പ​ള്ളി​ക്ക​ര റെ​യി​ൽ​വേ മേ​ൽ​പാ​ലം; ഇ​ന്ന് രാ​ത്രി ഗ​ർ​ഡ​റു​ക​ൾ സ്ഥാ​പി​ച്ച​ുതു​ട​ങ്ങും

നീ​ലേ​ശ്വ​രം: പ​ള്ളി​ക്ക​ര റെ​യി​ൽ​വേ പാ​ള​ത്തി​ന്റെ ഇ​രു​ഭാ​ഗ​ങ്ങ​ളി​ൽ നി​ർ​മി​ച്ച തൂ​ണു​ക​ൾ​ക്കു മു​ക​ളി​ൽ ഗ​ർ​ഡ​ർ സ്ഥാ​പി​ക്ക​ൽ ചൊ​വ്വാ​ഴ്ച രാ​ത്രി ഏ​ഴ് മ​ണി​ക്ക് തു​ട​ങ്ങും. പു​തു​വ​ർ​ഷ​ത്തി​ൽ ത​ന്നെ പ​ള്ളി​ക്ക​ര മേ​ൽ​പാ​ല​ത്തി​ലൂ​ടെ വാ​ഹ​ന​യാ​ത്ര ചെ​യ്യാ​ൻ കാ​ത്തി​രി​ക്കു​ക​യാ​ണ് യാ​ത്ര​ക്കാ​ർ.

പ​ള്ളി​ക്ക​ര മേ​ൽ​പാ​ല​ത്തി​ന്റെ നി​ർ​മാ​ണ ജോ​ലി​ക​ൾ മു​ഴു​വ​ൻ പൂ​ർ​ത്തി​യാ​യി​ട്ടും ഗ​ർ​ഡ​ർ സ്ഥാ​പി​ക്ക​ൽ പ്ര​വൃ​ത്തി മാ​ത്ര​മാ​ണ് ബാ​ക്കി​യാ​യ​ത്. റെ​യി​ൽ​വേ പ​വ​ർ കം ​ബ്ലോ​ക്കി​ന്റെ അ​നു​മ​തി കി​ട്ടാ​ൻ വൈ​കി​യ​താ​ണ് കാ​ര​ണം. 64 കോ​ടി 44 ല​ക്ഷം രൂ​പ​ക്ക് നി​ർ​മാ​ണ ക​രാ​ർ ഏ​റ്റെ​ടു​ത്ത എ​റ​ണാ​കു​ളം ഇ.​കെ.​കെ ക​ൺ​സ്ട്ര​ക്ഷ​ൻ ക​മ്പ​നി ഗ​ർ​ഡ​ർ സ്ഥാ​പി​ക്കേ​ണ്ട എ​ല്ലാ ഒ​രു​ക്ക​ങ്ങ​ളും പൂ​ർ​ത്തി​യാ​ക്കി. ഇ​തി​നാ​യി ഗ​ർ​ഡ​ർ വ​ഹി​ക്കാ​നു​ള്ള 350 മെ​ട്രി​ക് ട​ൺ ക്രെ​യി​നു​ക​ളാ​ണ് പ​ള്ളി​ക്ക​ര​യി​ൽ ഒ​രു​ക്കി​യ​ത്.

തു​ട​ർ​ച്ച​യാ​യി നാ​ല് ദി​വ​സം രാ​ത്രി ഏ​ഴു​മു​ത​ൽ 12 വ​രെ അ​ഞ്ച് മ​ണി​ക്കൂ​ർ വീ​തം രാ​ത്രി​യി​ൽ ഇ​തു​വ​ഴി​യു​ള്ള റെ​യി​ൽ, റോ​ഡ് ഗ​താ​ഗ​ത​വും നി​ർ​ത്തി​വെ​ക്കും. പാ​ള​ത്തി​ന്റെ മു​ക​ളി​ലൂ​ടെ 18 ഗ​ർ​ഡ​റു​ക​ളാ​ണ് സ്ഥാ​പി​ക്കേ​ണ്ട​ത്. 2018 ഒ​ക്ടോ​ബ​റി​ലാ​ണ് മേ​ൽ​പാ​ലം നി​ർ​മാ​ണം ആ​രം​ഭി​ച്ച​ത്. പി​ന്നീ​ട് പ​ല കാ​ര​ണ​ങ്ങ​ളാ​ൽ നി​ർ​മാ​ണം ഇ​ഴ​യു​ക​യാ​യി​രു​ന്നു. പാ​ള​ത്തി​ന് മു​ക​ളി​ൽ ഗ​ർ​ഡ​ർ സ്ഥാ​പി​ക്ക​ൽ പൂ​ർ​ത്തി​യാ​യാ​ൽ റെ​യി​ൽ​വേ ഗേ​റ്റ് അ​ട​ക്കു​ന്ന​ത് കാ​ര​ണ​മു​ണ്ടാ​കു​ന്ന ഗ​താ​ഗ​ത കു​രു​ക്കി​ൽ നി​ന്ന് യാ​ത്ര​ക്കാ​ര​ന് മോ​ച​നം ല​ഭി​ക്കും.