Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightമലയാളി വിദ്യാർഥികൾക്ക്...

മലയാളി വിദ്യാർഥികൾക്ക് വീണ്ടും പരീക്ഷ നടത്തുമെന്ന് മംഗളൂരു സർവകലാശാല

text_fields
bookmark_border
മലയാളി വിദ്യാർഥികൾക്ക് വീണ്ടും പരീക്ഷ നടത്തുമെന്ന് മംഗളൂരു സർവകലാശാല
cancel

മഞ്ചേശ്വരം: തിങ്കളാഴ്ച മുതല്‍ ആരംഭിച്ച ബിരുദ സെമസ്​റ്റര്‍ പരീക്ഷകളില്‍ പങ്കെടുക്കാന്‍ കഴിയാത്ത കേരളത്തില്‍നിന്നുള്ള വിദ്യാര്‍ഥികള്‍ക്ക് പ്രത്യേക പരീക്ഷ നടത്താന്‍ മംഗളൂരു സർവകലാശാല തീരുമാനിച്ചു. കേരളത്തില്‍നിന്നുള്ള നൂറുകണക്കിന് വിദ്യാര്‍ഥികള്‍ യൂനിവേഴ്‌സിറ്റിയുമായി ബന്ധപ്പെട്ട വിവിധ കോളജുകളില്‍ പഠിക്കുന്നുണ്ട്.

തിങ്കളാഴ്ച മുതല്‍ കാസര്‍കോടിനും മംഗളൂരുവിനും ഇടയിലുള്ള ബസുകള്‍ നിര്‍ത്തി​െവച്ചിരിക്കുന്നതിനാല്‍ അവരില്‍ ഭൂരിഭാഗം പേര്‍ക്കും പരീക്ഷയില്‍ പങ്കെടുക്കാനായില്ല. നിലവില്‍ കോളജുകളില്‍ എത്തിയവര്‍ക്ക് മാത്രമാണ്​ പരീക്ഷയെഴുതാൻ സാധിച്ചത്. അല്ലാത്തവര്‍ക്ക് കേസുകള്‍ കുറഞ്ഞുകഴിഞ്ഞാല്‍ നടത്തുന്ന പ്രത്യേക പരീക്ഷകളില്‍ പങ്കെടുക്കാന്‍ അവസരമുണ്ടാവുമെന്ന് വൈസ് ചാന്‍സലര്‍ പ്രഫ. യദപദിത്തായ പറഞ്ഞു.

കോവിഡ് കേസുകള്‍ വര്‍ധിക്കുന്ന സാഹചര്യത്തില്‍ കര്‍ണാടക സർക്കാര്‍ കേരളത്തില്‍നിന്നുള്ള യാത്രക്കാര്‍ക്ക് കര്‍ശന നിയന്ത്രണങ്ങള്‍ ഏർപ്പെടുത്തിയ പശ്ചാത്തലത്തിലാണ് കാസര്‍കോട്-മംഗളൂരു അന്തര്‍സംസ്ഥാന പാതയിലെ കെ.എസ്.ആര്‍.ടി.സി ബസ് സര്‍വിസുകള്‍ ഇരു സംസ്ഥാനങ്ങളും നിര്‍ത്തിവെച്ചത്. കാസര്‍കോടുനിന്നുള്ള അനവധി വിദ്യാര്‍ഥികളാണ് മംഗളൂരുവിൽ വിവിധ കോളജുകളില്‍ പഠിക്കുന്നത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Mangalore Universityexamination
News Summary - Mangalore University to conduct re-examination for Malayalee students
Next Story