ദേ​ശീ​യ​പാ​ത​ ടോ​ൾ പ്ലാ​സ​​; കുമ്പളയിൽ ബഹുജന മാർച്ചിൽ പ്രതിഷേധമിരമ്പി

കു​മ്പ​ള: ദേ​ശീ​യ​പാ​ത​യി​ൽ കു​മ്പ​ള ആ​രി​ക്കാ​ടി ക​ട​വ​ത്ത് നി​ർ​മാ​ണ​ത്തി​ലി​രി​ക്കു​ന്ന ടോ​ൾ പ്ലാ​സ​ക്കെ​തി​രെ ആ​ക്ഷ​ൻ ക​മ്മി​റ്റി സം​ഘ​ടി​പ്പി​ച്ച ബ​ഹു​ജ​ന മാ​ർ​ച്ചി​ൽ പ്ര​തി​ഷേ​ധ​മി​ര​മ്പി. തി​ങ്ക​ളാ​ഴ്ച രാ​വി​ലെ 12ഓ​ടെ​യാ​ണ് പ്ര​തി​ഷേ​ധ പ്ര​ക​ട​നം ന​ട​ന്ന​ത്. ദേ​ശീ​യ​പാ​ത​യി​ൽ ഒ​രു ടോ​ൾ പ്ലാ​സ ക​ഴി​ഞ്ഞ് 60 കി​ലോ​മീ​റ്റ​ർ അ​ക​ലെ മാ​ത്ര​മേ മ​റ്റൊ​ന്ന് പാ​ടു​ള്ളൂ എ​ന്ന കേ​ന്ദ്ര​സ​ർ​ക്കാ​ർ ച​ട്ടം ലം​ഘി​ച്ചു​കൊ​ണ്ട് ത​ല​പ്പാ​ടി ടോ​ൾ ബൂ​ത്തി​ൽ​നി​ന്ന് കേ​വ​ലം 22 കി​ലോ​മീ​റ്റ​ർ മാ​ത്രം അ​ക​ല​ത്തി​ൽ കു​മ്പ​ള​യി​ൽ സ്ഥാ​പി​ച്ചു​കൊ​ണ്ടി​രി​ക്കു​ന്ന ടോ​ൾ പ്ലാ​സ​ക്കെ​തി​രെ​യാ​ണ് ബ​ഹു​ജ​ന പ്ര​തി​ഷേ​ധം.ടോ​ൾ പ്ലാ​സ നി​ർ​മാ​ണ​ത്തി​നെ​തി​രെ ആ​ക്ഷ​ൻ ക​മ്മി​റ്റി ആ​ഭി​മു​ഖ്യ​ത്തി​ൽ കോ​ട​തി​യി​ൽ ന​ൽ​കി​യ പ​രാ​തി നി​ല​നി​ൽ​ക്കെ​യാ​ണ് എ​ല്ലാ ച​ട്ട​ങ്ങ​ളും കാ​റ്റി​ൽ പ​റ​ത്തി​ക്കൊ​ണ്ട് അ​ധി​കൃ​ത​ർ കു​മ്പ​ള​യി​ൽ ടോ​ൾ ബൂ​ത്ത് നി​ർ​മാ​ണം തു​ട​രു​ന്ന​ത്.

ആ​ക്ഷ​ൻ ക​മ്മി​റ്റി ചെ​യ​ർ​മാ​ൻ എ.​കെ.​എം. അ​ഷ്റ​ഫ് എം.​എ​ൽ.​എ, അ​ഷ്റ​ഫ് ക​ർ​ളെ, സി.​എ. സു​ബൈ​ർ, എ.​കെ. ആ​രി​ഫ് തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ്ര​തി​ഷേ​ധ പ്ര​ക​ട​നം. കു​മ്പ​ള ടൗ​ണി​ൽ രാ​വി​ലെ 11.30ഓ​ടു​കൂ​ടി സം​ഘ​ടി​ച്ച നൂ​റു​ക​ണ​ക്കി​ന് പ്ര​തി​ഷേ​ധ​ക്കാ​ർ അ​ണി​നി​ര​ന്ന വ​ലി​യ പ്ര​ക​ട​നം ദേ​ശീ​യ​പാ​ത​യി​ലൂ​ടെ ആ​രി​ക്കാ​ടി ടോ​ൾ ബൂ​ത്ത് നി​ർ​മാ​ണ സ്ഥ​ല​ത്ത് എ​ത്തു​ക​യാ​യി​രു​ന്നു.

ടോ​ൾ ബൂ​ത്തി​ന് സ​മീ​പ​ത്ത് ക​ന​ത്ത പൊ​ലീ​സ് സ​ന്നാ​ഹം പ്ര​തി​ഷേ​ധ​ക്കാ​രെ ത​ട​ഞ്ഞു. ബാ​രി​ക്കേ​ടു​ക​ൾ മ​റി​ക​ട​ന്ന് കു​തി​ക്കാ​ൻ ശ്ര​മി​ച്ച പ്ര​തി​ഷേ​ധ​ക്കാ​രെ പി​ന്നീ​ട് ജ​ല​പീ​ര​ങ്കി ഉ​പ​യോ​ഗി​ച്ചാ​ണ് പൊ​ലീ​സ് നേ​രി​ട്ട​ത്. തു​ട​ർ​ന്ന് നേ​താ​ക്ക​ളെ ക​സ്റ്റ​ഡി​യി​ലെ​ടു​ത്ത് സ്റ്റേ​ഷ​നി​ലേ​ക്ക് മാ​റ്റി. 10 പേ​ർ​ക്കെ​തി​രെ പൊ​ലീ​സ് കേ​സെ​ടു​ത്തു. മാ​ഹി​ൻ കേ​ളോ​ട്ട്, അ​ൻ​വ​ർ ഓ​സോ​ൺ, ബി.​എ​ൻ. മു​ഹ​മ്മ​ദ​ലി, ഹ​യ​റാ​സ്, അ​ൻ​വ​ർ ആ​രി​ക്കാ​ടി, മ​ജീ​ദ് പ​ച്ച​മ്പ​ള, സെ​ഡ്.​എ. ക​യ്യാ​ർ, അ​ൻ​വ​ർ സി​റ്റി, ല​ത്തീ​ഫ്, മൊ​യ്തീ​ൻ ശാ​ന്തി​പ്പ​ള്ള, മു​നീ​ർ തു​ട​ങ്ങി​യ​വ​ർ​ക്കെ​തി​രെ​യാ​ണ് കേ​സെ​ടു​ത്തി​ട്ടു​ള്ള​ത്. പ്ര​തി​ഷേ​ധ​ത്തെ തു​ട​ർ​ന്ന് അ​ര​മ​ണി​ക്കൂ​റോ​ളം ദേ​ശീ​യ​പാ​ത​യി​ൽ ഗ​താ​ഗ​തം ത​ട​സ്സ​പ്പെ​ട്ടു.