അജണ്ടയിൽ ഭൂരിപക്ഷം നഷ്ടപ്പെട്ടു; കാ​സ​ർ​കോ​ട് നഗരസഭ യോഗം ചെയർമാൻ പിരിച്ചുവിട്ടു

കാ​സ​ർ​കോ​ട്: കാ​സ​ർ​കോ​ട് ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ൽ ആ​രോ​ഗ്യ സ്ഥി​രം സ​മി​തി ചെ​യ​ർ​മാ​നാ​യ ഖാ​ലി​ദ് പ​ച്ച​ക്കാ​ടി​ന്റെ വാ​ർ​ഡി​ൽ ലൈ​​ബ്ര​റി​യും സാം​സ്കാ​രി​ക നി​ല​യ​വും സ്ഥാ​പി​ക്കാ​നു​ള്ള അ​ജ​ണ്ട​ക്ക് മു​സ്‍ലിം ലി​ഗ് അം​ഗ​ങ്ങ​ൾ ഉ​ൾ​പ്പെടെ ഭൂ​രി​പ​ക്ഷം അം​ഗ​ങ്ങ​ളും എ​തി​രാ​യി ബ​ഹ​ളം വെച്ച​തോ​ടെ ന​ഗ​ര​സ​ഭ ചെ​യ​ർ​മാ​ൻ കൗ​ൺ​സി​ൽ യോ​ഗം പി​രി​ച്ചു​വി​ട്ടു.

തു​ട​ർ​ന്ന് 38 അം​ഗ ന​ഗ​ര​സ​ഭ​യി​ൽ 19 അം​ഗ​ങ്ങ​ൾ, അ​ജ​ണ്ട​യി​ൽ വോ​ട്ടെ​ടു​പ്പ് ന​ട​ത്ത​ണം എ​ന്നാ​വ​ശ്യ​പ്പെ​ട്ട് സെ​ക്ര​ട്ട​റി​ക്ക് നി​വേ​ദ​നം ന​ൽ​കി. ബു​ധ​നാ​ഴ്ച രാ​വി​ലെ ചേ​ർ​ന്ന ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ലാ​ണ് മു​സ്‍ലിം ലീ​ഗ് അം​ഗ​ങ്ങ​ൾ ചേ​രി​തി​രി​ഞ്ഞ​ത്.

ന​ഗ​ര​സ​ഭ​യി​ൽ ഭൂ​രി​പ​ക്ഷം ന​ഷ്ട​പ്പെ​ട്ട സ്ഥി​തി അ​പ​ക​ട​ക​ര​മാ​യ അ​വ​സ്ഥ​യി​ലേ​ക്ക് നീ​ങ്ങു​മെ​ന്ന് ക​ണ്ട​തോ​ടെ​യാ​ണ് യോ​ഗം പി​രി​ച്ചു​വി​ട്ട​ത്. ആ​രോ​ഗ്യ ​സ്ഥി​രം സ​മി​തി ചെ​യ​ർ​മാ​ൻ ഖാ​ലി​ദ് പ​ച്ച​ക്കാ​ടി​ന്റെ പ​തി​നാ​റാം വാ​ർ​ഡി​ലേ​ക്ക് വി​ക​സ​ന പ്ര​വ​ർ​ത്ത​ന​ങ്ങ​ൾ കൂ​ടു​ത​ൽ അ​നു​വ​ദി​ക്കു​ന്നു​വെ​ന്ന പ​രാ​തി​യാ​ണ് പ്ര​ശ്ന​ങ്ങ​ൾ​ക്ക് കാ​ര​ണം.

ഇ​തു​കൂ​ടാ​തെ ന​ഗ​ര​സ​ഭ ചെ​യ​ർ​മാ​നാ​യി​രു​ന്ന അ​ഡ്വ. വി.​എം. മു​നീ​റി​നെ ഒ​രു​മാ​സം മു​മ്പ്​ മാ​റ്റി​യാ​ണ്​ അ​ബ്ബാ​സ് ​ബീ​ഗ​ത്തെ ചെ​യ​ർ​മാ​നാ​ക്കി​യ​ത്. ഈ ​പ്ര​ശ്​​ന​വും കൗ​ൺ​സി​ൽ യോ​ഗ​ത്തി​ലെ ഭി​ന്ന​ത​ക്ക് കാ​ര​ണ​മാ​യി.

നേ​ര​ത്തേ അ​ണ​ങ്കൂ​ർ മേ​ഖ​ല​ക്ക് അ​നു​വ​ദി​ച്ച ആ​രോ​ഗ്യ വെ​ൽ​ന​സ് സെ​ന്റ​ർ പ​തി​നാ​റാം വാ​ർ​ഡി​ലേ​ക്ക് മാ​റ്റി സ്ഥാ​പി​ച്ചി​രു​ന്നു. ഇ​തി​നു പി​ന്നാ​ലെ​യാ​ണ് ലൈ​ബ്ര​റി​ക്കും ടെ​ൻ​ഡ​ർ വി​ളി​ച്ച​ത്. ടെ​ൻ​ഡ​റി​നു​ള്ള അ​നു​മ​തി ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​നു മു​ന്നി​ൽ അ​ജ​ണ്ട​യാ​യി വ​ച്ച​പ്പോ​ൾ ലീ​ഗി​ലെ മ​മ്മു ചാ​ല, മ​ജീ​ദ് കൊ​ല്ല​മ്പാ​ടി, മു​ഷ്താ​ഖ് ചേ​ര​​ങ്കൈ എ​ന്നി​വ​ർ എ​തി​ർ​ത്തു. അ​തോ​ടൊ​പ്പം ലീ​ഗ് വി​മ​ത​രാ​യി ജ​യി​ച്ച സ്വ​ത​ന്ത്ര​ അം​ഗ​ങ്ങ​ളാ​യ ഹ​സീ​ന നൗ​ഷാ​ദ്, ഷ​ക്കീ​ന മൊ​യ്തു എ​ന്നി​വ​രും ബി.​ജെ.​പി​യു​ടെ അം​ഗ​ങ്ങ​ളും സി.​പി.​എ​മ്മി​ന്റെ ഏ​ക അം​ഗ​വും പി​ന്തു​ണ​യു​മാ​യി എ​ത്തി.

പ്ര​തി​പ​ക്ഷ​ത്ത് 19ഉം ​ഭ​ര​ണ​പ​ക്ഷ​ത്ത് 17ഉം ​ആ​യി. ബി.​ജെ.​പി​യു​ടെ ഒ​രു അം​ഗം ഹാ​ജ​രാ​യി​രു​ന്നി​ല്ല. ഇ​വ​ർ ചെ​യ​ർ​മാ​ന്റെ ചേം​ബ​റി​ന​രി​കി​ൽ വ​ട്ടം ചേ​ർ​ന്ന് ബ​ഹ​ളം​വ​ച്ചു. അ​ജ​ണ്ട​യി​ൽ വോ​ട്ടെ​ടു​പ്പ് ന​ട​ത്ത​ണ​മെ​ന്നും ആ​വ​ശ്യ​പ്പെ​ട്ടു. ഭൂ​രി​പ​ക്ഷം അം​ഗ​ങ്ങ​ളും ന​ഗ​ര​സ​ഭ ചെ​യ​ർ​മാ​നെ​തി​രാ​കു​ന്ന അ​പൂ​ർ​വ കാ​ഴ്ച​ക്ക് ന​ഗ​ര​സ​ഭ കൗ​ൺ​സി​ൽ യോ​ഗം സാ​ക്ഷി​യാ​യി.

അ​പ​ക​ടം മ​ണ​ത്ത ചെ​യ​ർ​മാ​ൻ കൗ​ൺ​സി​ൽ യോ​ഗം പി​രി​ച്ചു​വി​ട്ട​താ​യി അ​റി​യി​ച്ചു. അ​ജ​ണ്ട​യി​ൽ വോ​ട്ടെ​ടു​പ്പ് ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് 19 കൗ​ൺ​സി​ൽ അം​ഗ​ങ്ങ​ൾ ഒ​പ്പി​ട്ട ക​ത്ത് ന​ഗ​ര​സ​ഭ സെ​ക്ര​ട്ട​റി​ക്ക് ന​ൽ​കി. ഈ ​ക​ത്ത് സെ​ക്ര​ട്ട​റി മി​നു​ട്സി​ൽ ചേ​ർ​ക്ക​ണം എ​ന്നാ​ണ് ച​ട്ടം.

ഭൂ​രി​പ​ക്ഷം ന​ഷ്ട​പ്പെ​ട്ടു -ര​മേ​ശ്

ന​ഗ​ര​സ​ഭ​യി​ൽ നി​ല​വി​ലെ മു​സ്‍ലിം ലീ​ഗ് ഭ​ര​ണ​സ​മി​തി​ക്ക് ഭൂ​രി​പ​ക്ഷം ന​ഷ്ട​പ്പെ​ട്ട​താ​യി ബി.​ജെ.​പി അം​ഗം പി. ​ര​മേ​ശ് പ​റ​ഞ്ഞു.റ​വ​ന്യൂ സ്ഥ​ല​ത്ത് ​നേ​ര​ത്തേ​യു​ണ്ടാ​യ ചെ​റി​യ കെ​ട്ടി​ട​ത്തി​ൽ ലൈ​ബ്ര​റി സ്ഥാ​പി​ച്ചു​വെ​ന്ന്‍ വ​രു​ത്തി പ​ണം ത​ട്ടി​യെ​ടു​ക്കാ​നു​ള്ള ശ്ര​മ​ത്തെ​യാ​ണ് ഭൂ​രി​പ​ക്ഷം അം​ഗ​ങ്ങ​ൾ എ​തി​ർ​ത്ത​ത്.മു​സ്‍ലിം ലീ​ഗി​ലെ മൂ​ന്ന് അം​ഗ​ങ്ങ​ൾ ഉ​ൾ​പ്പെടെ 19പേ​രാ​ണ് വോ​ട്ടെ​ടു​പ്പ് ആ​വ​ശ്യ​പ്പെ​ട്ടി​രി​ക്കു​ന്ന​ത്. ഇ​ത് അ​പൂ​ർ​വ സം​ഭ​വ​മാ​ണ്.

19 പേ​രു​ടെ വി​യോ​ജി​പ്പ് രേ​ഖ​പ്പെ​ടു​ത്തും -​സെ​ക്ര​ട്ട​റി

പ​തി​നാ​റാം വാ​ർ​ഡി​ലെ ലൈ​ബ്ര​റി അ​ജ​ണ്ട​യോ​ട് 19 പേ​ർ വി​യോ​ജി​ക്കു​ക​യും വോ​ട്ടെ​ടു​പ്പ് വേ​ണ​മെ​ന്ന് ആ​വ​ശ്യ​പ്പെ​ടു​ക​യും ചെ​യ്ത​ത് ന​ഗ​ര​സ​ഭ മി​നു​ട്സി​ൽ രേ​ഖ​പ്പെ​ടു​ത്തു​മെ​ന്ന് ന​ഗ​ര​സ​ഭ സെ​ക്ര​ട്ട​റി ജ​സ്റ്റി​ൻ പ​റ​ഞ്ഞു. അ​ജ​ണ്ട പാ​സാ​ക്കി​യി​ട്ടി​ല്ല. ഈ ​അ​ജ​ണ്ട​യി​ൽ അ​വ​ർ ആ​വ​ശ്യ​പ്പെ​ട്ട​ത​നു​സ​രി​ച്ച് വോ​ട്ടെ​ടു​പ്പ് വേ​ണോ​യെ​ന്ന് കൗ​ൺ​സി​ൽ യോ​ഗ​മാ​ണ് തീ​രു​മാ​നി​​ക്കേ​ണ്ട​ത്. പ​ദ്ധ​തി​ക്ക് അം​ഗീ​കാ​രം നേ​ര​ത്തേ ന​ൽ​കി​യി​രു​ന്നു. ടെ​ൻ​ഡ​റി​നാ​ണ് അം​ഗീ​കാ​രം വേ​ണ്ട​ത്.

ഭൂ​രി​പ​ക്ഷം ന​ഷ്ട​പ്പെ​ട്ടി​ട്ടി​ല്ല -​ചെ​യ​ർ​മാ​ൻ

ന​ഗ​ര​സ​ഭ​യി​ൽ മു​സ്‍ലിം ലീ​ഗി​ന് ഭൂ​രി​പ​ക്ഷം ന​ഷ്ട​പ്പെ​ട്ടി​ട്ടി​ല്ല എ​ന്ന് ചെ​യ​ർ​മാ​ൻ അ​ബ്ബാ​സ് ബീ​ഗം പ​റ​ഞ്ഞു. നേ​ര​ത്തേ പ​ദ്ധ​തി​യെ അ​നു​കൂ​ലി​ച്ച​വ​രാ​ണ് ഇ​പ്പോ​ൾ എ​തി​ർ​പ്പു​മാ​യി വ​രു​ന്ന​ത്. മു​സ്‍ലിം​ലീ​ഗ് അം​ഗ​ങ്ങ​ളും എ​തി​ർ​ത്തു.