നേട്ടങ്ങളുടെയും കോട്ടങ്ങളുടെയും 2023...

കാ​ല​യ​വ​നി​ക​ക്ക്​ പി​ന്നി​ലേ​ക്ക്​ ഒ​രു​വ​ർ​ഷം കൂ​ടി പി​ൻ​വാ​ങ്ങു​മ്പോ​ൾ കാ​സ​ർ​കോ​ട്​ ജി​ല്ല​ക്ക്​ നേ​ട്ട​ങ്ങ​ളോ കോ​ട്ട​ങ്ങ​ളോ​യെ​ന്ന്​ വേ​ർ​തി​രി​ച്ച​റി​യാ​നാ​കാ​ത്ത അ​നു​ഭ​വ​സാ​ക്ഷ്യം. സം​ഭ​വ​ബ​ഹു​ല​മാ​യ ഒ​രു​വ​ർ​ഷ​ത്തെ പി​ന്നി​ലാ​ക്കി​യാ​ണ്​ കാ​സ​ർ​കോ​ട്​ ജി​ല്ല പു​തു​വ​ർ​ഷ​ത്തെ വ​ര​വേ​ൽ​ക്കു​ന്ന​ത്

കു​ഴി​മ​ന്തി ക​ഴി​ച്ച് വി​ദ്യാ​ർ​ഥി​നി ആ​ത്മ​ഹ​ത്യ​ചെ​യ്ത സം​ഭ​വം സൃ​ഷ്ടി​ച്ച വി​വാ​ദ​ത്തോ​ടെ​യാ​യി​രു​ന്നു ജി​ല്ല​യി​ലേ​ക്ക്​ 2023 ക​ട​ന്നു​വ​ന്ന​ത്. ഭ​ക്ഷ്യ​വി​ഷ​ബാ​ധ​യാ​ണ്​ മ​ര​ണ​കാ​ര​ണ​മെ​ന്ന നി​ല​യി​ലാ​യി​രു​ന്നു പെ​രു​മ്പ​ള ബേ​നൂ​രി​ലെ വി​ദ്യാ​ഥി​നി അ​ഞ്ജു​ശ്രീ പാ​ർ​വ​തി​യു​ടെ മ​ര​ണം സം​സ്ഥാ​ന​ത​ല​ത്തി​ൽ ത​ന്നെ വി​വാ​ദ​മാ​യ​ത്. എ​ന്നാ​ൽ, വി​ശ​ദാ​ന്വേ​ഷ​ണ​ത്തി​ൽ അ​ഞ്ജു​ശ്രീ പാ​ർ​വ​തി​യു​ടെ മ​ര​ണം വ​ഴി​ത്തി​രി​വി​ലേ​ക്ക് തി​രി​യു​ക​യാ​യി​രു​ന്നു. ഹോ​ട്ട​ലി​ൽ​നി​ന്ന്​ ഓ​ർ​ഡ​ർ ചെ​യ്ത്​ വ​രു​ത്തി​യ കു​ഴി​മ​ന്തി​യി​ൽ നി​ന്നു​ള്ള വി​ഷ​ബാ​ധ​യ​ല്ല മ​ര​ണ​കാ​ര​ണ​മെ​ന്ന പോ​സ്റ്റ്​ മോ​ർ​ട്ടം റി​പ്പോ​ർ​ട്ട്​ പു​റ​ത്തു​വ​ന്ന​തോ​ടെ​യാ​ണ്​ പെ​ൺ​കു​ട്ടി​യു​ടെ മ​ര​ണം ആ​ത്മ​ഹ​ത്യ​യാ​ണെ​ന്ന​തി​ലേ​ക്ക്​ സം​ഭ​വം വ​ഴി​മാ​റി​യ​ത്.

നാടി​ന്‍റെ നൊ​മ്പ​ര​മാ​യി ആ​യി​ഷ​ത്ത് മി​ൻ​ഹ

മ​രം ദേ​ഹ​ത്ത് വീ​ണ് വി​ദ്യാ​ർ​ഥി​നി മ​രി​ച്ച സം​ഭ​വ​വം ജി​ല്ല​യു​ടെ നോ​വാ​യി മാ​റി​യ​തും പി​ന്നി​ടു​ന്ന വ​ർ​ഷ​ത്തി​ലാ​ണ്. അം​ഗ​ടി​മു​ഗ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ ആ​റാം ക്ലാ​സ് വി​ദ്യാ​ർ​ഥി​നി ആ​യി​ഷ​ത്ത് മി​ൻ​ഹ​യു​ടെ (11) മ​ര​ണം നാ​ടി​ന്‍റെ​യാ​കെ വേ​ദ​ന​യാ​യി മാ​റി. അ​പ​ക​ട​ത്തി​ൽ രി​ഫാ​ന എ​ന്ന വി​ദ്യാ​ർ​ഥി​നി​ക്കും പ​രി​ക്കേ​റ്റി​രു​ന്നു. കു​ട്ടി​ക​ൾ സ്കൂ​ൾ വി​ട്ട് പ​ട​വു​ക​ളി​റ​ങ്ങി വ​രു​മ്പോ​ൾ കോ​മ്പൗ​ണ്ടി​ലു​ള്ള മ​രം പെ​ട്ടെ​ന്ന് ക​ട​പു​ഴ​കു​ക​യാ​യി​രു​ന്നു.

അ​ഞ്ചു​പേ​രു​ടെ ജീ​വ​നെ​ടു​ത്ത വാ​ഹ​നാ​പ​ക​ടം

സ്കൂ​ൾ ബ​സ്​ ഓ​ട്ടോ​യി​ലി​ടി​ച്ച്​ ഓ​ട്ടോ​യാ​ത്ര​ക്കാ​രാ​യ ഒ​രു കു​ടും​ബ​ത്തി​​െല നാ​ലു​പേ​ർ ഉ​ൾ​പ്പെ​ടെ അ​ഞ്ചു​പേ​ർ ദാ​രു​ണ​മാ​യി കൊ​ല്ല​പ്പെ​ട്ട സം​ഭ​വം 2023ന്‍റെ നെ​ഞ്ച​കം പി​ള​രു​ന്ന​താ​യി. ബ​ദി​യ​ഡു​ക്ക പ​ള്ള​ത്ത​ടു​ക്ക​യി​ലു​ണ്ടാ​യ ദാ​രു​ണ സം​ഭ​വ​ത്തി​ൽ സ​ഹോ​ദ​ര​ങ്ങ​ളാ​യ നാ​ല്​ സ്ത്രീ​ക​ളും ഓ​ട്ടോ​ഡ്രൈ​വ​റു​മാ​ണ്​ മ​രി​ച്ച​ത്. പു​ത്തൂ​രി​ലെ മ​ര​ണ​വീ​ട്ടി​ലേ​ക്കു​ള്ള യാ​ത്ര​യാ​ണ്​ ഇ​വ​രെ​യും മ​ര​ണ​ത്തി​ലേ​ക്ക്​ ന​യി​ച്ച​ത്.

ജി​ല്ല​യെ ഞെ​ട്ടി​ച്ച്​ കൊ​ല​പാ​ത​ക​ങ്ങ​ളും

കൊ​ല​പാ​ത​ക​ങ്ങ​ളും ജി​ല്ല​യെ പി​ടി​ച്ചു​ല​ച്ച വ​ർ​ഷ​മാ​ണ്​ ഓ​ടി​മ​റ​യു​ന്ന​ത്. പൈ​വ​ളി​ഗെ കൊ​മ്മ​ങ്ക​ള​യി​ല്‍ കൊ​ല​ക്കേ​സ്​ പ്ര​തി​യാ​യ യു​വാ​വി​നെ വീ​ട്ടി​ല്‍ കൊ​ല്ല​പ്പെ​ട്ട നി​ല​യി​ല്‍ ക​ണ്ടെ​ത്തി​യ​ത്​ പോ​യ​വ​ർ​ഷ​മാ​ണ്. ക​ളാ​യി​യി​ലെ പ​രേ​ത​നാ​യ നാ​രാ​യ​ണ നോ​ണ്ട- ദേ​വ​കി ദ​മ്പ​തി​ക​ളു​ടെ മ​ക​ന്‍ പ്ര​ഭാ​ക​ര നോ​ണ്ട (42)യാ​ണ് കൊ​ല്ല​പ്പെ​ട്ട​ത്. വീ​ടി​നോ​ട് ചേ​ര്‍ന്ന വി​റ​ക് പു​ര​യു​ടെ മ​ച്ചി​ലാ​ണ് മൃ​ത​ദേ​ഹം ക​ണ്ടെ​ത്തി​യ​ത്.

സം​ഭ​വ​ത്ത​ൽ കൊ​ല്ല​പ്പെ​ട്ട​യാ​ളു​ടെ സ​ഹോ​ദ​ര​ന്‍ ജ​യ​റാം നോ​ണ്ട ഉ​ൾ​പ്പെ​ടെ ആ​റു പേ​രാ​ണ്​ അ​റ​സ്റ്റി​ലാ​യ​ത്. കൊ​ല്ല​പ്പെ​ട്ട പ്ര​ഭാ​ക​ര നാ​യ​ക് ക​ര്‍ണാ​ട​ക വി​ട്‌​ല​യി​ലെ കൊ​ല​പാ​ത​ക​മു​ള്‍പ്പെ​ടെ നി​ര​വ​ധി കേ​സു​ക​ളി​ല്‍ പ്ര​തി​യാ​യി​രു​ന്നു. അ​റ​സ്റ്റി​ലാ​യ സ​ഹോ​ദ​ര​ന്‍ ജ​യ​റാം ഒ​മ്പ​തോ​ളം കേ​സു​ക​ളി​ലും പ്ര​തി​യാ​ണ്.

ബ​ദി​യ​ടു​ക്ക​യി​ൽ കു​ഴ​ൽ കി​ണ​ർ ഉ​ട​മ​യെ കൊ​ല​പ്പെ​ടു​ത്തി ചാ​ക്കി​ലാ​ക്കി ക​ക്കൂ​സ് കു​ഴി​യി​ൽ ത​ള്ളി​യ സം​ഭ​വ​വും ജി​ല്ല​യെ ഞെ​ട്ടി​ക്കു​ന്ന​താ​യി. ബ​ദി​യ​ടു​ക്ക പൊ​ലീ​സ് സ്റ്റേ​ഷ​ൻ പ​രി​ധി​യി​ലെ സീ​താം​ഗോ​ളി ചൗ​ക്കാ​ട് പി​രി​പ്പ​ള്ള​ത്തെ തോ​മ​സ് ക്രാ​സ്റ്റ​യെ​യാ​ണ് (63) ചാ​ക്കി​ൽ കെ​ട്ടി അ​യ​ൽ​വാ​സി​യു​ടെ പ​റ​മ്പി​ലെ ക​ക്കൂ​സ് കു​ഴി​യി​ൽ ത​ള്ളി​യ​ത്. കേ​സി​ൽ​അ​യ​ൽ​വാ​സി​ക​ളാ​യ മു​നീ​ർ (41), ഭാ​ര്യ സ​ഹോ​ദ​ര​ൻ അ​ഷ്‌​റ​ഫ്‌ (38) എ​ന്നി​വ​രാ​ണ്​ അ​റ​സ്റ്റി​ലാ​യ​ത്.

പാ​ണ​ത്തൂ​ർ ബാ​ബു വ​ധം

ഭാ​ര്യ ഭ​ർ​ത്താ​വി​നെ വീ​ട്ടി​ന​ക​ത്ത് കൊ​ലപ്പെ​ടു​ത്തി​യ സം​ഭ​വ​വും ജി​ല്ല​യെ ഞെ​ട്ടി​ച്ചു. കേ​സി​ൽ ഭാ​ര്യ​ക്കൊ​പ്പം മ​ക​നും അ​റ​സ്റ്റി​ലാ​യി​രു​ന്നു. പാ​ണ​ത്തൂ​ർ പു​ത്തൂ​ര​ടു​ക്ക​ത്തെ പ​ന​ച്ചി​ക്കാ​ട് വീ​ട്ടി​ൽ പി.​വി. ബാ​ബു (54) വി​നെ കൊ​ല്ല​പ്പെ​ടു​ത്തി​യ കേ​സി​ലാ​ണ്​ ഭാ​ര്യ സീ​മ​ന്ത​നി (46), മൂ​ത്ത മ​ക​ൻ സ​ബി​ൻ (19) എ​ന്നി​വ​ർ അ​റ​സ്റ്റി​ലാ​യ​ത്. ഭാ​ര്യ​യു​മാ​യു​ള്ള ക​ല​ഹ​ത്തി​നി​ട​യി​ലാ​ണ് ബാ​ബു കൊ​ല്ല​പ്പെ​ട്ട​ത്.

മ​ഞ്ചേ​ശ്വ​രം എം.​എ​ൽ.​എ​ക്ക്​ ശി​ക്ഷ

വോ​ട്ട​ർ പ​ട്ടി​ക​യി​ൽ വോ​ട്ട്​ ചേ​ർ​ക്കു​ന്ന​തു​മാ​യി ബ​ന്ധ​പ്പെ​ട്ട ഡെ​പ്യൂ​ട്ടി ത​ഹ​സി​ൽ​ദാ​ർ ഉ​ൾ​പ്പെ​ടെ ഉ​ദ്യോ​ഗ​സ്ഥ​രു​ടെ ഔ​ദ്യോ​ഗി​ക കൃ​ത്യ​നി​ർ​വ​ഹ​ണം ത​ട​സ്സ​പ്പെ​ടു​ത്തി​യ കേ​സി​ൽ മു​സ്​​ലിം ലീ​ഗ്​ നേ​താ​വും മ​ഞ്ചേ​ശ്വ​രം എം.​എ​ൽ.​എ​യു​മാ​യ എ.​കെ.​എം. അ​ഷ​റ​ഫ്​ ഉ​ൾ​പ്പെ​ടെ​യു​ള്ള പ്ര​തി​ക​ൾ​ക്ക്​ ഒ​രു​വ​ർ​ഷം ത​ട​വും 20,000 രൂ​പ പി​ഴ​യും ശി​ക്ഷ വി​ധി​ച്ച​തും പി​ന്നി​ടു​ന്ന വ​ർ​ഷ​ത്തെ ജി​ല്ല​യി​ലെ പ്ര​ധാ​ന സം​ഭ​വ​മാ​യി.

കാ​സ​ർ​കോ​ട്​ ജു​ഡീ​ഷ്യ​ൽ ഒ​ന്നാം ക്ലാ​സ്​ മ​ജി​സ്​​ട്രേ​റ്റ്​​ കോ​ട​തി (ര​ണ്ട്) മ​ജി​സ്​​ട്രേ​റ്റ്​​ അ​ബ്​​ദു​ൽ ബാ​സി​താ​ണ്​ ശി​ക്ഷ വി​ധി​ച്ച​ത്. ഒ​രു​വ​ർ​ഷം ത​ട​വി​നു പു​റ​മെ മൂ​ന്നു മാ​സം കൂ​ടി ത​ട​വി​ന്​ ശി​ക്ഷി​ച്ചി​രു​ന്നു.

2010 ജ​നു​വ​രി​യി​ലാ​ണ്​ കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. മ​ഞ്ചേ​ശ്വ​രം ബ്ലോ​ക്ക്​ പ​ഞ്ചാ​യ​ത്ത്​ ഓ​ഫി​സി​ൽ ന​ട​ന്ന വോ​ട്ട​ർ പ​ട്ടി​ക​യി​ൽ പേ​രു​ചേ​ർ​ക്ക​ൽ അ​പേ​ക്ഷ പ​രി​ശോ​ധ​ന​യി​ൽ ബ​ങ്ക​ര മ​ഞ്ചേ​ശ്വ​ര​ത്തെ താ​മ​സ​ക്കാ​ര​നും മൈ​സൂ​രു സ്വ​ദേ​ശി​യു​മാ​യ മു​ന​വ​ർ ഇ​സ്മാ​യി​ലി​ന്‍റെ അ​പേ​ക്ഷ നി​ര​സി​ച്ച​താ​ണ്​ കേ​സി​നാ​സ്പ​ദ​മാ​യ സം​ഭ​വ​ത്തി​ലേ​ക്ക്​ ന​യി​ച്ച​ത്.

മ​ഞ്ചേ​ശ്വ​രം തെ​ര​ഞ്ഞെ​ടു​പ്പ്​ കോ​ഴ​ക്കേ​സ്

മ​ഞ്ചേ​ശ്വ​രം തെ​ര​ഞ്ഞെ​ടു​പ്പ് കോ​ഴ​ക്കേ​സി​ൽ ജി​ല്ല​യി​ൽ രാ​ഷ്ട്രീ​യ രം​ഗ​ത്തെ പ്ര​ധാ​ന സം​ഭ​വ​മാ​ണ്. ബി.​ജെ.​പി സം​സ്ഥാ​ന പ്ര​സി​ഡ​ന്‍റ്​​ കെ. ​സു​രേ​ന്ദ്ര​ൻ ഉ​ൾ​പ്പെ​ട്ട​താ​ണ്​ കേ​സ്. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ സ്ഥാ​നാ​ർ​ഥി​ത്വം പി​ൻ​വ​ലി​ക്കാ​ൻ ബി.​എ​സ്.​പി സ്ഥാ​നാ​ർ​ഥി കെ. ​സു​ന്ദ​ര​ക്ക് പ​ണം ന​ൽ​കി​യെ​ന്നും ഭീ​ഷ​ണി​പ്പെ​ടു​ത്തി​യെ​ന്നു​മാ​ണ് കേ​സ്. ര​ണ്ട് ല​ക്ഷം രൂ​പ​യും സ്മാ​ർ​ട്ട് ഫോ​ണു​മാ​ണ് ന​ൽ​കി​യ​ത്.

സു​ന്ദ​ര ത​ന്നെ മാ​ധ്യ​മ​ങ്ങ​ളോ​ട് ന​ട​ത്തി​യ വെ​ളി​പ്പെ​ടു​ത്ത​ലി​നെ തു​ട​ർ​ന്ന് അ​ന്ന​ത്തെ എ​ൽ.​ഡി.​എ​ഫ് സ്ഥാ​നാ​ർ​ഥി വി.​വി. ര​മേ​ശ​ൻ ആ​ണ് കോ​ട​തി​യെ സ​മീ​പി​ച്ച​ത്. ഈ ​പ​രാ​തി​യി​ലാ​ണ് കെ. ​സു​രേ​ന്ദ്ര​ന​ട​ക്കം പ്ര​തി​ക​ൾ​ക്കെ​തി​രെ കേ​സെ​ടു​ത്ത​ത്. സു​രേ​ന്ദ്ര​ന്‍റെ മു​ഖ്യ​തെ​ര​ഞ്ഞെ​ടു​പ്പ് ഓ​ഫി​സ​റും ബി.​ജെ.​പി ജി​ല്ല പ്ര​സി​ഡ​ന്‍റു​മാ​യ അ​ഡ്വ. കെ. ​ബാ​ല​കൃ​ഷ്ണ ഷെ​ട്ടി, യു​വ​മോ​ർ​ച്ച സം​സ്ഥാ​ന ട്ര​ഷ​റ​ർ സു​നി​ൽ നാ​യി​ക്, മ​ണി​ക​ണ്ഠ​റൈ, ​ലോ​കേ​ഷ് നോ​ണ്ട എ​ന്നി​വ​രാ​ണ് മ​റ്റ് പ്ര​തി​ക​ൾ.

ഫാ​ഷ​ൻ ഗോ​ൾ​ഡ്​ കേ​സ്​

ജി​ല്ല​യി​ൽ കോ​ളി​ള​ക്കം സൃ​ഷ്ടി​ച്ച ഫാ​ഷ​ൻ ഗോ​ൾ​ഡ് സ്വ​ർ​ണ നി​ക്ഷേ​പ ത​ട്ടി​പ്പ് കേ​സ് 2023ലും ​ശ്ര​ദ്ധി​ക്ക​പ്പെ​ട്ട സം​ഭ​വ​മാ​ണ്. ഒ​മ്പ​തു​മു​ത​ൽ 12 വ​രെ ​പ്ര​തി​ക​ളാ​ണ് എ​ല്ലാ കേ​സു​ക​ളി​ലു​മു​ള്ള​ത്.

ക​മ്പ​നി ചെ​യ​ർ​മാ​ൻ എം.​സി. ഖ​മ​റു​ദ്ദീ​ൻ, മാ​നേ​ജി​ങ്​ ഡ​യ​റ​ക്ട​ർ പൂ​ക്കോ​യ ത​ങ്ങ​ൾ, മു​ഹ​മ്മ​ദ് ഇ​ഷാം, മാ​നേ​ജ​ർ സൈ​നു​ദ്ദീ​ൻ എ​ന്നി​വ​ർ എ​ല്ല കേ​സു​ക​ളി​ലും പ്ര​തി​ക​ളാ​ണ്.

ക​ന്ന​ട വി​വാ​ദം

ഒ​ട്ടേ​റെ സ​മ​ര​ങ്ങ​ൾ ജി​ല്ല ക​ണ്ടി​ട്ടു​ണ്ടെ​ങ്കി​ലും വ്യ​ത്യ​സ്ത സ​മ​ര​മാ​ണ്​ അ​ഡൂ​ര്‍ ഗ​വ. ഹ​യ​ർ സെ​ക്ക​ൻ​ഡ​റി സ്‌​കൂ​ളി​ല്‍ ക​ന്ന​ഡ വി​ദ്യാ​ർ​ഥി​ക​ൾ ന​ട​ത്തി​യ​ത്. ഈ ​സ​ർ​ക്കാ​ർ സ്കൂ​ളി​ൽ ക​ന്ന​ഡ​യി​ല്‍ പ്രാ​ഗ​ല്ഭ്യ​മി​ല്ലാ​ത്ത അ​ധ്യാ​പി​ക​യെ ക​ന്ന​ഡ പ​ഠി​പ്പി​ക്കാ​ൻ നി​യ​മി​ച്ച ന​ട​പ​ടി​യാ​ണ്​ വി​ദ്യാ​ർ​ഥി​ക​ളു​ടെ സ​മ​രം ക്ഷ​ണി​ച്ചു വ​രു​ത്തി​യ​ത്. ഒ​രു മാ​സ​ത്തി​നു​ള​ളി​ല്‍ മാ​റ്റി പ​ക​രം ക​ന്ന​ഡ അ​റി​യാ​വു​ന്ന​വ​രെ നി​യ​മി​ക്ക​ണ​മെ​ന്ന് കേ​ര​ള ഹൈ​കോ​ട​തി നി​ർ​ദേ​ശം ന​ൽ​കി​യ​തോ​ടെ​യാ​ണ്​ ര​ണ്ടു മാ​സ​ത്തോ​ളം നീ​ണ്ട സ​മ​രം അ​വ​സാ​നി​ച്ച​ത്.

ക​ഴി​ഞ്ഞ ജൂ​ണ്‍ മൂ​ന്നി​നാ​ണ്‌ അ​ഡൂ​ര്‍ ഗ​വ. ഹ​യ​ർ സെ​ക്ക​ൻ​ഡ​റി സ്‌​കൂ​ളി​ല്‍ ക​ന്ന​ഡ വി​ഭാ​ഗ​ത്തി​ല്‍ ക​ന്ന​ഡ ഭാ​ഷ​യി​ല്‍ പ്രാ​വീ​ണ്യ​മി​ല്ലാ​ത്ത അ​ധ്യാ​പി​ക​യെ നി​യ​മി​ച്ച​ത്‌. ഇ​തി​ല്‍ പ്ര​തി​ഷേ​ധി​ച്ചു കു​ട്ടി​ക​ള്‍ അ​ധ്യാ​പി​ക​യു​ടെ ക്ലാ​സ്‌ ബ​ഹി​ഷ്‌​ക​രി​ക്കു​ക​യും നാ​ട്ടു​കാ​രും ര​ക്ഷി​താ​ക്ക​ളും ക​ന്ന​ഡ പോ​രാ​ട്ട​സ​മി​തി​യും ഹൈ​കോ​ട​തി​യെ സ​മീ​പി​ക്കു​ക​യു​മാ​യി​രു​ന്നു.

കെ​ട്ട​ട​ങ്ങാതെ എ​ൻ​ഡോ​സ​ൾ​ഫാ​ൻ വി​വാ​ദം

എ​ൻ​ഡോ​സ​ൾ​ഫാ​ൻ വി​വാ​ദം ഈ ​വ​ർ​ഷ​വും ജി​ല്ല​യി​ൽ സ​ജീ​വ​മാ​യി​രു​ന്നു. പ​ട്ടി​ക​യി​ൽ ഉ​ൾ​പ്പെ​ടു​ത്തി കാ​ര​ണ​മി​ല്ലാ​തെ 1031 എ​ൻ​ഡോ​സ​ൾ​ഫാ​ൻ ദു​രി​ത​ബാ​ധി​ത​രെ ഒ​ഴി​വാ​ക്കി​യ സം​ഭ​വ​മാ​ണ്​ വി​വാ​ദ​ത്തി​ന്​ വ​ഴി​വെ​ച്ച​ത്. ഇ​വ​രെ തി​രി​​ച്ചെ​ടു​ക്ക​ണ​മെ​ന്ന് ആ​വ​ശ്യ​പ്പെ​ട്ട്​ എ​ൻ​ഡോ​സ​ൾ​ഫാ​ൻ ദു​രി​ത​ബാ​ധി​ത​ർ​ക്ക്​ വീ​ണ്ടും സ​മ​ര​രം​ഗ​ത്തി​റ​ങ്ങേ​ണ്ടി വ​ന്നു.

മാ​വേ​ലി എ​ക്സ്പ്ര​സ് പാ​ളം മാ​റി ഓ​ടി

മാ​വേ​ലി എ​ക്സ്പ്ര​സ് ട്രാ​ക്ക് മാ​റി സ​ഞ്ച​രി​ച്ച​ത്​ കാ​ഞ്ഞ​ങ്ങാ​ട് സ്റ്റേ​ഷ​നി​ൽ പ്ര​ധാ​ന സം​ഭ​വ​മാ​യ​തും പി​ന്നി​ടു​ന്ന വ​ർ​ഷ​മാ​ണ്. ഒ​ന്നാം ട്രാ​ക്കി​ൽ നി​ർ​ത്തി​യി​ടേ​ണ്ട ട്രെ​യി​ൻ പാ​ളം മാ​റി സ​ഞ്ച​രി​ച്ച​തി​നെ​ത്തു​ട​ർ​ന്ന് മ​ധ്യ​ത്തി​ലു​ള്ള ര​ണ്ടാം ട്രാ​ക്കി​ൽ നി​ർ​ത്തി​യി​ടേ​ണ്ടി​വ​ന്നു. മം​ഗളൂരു ഭാ​ഗ​ത്തു​നി​ന്നും തി​രു​വ​ന​ന്ത​പു​ര​ത്തേ​ക്ക് പോ​വു​ക​യാ​യി​രു​ന്ന ട്രെ​യി​നാ​ണ് ട്രാ​ക്ക്​ മാ​റി സ​ഞ്ച​രി​ച്ച​ത്. സ്റ്റേ​ഷ​നി​ൽ​നി​ന്ന് സി​ഗ്ന​ൽ മാ​റി ന​ൽ​കി​യ​താ​ണ് ട്രെ​യി​ൻ ര​ണ്ടാം ട്രാ​ക്കി​ലൂ​ടെ സ​ഞ്ച​രി​ക്കാ​ൻ കാ​ര​ണ​മാ​യ​ത്.

മ​ണി​പ്പൂ​ർ ഐ​ക്യ​ദാ​ർ​ഢ്യ സ​ദ​സ്സും വി​ദ്വേ​ഷ മു​ദ്രാ​വാ​ക്യ​വും

മ​ണി​പ്പൂ​ർ ഐ​ക്യ​ദാ​ർ​ഢ്യ സ​ദ​സ്സി​ലെ വി​ദ്വേ​ഷ മു​ദ്രാ​വാ​ക്യം ഏ​റെ​ക്കാ​ലം നി​ല​നി​ന്ന വി​വാ​ദ​മാ​യി​രു​ന്നു. യൂ​ത്ത് ലീ​ഗ് സം​സ്ഥാ​ന ക​മ്മി​റ്റി ആ​ഹ്വാ​നം ചെ​യ്ത മ​ണി​പ്പൂർ ഐ​ക്യ​ദാ​ർ​ഢ്യ ദി​നാ​ച​ര​ണ​ത്തി​ന്‍റെ ഭാ​ഗ​മാ​യി കാ​ഞ്ഞ​ങ്ങാ​ട് സം​ഘ​ടി​പ്പി​ച്ച റാ​ലി​യി​ലാ​ണ്​ പ്ര​കോ​പ​ന​പ​ര​മാ​യ മു​ദ്രാ​വാ​ക്യം വി​ളി​യു​യ​ർ​ന്ന​ത്.

സം​ഭ​വ​വു​മാ​യി ബ​ന്ധ​പ്പെ​ട്ട്​ കാ​ഞ്ഞ​ങ്ങാ​ട് ന​ഗ​ര​സ​ഭ​യി​ലെ അ​ബ്ദു​ൽ സ​ലാ​മി​നെ സം​ഘ​ട​ന​യി​ൽ​നി​ന്ന് പു​റ​ത്താ​ക്കി​യി​രു​ന്നു. മു​സ്‍ലിം ലീ​ഗി​ന്‍റെ ആ​ശ​യ​ങ്ങ​ൾ​ക്കു വി​രു​ദ്ധ​മാ​യ രീ​തി​യി​ലും അ​ച്ച​ടി​ച്ചു ന​ൽ​കി​യ​തി​ൽ​നി​ന്നു വ്യ​തി​ച​ലി​ച്ചും പ്ര​വ​ർ​ത്തി​ച്ച​തി​നാ​ണ് ഇ​യാ​ൾ​ക്കെ​തി​രെ ന​ട​പ​ടി​യു​ണ്ടാ​യ​ത്.

ഉ​ത്സ​വ​മാ​യി വ​ന്ദേ​ഭാ​ര​തി​ന്‍റെ വ​ര​വ്​

ട്രെ​യി​ൻ യാ​ത്ര​യി​ൽ ഏ​റെ പി​ന്നാ​ക്കം നി​ൽ​ക്കു​ന്ന ജി​ല്ല​യി​ൽ ഉ​ത്സ​വാ​ന്ത​രീ​ക്ഷം തീ​ർ​ത്താ​യി​രു​ന്നു വ​ന്ദേ​ഭാ​ര​ത്​ എ​ത്തി​യ​ത്. കാ​സ​ർ​കോ​ട്​ റെ​യി​ൽ​വേ സ്​​റ്റേ​ഷ​നി​ൽ​നി​ന്ന്​ വ​ന്ദേ​ഭാ​ര​ത്​ ക​ന്നി​യാ​ത്ര ആ​രം​ഭി​ച്ച​ത്​ കാ​സ​ർ​കോ​ട്​ ജി​ല്ല​ക്ക്​ ച​രി​ത്ര​മാ​യി. ഏ​റെ വൈ​കാ​തെ ത​ന്നെ ര​ണ്ടാ​മ​ത്തെ വ​ന്ദേ​ഭാ​ര​ത്​ ട്രെ​യി​നും അ​നു​വ​ദി​ച്ചു കി​ട്ടി​യ​തോ​ടെ കാ​സ​ർ​കോ​ട്​ നി​ന്ന്​ പു​റ​പ്പെ​ടു​ന്ന ട്രെ​യി​നു​ക​ളു​ടെ എ​ണ്ണം ര​ണ്ടാ​യി.

തു​ട​രു​ന്ന രാ​ഷ്ട്രീ​യ യാ​ത്ര​ക​ൾ

മി​ക്ക രാ​ഷ്ട്രീ​യ പാ​ർ​ട്ടി​ക​ളു​ടെ​യും യാ​ത്ര​കൾ​ക്കും കാ​സ​ർ​കോ​ട്ടു​നി​ന്ന് തു​ട​ക്കം​കു​റി​ക്കു​ന്ന പ​തി​വി​ന്​ പി​ന്നി​ടു​ന്ന വ​ർ​ഷ​വും മാ​റ്റ​മൊ​ന്നും ഉ​ണ്ടാ​യി​ട്ടി​ല്ല. മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ നേ​തൃ​ത്വ​ത്തി​ൽ മ​ന്ത്രി​സ​ഭ ത​ന്നെ ന​ട​ത്തി​യ ന​വ​കേ​ര​ള സ​ദ​സ്സ് ബ​സ്​ യാ​ത്ര​യാ​ണ്​ ഇ​തി​ൽ പ്ര​ധാ​നം.

സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ മാ​സ്റ്റ​ർ ന​യി​ച്ച ജ​ന​കീ​യ പ്ര​തി​രോ​ധ ജാ​ഥ, എ​സ്.​ടി.​യു സം​സ്ഥാ​ന സ​ന്ദേ​ശ യാ​ത്ര, ജോ​യ​ന്‍റ്​ കൗ​ൺ​സി​ൽ സം​സ്ഥാ​ന ജാ​ഥ, കി​സാ​ൻ സ​ഭ ക​ർ​ഷ​ക ര​ക്ഷാ സം​സ്ഥാ​ന യാ​ത്ര എ​ന്നി​വ​യും കാ​സ​ർ​കോ​ട്​ ജി​ല്ല​യി​ൽ​നി​ന്ന്​ തു​ട​ങ്ങി​യ​ത്​ മ​റ​ഞ്ഞു​പോ​കു​ന്ന വ​ർ​ഷ​മാ​ണ്. കേ​ര​ള കോ​ഓ​പ് ഫ്ര​ണ്ട് സം​സ്ഥാ​ന സ​മ്മേ​ള​നം, കെ.​എ​സ്.​ടി.​എ സം​സ്ഥാ​ന സ​മ്മേ​ള​നം എ​ന്നി​വ​ക്കും കാ​സ​ർ​കോ​ട്​ ജി​ല്ല 2023ൽ ​വേ​ദി​യാ​യി.

വ്യാ​ജ സ​ർ​ട്ടി​ഫി​ക്ക​റ്റ്​ വി​വാ​ദം

രാ​ഷ്ട്രീ​യ വി​വ​ദ​ങ്ങ​ൾ​ക്ക്​ പു​റ​മെ വ്യാ​ജ സ​ർ​ട്ടി​ഫി​ക്ക​റ്റ്​ വി​വാ​ദ​വും ജി​ല്ല​യി​ൽ പോ​യ​വാ​ർ​ഷം പ്ര​ധാ​ന വാ​ർ​ത്ത​ക​ളി​ൽ സ്ഥാ​നം പി​ടി​ച്ചു. മ​ഹാ​രാ​ജാ​സ് കോ​ള​ജി​ലെ വ്യാ​ജ തൊ​ഴി​ൽ​പ​രി​ച​യ സ​ർ​ട്ടി​ഫി​ക്ക​റ്റ് വി​വാ​ദം കാ​സ​ർ​കോ​ട്​ ജി​ല്ല​യെ​യാ​ണ്​ ബാ​ധി​ച്ച​ത്. സം​ഭ​വ​ത്തി​ൽ ഉ​ൾ​പ്പെ​ട്ട വി​ദ്യാ വി​ജ​യ​ൻ കാ​സ​ർ​കോ​ട് തൃ​ക്ക​രി​പ്പൂ​ർ സ്വ​ദേ​ശി​നി​യാ​യ​താ​ണ്​ വി​വാ​ദം ജി​ല്ല​യെ​യും പി​ടി​ച്ചു​ല​ച്ച​ത്.

റൈ​സി​ങ്​ കാ​സ​ർ​കോ​ട്​

വി​ക​സ​നം ല​ക്ഷ്യ​മി​ട്ട്​ ജി​​ല്ല പ​​ഞ്ചാ​​യ​​ത്തും ജി​​ല്ല വ്യ​​വ​​സാ​​യ കേ​​ന്ദ്രം സം​​ഘ​​ടി​​പ്പി​​ച്ച റൈ​​സി​ങ് കാ​​സ​​ർ​​കോ​​ട് ജി​ല്ല​യി​ലെ വ്യ​വ​സാ​യ മേ​ഖ​ല​യി​ൽ പു​തി​യ ദി​ശാ​ബോ​ധം ന​ൽ​കു​ന്ന​താ​യി. നി​​ക്ഷേ​​പ​​ക സം​​ഗ​​മ​​ത്തി​​ലൂ​​ടെ ജി​​ല്ല​​യി​​ൽ 282 കോ​​ടി രൂ​​പ​​യു​​ടെ നി​​ക്ഷേ​​പ​മാ​ണ്​ ജി​​ല്ല​ക്ക്​ സം​ഗ​മ​ത്തി​ലൂ​ടെ ല​ഭി​ച്ച​ത്.

പി​ണ​റാ​യി​യെ ചൊ​ടി​പ്പി​ച്ച അ​നൗ​ൺ​സ്‌​മെ​ന്റ്

മു​ഖ്യ​മ​ന്ത്രി പി​ണ​റാ​യി വി​ജ​യ​ൻ സം​സാ​രി​ച്ചു തീ​രും​മു​മ്പ്​ അ​നൗ​ൺ​സ്മെ​ന്‍റ്​ വ​ന്ന​തി​നെ തു​ട​ർ​ന്ന് മു​ഖ്യ​മ​ന്ത്രി മൈ​ക്കി​നു മു​ന്നി​ൽ​നി​ന്ന് ചൊ​ടി​ച്ച്​ ഇ​റ​ങ്ങി​പ്പോ​യ സം​ഭ​വം പ്ര​ധാ​ന രാ​ഷ്ട്രീ​യ വി​വാ​ദ​മാ​യ​തും പി​ന്നി​ടു​ന്ന വ​ർ​ഷ​മാ​ണ്. കാ​സ​ർ​കോ​ട് ബേ​ഡ​ഡു​ക്ക സ​ർ​വിസ് സ​ഹ​ക​ര​ണ ബാ​ങ്കി​ന്‍റെ ഉ​ദ്ഘാ​ട​ന വേ​ദി​യി​ലാ​യി​രു​ന്നു സം​ഭ​വം. പ്ര​സം​ഗം അ​വ​സാ​നി​പ്പി​ച്ച്, മൈ​ക്കി​നു മു​ന്നി​ൽ​നി​ന്ന് മാ​റും​മു​മ്പ് നൊ​ടി​യി​ട​യി​ൽ ത​ന്നെ അ​നൗ​ൺ​സ്‌​മെ​ന്‍റ്​ ഉ​ണ്ടാ​യ​താ​ണ്​ മു​ഖ്യ​മ​ന്ത്രി​യെ പ്ര​കോ​പി​പ്പി​ച്ച​ത്.

പ്രി​ൻ​സി​പ്പ​ൽ -എ​സ്.​എ​ഫ്.​ഐ ഏ​റ്റു​മു​ട്ട​ൽ

കാ​സ​ർ​കോ​ട്​ ഗ​വ. കോ​ള​ജ്​ ഏ​റെ​ക്കാ​ലം വാ​ർ​ത്ത​ക​ളി​ൽ നി​റ​ഞ്ഞു​നി​ന്ന വ​ർ​ഷ​മാ​ണ്​ 2023. എ​സ്.​എ​ഫ്.​ഐ പ്ര​വ​ർ​ത്ത​ക​രും പ്രി​ൻ​സി​പ്പ​ൽ ഡോ. ​എം. ര​മ​യും ത​മ്മി​ലു​ണ്ടാ​യ പ്ര​ശ്ന​മാ​ണ്​ കോ​ള​ജി​നെ വാ​ർ​ത്ത​ക​ളി​ൽ നി​റ​ച്ച​ത്. ഒ​ടു​വി​ൽ ഡോ. ​എം. ര​മ അ​വ​ധി​യി​ൽ പോ​യ​തോ​ടെ​യാ​ണ്​ പ്ര​ശ്ന​ത്തി​ന്​ പ​രി​സ​മാ​പ്തി​യാ​യ​ത്.

ജി​ല്ല​ക്ക്​ പു​തി​യ ക​ല​ക്ട​റും പൊ​ലീ​സ്​ മേ​ധാ​വി​യും

കാ​സ​ർ​കോ​ട്​ ജി​ല്ല​യു​ടെ പു​തി​യ ക​ല​ക്ട​റാ​യി കെ. ​ഇ​മ്പ​ശേ​ഖ​റും ജി​ല്ല പൊ​ലീ​സ്​ മേ​ധാ​വി​യാ​യി പി. ​ബി​ജോ​യി​യും ചു​മ​ത​ല​യേ​റ്റ​ത്​ പി​ന്നി​ടു​ന്ന വ​ർ​ഷ​മാ​യി​രു​ന്നു. ജി​ല്ല ക​ല​ക്ട​റാ​യി​രു​ന്നു സ്വാ​ഗ​ത്​ ഭ​ണ്ഡാ​രി ര​ൺ​വീ​ർ ച​ന്ദ്​ കേ​ര​ള ജ​ല അ​തോ​റി​റ്റി എം.​ഡി​യാ​യി സ്ഥ​ലം​മാ​റി പോ​യ ഒ​ഴി​വി​ലാ​ണ്​ കെ. ​ഇ​മ്പ​ശേ​ഖ​ർ ചു​മ​ത​ല​യേ​റ്റ​ത്. ജി​ല്ല പൊ​ലീ​സ്​ മേ​ധാ​വി ഡോ. ​വൈ​ഭ​വ്​ സക്സേ​ന എറ​ണാ​കു​ളം റൂ​റ​ൽ പൊ​ലീ​സ്​ മേ​ധാ​വി​യാ​യി പോ​യ​തി​ന്​ പ​ക​ര​മാ​യാ​ണ്​ തി​രു​വ​ന​ന്ത​പു​രം സ്വ​ദേ​ശി​യാ​യ പി. ​ബി​ജോ​യി ചു​മ​ത​ല​യേ​റ്റ​ത്.

ജി​ല്ല​യു​ടെ ന​ഷ്ടം

സി.​പി.​എം നേ​താ​വും മു​ൻ എം.​എ​ൽ.​എ​യു​മാ​യ കെ. ​കു​ഞ്ഞി​രാ​മ​ൻ, സി.​ഐ.​ടി.​യു നേ​താ​വ്​ എ.​കെ. നാ​രാ​യ​ണ​ൻ എ​ന്നി​വ​രു​ടെ നി​ര്യാ​ണം ജി​ല്ല​യി​ലെ രാ​ഷ്ട്രീ​യ രം​ഗ​ത്തെ പ്ര​ധാ​ന ന​ഷ്​​ട​ങ്ങ​ളാ​ണ്. എ​ഴു​ത്തു​കാ​രാ​യ ഇ​ബ്രാ​ഹിം ബേ​വി​ഞ്ച, ബി​ജു കാ​ഞ്ഞ​ങ്ങാ​ട്, കേ​ന്ദ്ര സ​ർ​വ​ക​ലാ​ശാ​ല വൈ​സ്​ ചാ​ൻ​സി​ല​ർ എ​ച്ച്. വെ​ങ്കി​ടേ​ശ്വ​ർ​ലു എ​ന്നി​വ​രു​ടെ മ​ര​ണം കാ​സ​ർ​കോ​ടി​ന്‍റെ 2023ലെ ​നൊ​മ്പ​ര​ങ്ങ​ളാ​ണ്. ക​ന്ന​ഡ എ​ഴു​ത്തു​കാ​രി​യും മം​ഗ​ളൂ​രു​വി​ൽ താ​മ​സ​ക്കാ​രി​യു​മാ​യ നോ​വ​ലി​സ്റ്റ്​ സാ​റ അ​ബൂ​ബ​ക്ക​റി​ന്‍റെ മ​ര​ണ​വും കാ​സ​ർ​കോ​ടി​നെ ദു:​ഖ​ത്തി​ലാ​ക്കി​യ വേ​ർ​പാ​ടാ​ണ്.