മുണ്ടേമ്മാട് പാലം താഴുന്നു; പുതിയ പാലം വേണം

നീ​ലേ​ശ്വ​രം: മു​ണ്ടേ​മ്മാ​ട് പാ​ലം അ​പ​ക​ട​ത്തി​ലേ​ക്ക് നീ​ങ്ങു​ന്നു. പു​തി​യ പാ​ലം നി​ർ​മാ​ണ​ത്തി​നു​ള്ള ന​ട​പ​ടി​വേ​ണ​മെ​ന്ന് നാ​ട്ടു​കാ​ർ ആവശ്യപ്പെടുന്നു. നാ​ലു ഭാ​ഗ​വും പു​ഴ​യാ​ൽ ചു​റ്റ​പ്പെ​ട്ടു​കി​ട​ക്കു​ന്ന നീ​ലേ​ശ്വ​രം ന​ഗ​ര​സ​ഭ​യി​ലെ മു​ണ്ടേ​മ്മാ​ട് ദ്വീ​പു​മാ​യി ബ​ന്ധി​പ്പി​ക്കു​ന്ന പു​തി​യ പാ​ലം നി​ർ​മാ​ണ​മാ​ണ് ചി​ല ന​ട​പ​ടി​ക്ര​മ​ങ്ങ​ൾ കാ​ര​ണം വൈ​കു​ന്ന​ത്. നി​ല​വി​ലു​ള്ള പാ​ല​ത്തി​ന്റെ മ​ധ്യ​ഭാ​ഗ​ത്തെ തൂ​ണു​ക​ൾ പു​ഴ​യി​ലെ ച​ളി മൂ​ലം താ​ഴ്‌​ന്നു​കി​ട​ക്കു​ക​യാ​ണ്. അ​തു​കൊ​ണ്ട് പാ​ല​ത്തി​ന്റെ മ​ധ്യ​ഭാ​ഗം ന​ടു​വൊ​ടി​ഞ്ഞ നി​ല​യി​ലാ​ണ്.

1987ൽ ​ഇ.​കെ. നാ​യ​നാ​ർ മു​ഖ്യ​മ​ന്ത്രി​യാ​യി​രു​ന്ന കാ​ല​ത്താ​ണ് നി​ല​വി​ലു​ള്ള പാ​ലം നി​ർ​മി​ച്ച​ത്. ശി​ലാ​ഫ​ല​ക​ത്തി​ൽ പേ​ര് ന​ട​പ്പാ​ല​മെ​ന്നാ​ണെ​ങ്കി​ലും ചെ​റി​യ വാ​ഹ​ന​ങ്ങ​ൾ ക​ട​ന്നു​പോ​കു​ന്ന​തു​കൊ​ണ്ട് ജ​ന​ങ്ങ​ളു​ടെ യാ​ത്ര​പ്ര​ശ്നം താ​ൽ​ക്കാ​ലി​ക​മാ​യി പ​രി​ഹ​രി​ക്ക​പ്പെ​ട്ടി​രു​ന്നു.മു​മ്പ് ക​ട​ത്തു​തോ​ണി​യെ മാ​ത്രം ആ​ശ്ര​യി​ച്ചാ​ണ് മു​ണ്ടേ​മ്മാ​ടി​ലെ കു​ടും​ബ​ങ്ങ​ൾ യാ​ത്ര ചെ​യ്തി​രു​ന്ന​ത്. നി​ര​വ​ധി തോ​ണി​യ​പ​ക​ട​ങ്ങ​ൾ ന​ട​ന്ന​പ്പോ​ഴാ​ണ് പാ​ല​മെ​ന്ന ആ​ശ​യ​ത്തി​ലേ​ക്ക് എ​ത്തി​യ​ത്.

എ​ന്നാ​ൽ ഈ ​പാ​ല​വും അ​പ​ക​ടാ​വ​സ്ഥ​യി​ലാ​യ​തോ​ടെ പാ​ല​ത്തി​ലൂ​ടെ സ​ഞ്ച​രി​ക്കു​ന്ന​ത് ഭീ​തി​യോ​ടെ​യാ​ണ് കാ​ണു​ന്ന​ത്. എം. ​രാ​ജ​ഗോ​പാ​ല​ൻ എം.​എ​ൽ.​എ​യു​ടെ ഇ​ട​പെ​ട​ൽ മൂ​ലം സം​സ്ഥാ​ന സ​ർ​ക്കാ​ർ പു​തി​യ പാ​ലം നി​ർ​മി​ക്കാ​നാ​യി 10 കോ​ടി അ​നു​വ​ദി​ച്ചു. എ​ട്ടു മീ​റ്റ​ർ വീ​തി​യു​ള്ള റോ​ഡ് പാ​ല​മാ​ണ് നി​ർ​മി​ക്കാ​ൻ ഉ​ദ്ദേ​ശി​ക്കു​ന്ന​ത്. ഉ​പ്പു​വെ​ള​ളം ക​ര​യി​ലേ​ക്ക് ക​യ​റു​ന്ന​ത് മ​റ്റൊ​രു ദു​രി​ത​മാ​ണ്.

ടൂ​റി​സ​ത്തി​ന്റെ സാ​ധ്യ​ത​ക​ളി​ലേ​ക്ക് മു​ണ്ടേ​മ്മാ​ട് നാ​ട് വി​പു​ല​പ്പെ​ടു​ത്താ​നാ​യി ര​ണ്ട​ര കി​ലോ​മീ​റ്റ​ർ ദൂ​ര​ത്തി​ൽ റി​ങ് റോ​ഡ് നി​ർ​മി​ക്കാ​ൻ 7.50 കോ​ടി രൂ​പ​യു​ടെ എ​സ്റ്റി​മേ​റ്റ് ത​യാ​റാ​ക്കി​യി​ട്ടും എ​ങ്ങു​മെ​ത്തി​യി​ല്ല.ചെ​ത്തു​തൊ​ഴി​ലാ​ളി​ക​ളും പൂ​ഴി​ത്തൊ​ഴി​ലാ​ളി​ക​ളും ഏ​റെ​യു​ള്ള മു​ണ്ടേ​മ്മാ​ട് നി​വാ​സി​ക​ളു​ടെ പു​തി​യ പാ​ല​മെ​ന്ന മോ​ഹം സ​ഫ​ല​മാ​ക്ക​ണ​മെ​ന്നാ​ണ് ആ​വ​ശ്യം. ടെ​ൻ​ഡ​ർ ന​ട​പ​ടി​ക​ളാ​യെ​ങ്കി​ലും ക​രാ​റു​കാ​ര​ൻ ഏ​റ്റെ​ടു​ക്കാ​ൻ ത​യാ​റാ​യി​ട്ടി​ല്ല.