ലി​ങ്കാ​ലി​ലെ ഗ​ണേ​ഷ​ന്‍റെ ഭാ​ര്യ സി​ന്ധു​വാ​ണ് (44) പരിക്കേറ്റ് സ്വ​കാ​ര്യ ആ​ശു​പ​ത്രി​യി​ൽ ക​ഴി​യു​ന്ന​ത്. ക​ഴി​ഞ്ഞ​ദി​വ​സം വൈ​കീ​ട്ട് ആ​റോ​ടെ മാ​വു​ങ്കാ​ലി​ലാ​ണ് അ​പ​ക​ടം.

ചാ​ലി​ങ്കാ​ലി​ലെ ഭ​ർ​ത്താ​വി​ന്‍റെ വീ​ട്ടി​ൽ​നി​ന്ന് ബ​ല്ല അ​ത്തി​ക്കോ​ത്തെ സ്വ​ന്തം വീ​ട്ടി​ലേ​ക്ക് മ​ക​ൻ ഷം​ജി​ത്തി​നൊ​പ്പം ന​ട​ന്നു​പോ​കു​ന്ന​തി​നി​ടെ​യാ​ണ് അ​പ​ക​ടം. മാ​വു​ങ്കാ​ൽ ടൗ​ണി​ൽ ബ​സി​റ​ങ്ങി മേ​ൽ​പാ​ല​ത്തി​ന​ടി​യി​ലൂ​ടെ റോ​ഡ് മു​റി​ച്ചു​ക​ട​ക്കാ​നു​ള്ള ശ്ര​മ​ത്തി​നി​ടെ​യാ​ണ് വ​ലി​യ ഉ​യ​ര​ത്തി​ലു​ള്ള പാ​ല​ത്തി​ന് മു​ക​ളി​ൽ​നി​ന്ന് 40 കി​ലോ​യോ​ളം ഭാ​ര​മു​ള്ള റ​ബ​ർ ക​ട്ട ത​ല​യി​ൽ വീ​ണ​ത്.

ഇ​തോ​ടെ യു​വ​തി അ​ബോ​ധാ​വ​സ്ഥ​യി​ൽ നി​ല​ത്തു​വീ​ണു. ഓ​ടി​ക്കൂ​ടി​യ ആ​ളു​ക​ൾ യു​വ​തി​യെ ആ​ശു​പ​ത്രി​യി​ലെ​ത്തി​ക്കു​ക​യാ​യി​രു​ന്നു. ക​ഴു​ത്തി​നും ഷോ​ൾ​ഡ​റി​നു​മു​ൾ​പ്പെ​ടെ പ​രി​ക്കു​പ​റ്റു​ക​യും പ​ല്ലു​ക​ൾ ഇ​ള​കു​ക​യും ചെ​യ്തി​ട്ടു​ണ്ട്. മൂ​ന്നു​മാ​സം കി​ട​ത്തി​ച്ചി​കി​ത്സ വേ​ണ്ടി​വ​രു​മെ​ന്നാ​ണ് ഡോ​ക്ട​ർ​മാ​ർ പ​റ​ഞ്ഞ​ത്.

ഒ​പ്പ​മു​ണ്ടാ​യി​രു​ന്ന മ​ക​ൻ പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. പാ​ണ​ത്തൂ​ർ സം​സ്ഥാ​ന പാ​ത​ക്ക് കു​റു​കെ മാ​വു​ങ്കാ​ൽ ദേ​ശീ​യ​പാ​ത​യി​ൽ മേ​ൽ​പാ​ലം ഏ​റ​ക്കു​റെ പൂ​ർ​ത്തി​യാ​യി വാ​ഹ​ന​ങ്ങ​ളെ ക​ട​ത്തി​വി​ടു​ന്നു​ണ്ട്. പാ​ല​ത്തി​ന്‍റെ വ​ശ​ങ്ങ​ളി​ലെ നി​ർ​മാ​ണ പ്ര​വൃ​ത്തി​ക്കി​ടെ ഉ​പ​യോ​ഗി​ച്ച റ​ബ​ർ ക​ട്ട​യാ​ണ് വ​ഴി യാ​ത്ര​ക്കാ​രി​യു​ടെ ത​ല​യി​ൽ വീ​ണ​ത്. ആ​ശു​പ​ത്രി അ​ധി​കൃ​ത​ർ പ​രി​ക്കു​പ​റ്റി​യ വി​വ​രം പൊ​ലീ​സി​ന് കൈ​മാ​റി. ഇ​തി​നി​ട​യി​ൽ ക​രാ​ർ ക​മ്പ​നി​യു​ടെ ബ​ന്ധ​പ്പെ​ട്ട ജീ​വ​ന​ക്കാ​ർ ആ​ശു​പ​ത്രി​യി​ലെ​ത്തി യു​വ​തി​യു​ടെ ബ​ന്ധു​ക്ക​ളു​മാ​യി ച​ർ​ച്ച ന​ട​ത്തി.