ദേശീയപാത സർവിസ് റോഡ്; ഓവുചാൽ അപകടാവസ്ഥയിൽ

കാസർകോട്: കുമ്പള ദേശീയപാത സർവിസ് റോഡിലെ റെയിൽവേ സ്റ്റേഷന് സമീപത്ത് ഓവുചാലിനരികിൽ കോൺക്രീറ്റ് ഇളകിത്തുടങ്ങിയത് വാഹനങ്ങൾക്ക് ഭീഷണിയാകുന്നു. ഓവുചാലിന് മുകളിൽ പാകിയ ഇരുമ്പ് മൂടി കോൺക്രീറ്റ് തകർന്നതിനാൽ ഏതുനിമിഷവും അപകടം വരുത്തുന്ന സ്ഥിതിയിലാണ്.

നിർമാണത്തിലെ പോരായ്മയാണ് കോൺക്രീറ്റ് തകർച്ചക്ക് കാരണമെന്ന് നാട്ടുകാർക്ക് ആക്ഷേപമുണ്ട്. വാഹനങ്ങളുടെ ടയർ ഓവുചാൽ കുഴിയിൽ വീണ് അപകടം സംഭവിക്കാതിരിക്കാൻ നടപടി വേണമെന്നാണ് നാട്ടുകാർ ആവശ്യപ്പെടുന്നത്.