ആൾക്കൂട്ടത്തിൽ എന്നെ തേടിയ മനുഷ്യൻ

വി.​എ​സ് യാ​ത്ര​യാ​കു​മ്പോ​ൾ ശ​രീ​ര​മാ​കെ ത​രി​ച്ചു​പോ​കു​ന്നു​ണ്ട്. ഒ​രു​പാ​ട് ഓ​ർ​മ​ക​ൾ ഇ​ര​മ്പി​ക്ക​യ​റു​ന്നു​ണ്ട്. അ​ത്യാ​സ​ന്ന​നി​ല​യി​ലാ​യി​രു​ന്നു​വെ​ങ്കി​ലും ആ ​ഒ​രു യാ​ത്ര വ​ല്ലാ​തെ ന​മ്മ​ളെ വ​ന്നു​തൊ​ടു​ന്നു​ണ്ട്. 2006ൽ ​മു​ഖ്യ​മ​ന്ത്രി വി.​എ​സ് കാ​സ​ർ​കോ​ട് വ​ന്നി​ല്ലാ​യി​രു​ന്നു​വെ​ങ്കി​ൽ ‘എ​ൻ​മ​ക​ജെ’ എ​ന്ന നോ​വ​ൽ ഒ​രു​പ​ക്ഷേ ഒ​രി​ക്ക​ലും എ​ഴു​തു​മാ​യി​രു​ന്നി​ല്ല. 138 പേ​ർ​ക്ക് 50000 രൂ​പ വീ​തം സ​ഹാ​യ​ധ​നം ന​ൽ​കു​ന്ന ച​ട​ങ്ങി​ലേ​ക്കാ​യി​രു​ന്നു മു​ഖ്യ​മ​ന്ത്രി വി.​എ​സ്. അ​ച്യു​താ​ന​ന്ദ​ൻ വ​ന്ന​ത്. ആ ​പ​ന്ത​ലി​ൽ ഞാ​ൻ ഒ​രു കേ​ൾ​വി​ക്കാ​ര​ൻ മാ​ത്ര​മാ​യി​രു​ന്നു. കാ​സ​ർ​കോ​ടി​ന്റെ ദു​ര​ന്തം എ​ൻ​ഡോ​സ​ൾ​ഫാ​ൻ കൊ​ണ്ടാ​ണെ​ന്ന് വി.​എ​സ് പ്ര​ഖ്യാ​പി​ക്കു​ക​യാ​യി​രു​ന്നു അ​ന്ന്. ഒ​രി​ക്ക​ലും എ​ഴു​തി​ല്ല എ​ന്ന നോ​വ​ൽ എ​ഴു​താ​ൻ തീ​രു​മാ​നി​ച്ച​ത് ആ ​പ​ന്ത​ലി​ൽവെച്ചാ​ണ്. കാ​ര​ണം അ​ത് നി​ല​വി​ലു​ള്ള ഒ​രു ഭാ​ഷ​യി​ൽ എ​ഴു​താ​ൻ​പ​റ്റു​ന്ന വി​ഷ​യ​മാ​യി​രു​ന്നി​ല്ല.

വി.​എ​സി​ന്റെ പ്ര​ഖ്യാ​പ​ന​ത്തോ​ടു​കൂ​ടി ഇ​നി സ​മ​ര​ങ്ങ​ൾ വേ​ണ്ടി​വ​രി​ല്ല, മാ​റി​നി​ൽ​ക്കാം എ​ന്ന് വി​ചാ​രി​ച്ചി​രു​ന്നു. എ​ഴു​ത്തു​കാ​ര​ൻ എ​ന്ന​നി​ല​യി​ൽ രാ​സ​കീ​ട​നാ​ശി​നി​ക്കെ​തി​രെ എ​ഴു​തേ​ണ്ട​ത് ഉ​ത്ത​ര​വാ​ദി​ത്ത​മാ​യ​തി​നാ​ലാ​ണ് എ​ഴു​തി​യ​ത്. 2001ലാ​ണ് വി.​എ​സ് രോ​ഗ​ബാ​ധി​ത​രെ കാ​ണാ​ൻ കാ​സ​ർ​കോ​ട് ആ​ദ്യ​മാ​യി വ​രു​ന്ന​ത്. വ​ലി​യ പോ​രാ​ട്ട​മാ​ണ് അ​ന്ന് തു​ട​ങ്ങിവെ​ച്ച​ത്. 2004ൽ ‘​ക്വി​റ്റ് എ​ൻ​ഡോ​സ​ൾ​ഫാ​ൻ’ എ​ന്ന മു​ദ്രാ​വാ​ക്യം ഉ​യ​ർ​ത്തി ന​ട​ത്തി​യ ക​ല​ക്ട​റേ​റ്റ് മാ​ർ​ച്ച് ഉ​ദ്ഘാ​ട​നം ചെ​യ്യാ​ൻ വേ​ണ്ടി​യാ​യി​രു​ന്നു അ​ദ്ദേ​ഹം വ​ന്ന​ത്. 2004 ആ​ഗ​സ്റ്റ് ഏ​ഴി​ന് ന​ട​ന്ന മാ​ർ​ച്ചി​ൽ ഇ​ര​മ്പി​വ​ന്ന​തു​പോ​ലെ​യു​ള്ള ജ​നം കാ​സ​ർ​കോ​ട് അ​തു​വ​രെ​യും പി​ന്നി​ടു​മു​ണ്ടാ​യി​ട്ടി​ല്ല. പി​ന്നീ​ട് 2006ലാ​ണ് മു​ഖ്യ​മ​ന്ത്രി​യാ​യി അ​ദ്ദേ​ഹം വ​രു​ന്ന​ത്.

മ​റ്റൊ​രു​കാ​ര്യം എ​ടു​ത്തു പ​റ​യാ​നു​ള്ള​ത് പെ​ർ​ള ടൗ​ണി​ൽ മു​ഖ്യ​മ​ന്ത്രി പ​ങ്കെ​ടു​ക്കു​ന്ന ഒ​രു ച​ട​ങ്ങി​ൽ വെ​ച്ചാ​ണ് എ​ൻ​മ​ക​ജെ​യു​ടെ ആ​ദ്യ റോ​യ​ൽ​റ്റി ആ​ ​നോ​വ​ലി​ലെ ജീ​വി​ക്കു​ന്ന ഏ​ഴ് ക​ഥാ​പാ​ത്ര​ങ്ങ​ൾ​ക്ക് അ​ദ്ദേ​ഹം വി​ത​ര​ണം ചെ​യ്ത​ത്. മാ​ത്ര​മ​ല്ല അ​മ്മ​മാ​രു​ടെ സ​മ​ര​പ്പ​ന്ത​ലി​ൽ വെ​ച്ച് സു​ഗ​ത​കു​മാ​രി​ക്ക് എ​ൻ​മ​ക​ജെ​യു​ടെ പ​ത്താം പ​തി​പ്പ് അ​ദ്ദേ​ഹം പ്ര​കാ​ശി​പ്പി​ച്ചു. അ​ന്ന് അ​ദ്ദേ​ഹം എ​ഴു​തി​വാ​യി​ച്ച പ്ര​ഭാ​ഷ​ണം സ​ദസ്സി​ൽ​നി​ന്ന് എ​ന്നെ ക​ണ്ടു​പി​ടി​ച്ച് ‘സൂ​ക്ഷി​ച്ചു​വെക്കൂ’ എ​ന്നുപ​റ​ഞ്ഞ് ത​രു​ക​യും ചെ​യ്തു.

തി​രു​വ​ന​ന്ത​പു​ര​ത്ത് ഒ​രു​ദി​വ​സം അ​ദ്ദേ​ഹ​ത്തെ വീ​ട്ടി​ൽ സ​ന്ദ​ർ​ശി​ക്ക​ണം എ​ന്ന് ഞാ​ൻ ആ​ഗ്ര​ഹി​ച്ചി​രു​ന്നു. എ​ന്നാ​ൽ അ​ദ്ദേ​ഹം എ​ന്നെ കാ​ണാ​ൻ ആ​ഗ്ര​ഹി​ക്കു​ന്നു​ണ്ട് എ​ന്നു​ള്ള നി​ർദേ​ശം കി​ട്ടു​ക​യാ​യി​രു​ന്നു. ഞാ​ൻ രാ​വി​ലെ വീ​ട്ടി​ൽ​പോ​യി. ബ​നി​യ​നും ലു​ങ്കി​യും ഉ​ടു​ത്ത് ഇ​രി​ക്കു​ക​യാ​യി​രു​ന്ന അ​ദ്ദേ​ഹ​ത്തോ​ട് ഏ​റെ​നേ​രം നോ​വ​ലി​നെ കു​റി​ച്ചും കാ​സ​ർ​കോ​ടി​ന്റെ അ​വ​സ്ഥ​യെ​ക്കു​റി​ച്ചു​മൊ​ക്കെ സം​സാ​രി​ച്ച​ത് ഇ​പ്പോ​ഴും ഓ​ർ​ക്കു​ന്നു​ണ്ട്.

മ​റ്റൊ​രു പ്ര​ധാ​ന​ ഓ​ർ​മ, 2018 ജ​നീ​വ ഉ​ച്ച​കോ​ടി ന​ട​ക്കു​മ്പോ​ൾ തി​രു​വ​ന​ന്ത​പു​ര​ത്ത് മു​ഖ്യ​മ​ന്ത്രി വി.​എ​സ് തെ​രു​വി​ൽ ഒ​രു​ദി​വ​സം ഉ​പ​വ​സി​ച്ച​ത് ലോ​ക​ശ്ര​ദ്ധ പി​ടി​ച്ചു​പ​റ്റി​യെ​ന്ന​താ​യി​രു​ന്നു. ക​ക്ഷി രാ​ഷ്ട്രീ​യ​ഭേ​ദ​മി​ല്ലാ​തെ ജാ​തി​മ​ത​ഭേ​ദ​ങ്ങ​ളി​ല്ലാ​തെ പ്ര​മു​ഖ​രാ​യ ഒ​രു​പാ​ടു​പേ​ർ ഉ​പ​വാ​സ ച​ട​ങ്ങി​ൽ പ​ങ്കെ​ടു​ത്തു. വ​ലി​യ ജ​ന​ക്കൂ​ട്ടമാ​യി​രു​ന്നു സ​ദസ്സി​ൽ. ഞാ​ൻ അ​വി​ടെ വേ​ദി​യി​ൽ ഉ​ണ്ടാ​യി​രു​ന്നു. ദീ​ർ​ഘ​മാ​യി സം​സാ​രി​ക്കാ​നു​ള്ള അ​വ​സ​രം എ​നി​ക്ക് ആ​ദ്യം ത​ന്നെ കി​ട്ടി. ഈ ​വി​ഷ​യ​ത്തി​ൽ മാ​ത്ര​മ​ല്ല, ‘എ​ൻ​ഡോ​സ​ൾ​ഫാ​ൻ കേ​ര​ള സ്റ്റോ​റി’ എ​ന്ന സ​ർ​ക്കാറി​ന്റെ പു​സ്ത​കം വി.​എ​സ് പ്ര​കാ​ശി​പ്പി​ച്ച​ത് ഏ​റ്റു​വാ​ങ്ങാ​ൻ അ​വ​സ​രം ല​ഭി​ച്ച​തും എ​നി​ക്കാ​യി​രു​ന്നു. വ്യ​ക്തി​പ​ര​മാ​യ ഒ​രു​പാ​ട് ഓ​ർ​മ​ക​ൾ സ​മ്മാ​നി​ച്ചാ​ണ് അ​ദ്ദേ​ഹം പോ​കു​ന്ന​ത്. വ​ലി​യ വേ​ദ​ന അ​നു​ഭ​വ​പ്പെ​ടു​ന്നു​ണ്ട്.