എവിടെ ‘ലൈഫ്’; ബാലന്‍റെ​ ജീവിതം ഇപ്പോഴും കാട്ടിൽ

ബ​ദി​യ​ടു​ക്ക: ബാ​ല​ൻ എ​ന്ന വൃ​ദ്ധ​ന്റെ ജീ​വി​തം മു​ഴു​വ​ൻ കാ​ട്ടി​ൽ തീ​രു​ക​യാ​ണ്. പാ​വ​പ്പെ​ട്ട​വ​ന് വീ​ടും സ്ഥ​ല​വും ന​ൽ​കു​ന്ന സ​ർ​ക്കാ​ർ പ​ദ്ധ​തി​ക​ൾ ബാ​ല​ന്റെ ജീ​വി​ത​ത്തി​നു മു​ന്നി​ൽ പ​രി​ഹ​സി​ക്ക​പ്പെ​ടു​ക​യാ​ണ്. ബ​ദി​യ​ടു​ക്ക പ​ഞ്ചാ​യ​ത്തി​ലെ പ​ത്താം വാ​ർ​ഡി​ൽ പെ​ടു​ന്ന ബീ​ജ​ന്ത​ടു​ക്ക മാ​ഹി​ല​ങ്കോ​ടി വ​ള​വി​ലെ കാ​ട്ടി​ൽ ത​നി​ച്ചു​ള്ള കു​ടി​ൽ ജീ​വി​ത​ത്തി​ന് പ​ത്ത് വ​ർ​ഷ​ത്തോ​ള​മാ​യി.

കാ​ട്ടി​ലെ വ​ന്യ​ജീ​വി​ക​ളും ഇ​ഴ​ജ​ന്തു​ക്ക​ളും കാ​ല​വ​ർ​ഷ​ക്കെ​ടു​തി​യും ജീ​വി​ത​ത്തി​ന്റെ ഭാ​ഗ​മാ​ക്കി​യാ​ണ് ഈ ​മ​നു​ഷ്യ​ൻ ക​ഴി​യു​ന്ന​ത്. എ​ന്നാ​ൽ അ​ധി​കൃ​ത​രു​ടെ ശ്ര​ദ്ധ​യി​ൽ​പെ​ട്ടി​ട്ടും ക​ണ്ണു​തു​റ​ക്കാ​നാ​ളു​ണ്ടാ​യി​ല്ല. ബാ​ല​ന്റെ ക​ദ​ന​ക​ഥ ബ​ന്ധ​പ്പെ​ട്ട അ​ധി​കാ​രി​ക​ൾ അ​റി​യാ​തെ പോ​കു​ക​യാ​ണ്.

കു​മ്പ​ഡാ​ജെ പ​ഞ്ചാ​യ​ത്തി​ലെ അ​ഗ​ൽ​പ്പാ​ടി​യി​ലാ​യി​രു​ന്നു ആ​ദ്യ​ത്തെ കു​ടി​ൽ വാ​സം. പ​ത്ത് വ​ർ​ഷം മു​മ്പാ​ണ് ബ​ദി​യ​ടു​ക്ക - ചെ​ർ​ക്ക​ള പൊ​തു​മ​രാ​മ​ത്ത് റോ​ഡി​നോ​ട് ചേ​ർ​ന്ന് നി​ൽ​ക്കു​ന്ന സ​ർ​ക്കാ​ർ സ്ഥ​ല​ത്ത് എ​ത്തി​യ​ത്.

കൂ​റ്റ​ൻ മ​ര​ങ്ങ​ളു​ള്ള കാ​ടി​ന​ക​ത്താ​ണ് ഒ​രാ​ൾ പൊ​ക്കം പോ​ലു​മി​ല്ലാ​ത്ത ഉ​യ​ര​ത്തി​ൽ പ്ലാ​സ്റ്റി​ക്കും, ചാ​ക്കും, തു​ണി ക​ഷ​ണ​ങ്ങ​ളും കൊ​ണ്ടു​ണ്ടാ​ക്കി​യ കു​ടി​ലി​ൽ താ​മ​സി​ച്ചു​വ​രു​ന്ന​ത്. ‘ക​ല്യാ​ണം മ​ന​സി​ൽ പോ​ലും ഉ​ണ്ടാ​യി​ട്ടി​ല്ല എ​ന്ന് ബാ​ല​ൻ പ​റ​യു​ന്നു. അ​ച്ഛ​ൻ രാ​മ​കൃ​ഷ്ണ പ​ത്ത് വ​ർ​ഷം മു​മ്പും അ​മ്മ യ​ശോ​ദ ര​ണ്ട് വ​ർ​ഷം മു​മ്പു​മാ​ണ് മ​രി​ച്ച​ത്.

സ​ഹോ​ദ​ര​ങ്ങ​ൾ അ​വ​രു​ടെ വ​ഴി​ക്കാ​ണ്. ഇ​ങ്ങ​നെ​യൊ​രാ​ളു​ണ്ട​ന്ന വി​വ​രം അ​വ​ർ​ക്ക് അ​റി​യി​ല്ല​ന്ന് ബാ​ല​ൻ പ​റ​ഞ്ഞു.

അ​മ്മ ജീ​വി​ച്ചി​രു​ന്ന​പ്പോ​ൾ ത​ന്നെ വ​ന്ന് ക​ണ്ട് പോ​കാ​റു​ണ്ടാ​യി​രു​ന്നു. മ​രി​ച്ച​തോ​ടെ കു​ടും​ബ​ത്തി​ന്റെ ബ​ന്ധം മു​റി​ഞ്ഞു. സ്കൂ​ളി​ൽ പോ​യി​ല്ല. അ​ക്ഷ​രാ​ഭ്യാ​സ​മി​ല്ല. മേ​ൽ​വി​ലാ​സ രേ​ഖ​യാ​യി ആ​ധാ​ർ കാ​ർ​ഡ്, വോ​ട്ട​ർ ഐ​ഡി, റേ​ഷ​ൻ കാ​ർ​ഡ് ഒ​ന്നു​മി​ല്ല. അ​മ്മ പ​റ​ഞ്ഞു​​ത​ന്ന പ്രാ​യം ക​ണ​ക്കാ​ക്കി 55 വ​യ​സ് ക​ഴി​ഞ്ഞു എ​ന്ന് ബാ​ല​ൻ പ​റ​യു​ന്നു. എ​നി​ക്ക് അ​സു​ഖ​ങ്ങ​ൾ ഒ​ന്നു​മി​ല്ല. ഇ​ട​ത് കാ​ലി​ന് നേ​രെ​ത്തെ പാ​മ്പ് ക​ടി​യേ​റ്റി​രു​ന്നു. ആ ​ഒ​രു വേ​ദ​ന മാ​ത്ര​മാ​ണ് എ​നി​ക്കു​ള്ള പ്ര​ശ്നം. ആ​ഴ്ച​യി​ൽ ല​ഭി​ക്കു​ന്ന കൂ​ലി​പ്പ​ണി​ക്ക് പോ​യി ല​ഭി​ക്കു​ന്ന തു​ക​കൊ​ണ്ട് പ​ട്ടി​ണി ഇ​ല്ലാ​തെ ജീ​വി​ച്ചു​പോ​കു​ന്നു. ഭ​ക്ഷ​ണം പാ​കം ചെ​യ്യാ​ൻ കു​ടി​ലി​ന് അ​രി​കി​ൽ വി​റ​ക് ക​ത്തി​ക്കു​ന്ന അ​ടു​പ്പു​ണ്ട്.

പ്രാ​ഥ​മി​ക ആ​വി​ശ്യ​ത്തി​നും കു​ളി​ക്കാ​നും മ​റ്റും വെ​ള്ളം പ​രി​സ​ര​ത്തെ വീ​ടു​ക​ളി​ൽ​നി​ന്ന് കൊ​ണ്ടു​​വ​രും. കാ​ട്ടി​ലെ പ​ക്ഷി​ക​ൾ​ക്ക് കു​ടി​ക്കാ​നാ​യി വെ​ള്ള​വും ഭ​ക്ഷ​ണ​വും ത​യാ​റാ​ക്കു​ക എ​ന്ന ജോ​ലി​യും ബാ​ല​ൻ ഒ​രു​ക്കി​യി​ട്ടു​ണ്ട്.

കാ​ട്ടു പ​ന്നി​ക​ൾ ഓ​ടി ക​ളി​ക്കു​ന്ന ഇ​ട​മാ​ണ് ഇ​വി​ടെ. അ​തി​നെ ഭ​യ​പ്പെ​ടു​ത്താ​ൻ കു​പ്പി കൊ​ണ്ട് ഉ​ണ്ടാ​ക്കി​യ മ​ണി മു​ഴ​ക്ക​മാ​ണ് ബാ​ല​ന്റെ കൈ​യി​ലെ റി​മോ​ട്ട്. കു​ടി​ലി​ന​ക​ത്ത് കി​ട​ക്കാ​നു​ള്ള ക​ട്ടി​ലും അ​തി​ന്റെ അ​ടി​ഭാ​ഗ​ത്ത് പാ​ച​കം ചെ​യ്യു​ന്ന പ​ത്ര​ങ്ങ​ളു​മു​ണ്ട്. ഒ​രു മ​ണ്ണ​ണ്ണ വി​ള​ക്കു​ണ്ട്. ഒ​രി​ക്ക​ൽ പ​ഞ്ചാ​യ​ത്തി​ൽ നി​ന്നും അ​ന്വേ​ഷി​ക്കാ​ൻ ആ​ൾ വ​ന്നി​രു​ന്നു.

പി​ന്നീ​ട് ആ​രും ഈ ​വ​ഴി​ക്ക് വ​ന്നി​ല്ല. എ​ന്നെ ആ​രും ബു​ദ്ധി​മു​ട്ടി​ക്കാ​ൻ വ​ന്നി​ട്ടി​ല്ല. ഇ​തേ പോ​ലെ മ​രി​ച്ചാ​ൽ മ​തി​യെ​ന്ന് ബാ​ല​ൻ പ​റ​യു​ന്നു.