കോട്ടിക്കുളത്തെ ട്രെയിൻ ടിക്കറ്റ് റിസർവേഷൻ സൗകര്യം മുന്നറിയിപ്പില്ലാതെ നിർത്തി

ഉ​ദു​മ: കോ​ട്ടി​ക്കു​ളം റെ​യി​ൽ​വേ സ്റ്റേ​ഷ​നി​ൽ നി​ല​വി​ലു​ള്ള ത​ത്കാ​ൽ അ​ട​ക്ക​മു​ള്ള ടി​ക്ക​റ്റ് റി​സ​ർ​വേ​ഷ​ൻ സൗ​ക​ര്യം ഒരു മു​ന്ന​റി​യി​പ്പു​മി​ല്ലാ​തെ റെ​യി​ൽ​വേ അ​ധി​കൃ​ത​ർ നി​ർ​ത്തി​വെ​ച്ചു. ക​ഴി​ഞ്ഞ ശ​നി​യാ​ഴ്ച ടി​ക്ക​റ്റ് ബു​ക്ക്‌ ചെ​യ്യാ​ൻ രാ​വി​ലെ മു​ത​ൽ വ​രി നി​ൽ​ക്കു​ന്ന​വ​ർ​ക്ക് ടി​ക്ക​റ്റ് കൗ​ണ്ട​ർ തു​റ​ന്ന​പ്പോ​ഴാ​ണ് ഈ ​വി​വ​രം അ​റി​യാ​ൻ ക​ഴി​ഞ്ഞ​ത്.

അ​റി​യി​പ്പി​ല്ലാ​തെ പൊ​ടു​ന്ന​നെ കൗ​ണ്ട​ർ അ​ട​ച്ച​തി​ൽ ക​ഴി​ഞ്ഞ ര​ണ്ടു ദി​വ​സ​ങ്ങ​ളി​ലാ​യി ഏ​റെ വി​ഷ​മ​ത്തി​ലാ​യ​ത് ത​ത്കാ​ൽ ടി​ക്ക​റ്റ് എ​ടു​ത്ത് യാ​ത്ര ചെ​യ്യേ​ണ്ടി​യി​രു​ന്ന​വ​രാ​യി​രു​ന്നു. പ​തി​വ് പോ​ലെ ടി​ക്ക​റ്റ് ബു​ക്ക്‌ ചെ​യ്യാ​ൻ എ​ത്തി​യ യാ​ത്ര​ക്കാ​ർ തി​ങ്ക​ളാ​ഴ്ച​യും നി​രാ​ശ​രാ​യി മ​ട​ങ്ങി. മ​ല​ബാ​ർ എ​ക്സ് പ്ര​സി​ന് സ്റ്റോ​പ്പ്‌ അ​നു​വ​ദി​ച്ചു കി​ട്ടി​യ ആ​ദ്യ​കാ​ല​ത്ത് ആ ​ട്രെ​യി​നി​ൽ ഏ​താ​നും ടി​ക്ക​റ്റു​ക​ൾ മു​ൻ​കൂ​ട്ടി ബു​ക്ക്‌ ചെ​യ്യാ​നു​ണ്ടാ​യ സൗ​ക​ര്യം റെ​യി​ൽ​വേ പി​ന്നീ​ട് നി​ർ​ത്ത​ലാ​ക്കി​യ​ത് ഏ​റെ മു​റ​വി​ളി​ക്ക് ശേ​ഷ​മാ​ണ് 2014 ൽ ​പു​നഃ​സ്ഥാ​പി​ച്ചു കി​ട്ടി​യ​ത്.

അ​താ​ണ് ഇ​പ്പോ​ൾ മു​ന്ന​റി​യി​പ്പി​ല്ലാ​തെ വീ​ണ്ടും നി​ർ​ത്ത​ലാ​ക്കി യാ​ത്ര​ക്കാ​രെ ബു​ദ്ധി​മു​ട്ടി​ച്ച​ത്. സ്വ​കാ​ര്യ വ്യ​ക്തി​ക​ൾ​ക്ക് ക്വ​ട്ടേ​ഷ​ൻ ന​ൽ​കി​യാ​ണ്‌ ര​ണ്ടു ദി​വ​സ​മാ​യി ഇ​വി​ടെ ഓ​ർ​ഡി​ന​റി ടി​ക്ക​റ്റു​ക​ൾ ന​ൽ​കി​വ​രു​ന്ന​ത്.

ഇ​വി​ടെ സ്റ്റോ​പ്പു​ള്ള വ​ണ്ടി​ക​ൾ​ക്ക് അ​ത​ത് സ​മ​യ​ങ്ങ​ളി​ൽ ടി​ക്ക​റ്റു​ക​ൾ ന​ൽ​കാ​ൻ കൗ​ണ്ട​ർ തു​റ​ക്കും. ഘ​ട്ടം ഘ​ട്ട​മാ​യി റി​സ​ർ​വേ​ഷ​ൻ വി​ൽ​പ​ന സ്വ​കാ​ര്യ​വ​ത്ക​രി​ക്കു​ന്ന​തി​ന്റെ ഭാ​ഗ​മാ​യാ​ണ് ചി​ല സ്റ്റേ​ഷ​നു​ക​ളി​ൽ അ​തി​ന് തു​ട​ക്ക​മി​ട്ട​തെ​ന്നാ​ണ് കി​ട്ടി​യ വി​വ​രം. റി​സ​ർ​വേ​ഷ​ൻ കൗ​ണ്ട​ർ അ​ട​ക്കാ​നു​ള്ള ന​ട​പ​ടി​യു​ടെ സൂ​ച​ന നേ​ര​ത്തേ ല​ഭി​ച്ച രാ​ജ്‌​മോ​ഹ​ൻ ഉ​ണ്ണി​ത്താ​ൻ എം.​പി വി​വി​ധ കാ​ര​ണ​ങ്ങ​ൾ നി​ര​ത്തി കോ​ട്ടി​ക്കു​ള​ത്തെ റി​സ​ർ​വേ​ഷ​ൻ സൗ​ക​ര്യം നി​ല​നി​ർ​ത്ത​ണ​മെ​ന്ന് ന​വം​ബ​ർ 19 ന് ​ചെ​ന്നൈ​യി​ലെ സ​തേ​ൺ റെ​യി​ൽ​വേ ജ​ന​റ​ൽ മാ​നേ​ജ​ർ​ക്കും ഡി​വി​ഷ​ന​ൽ റെ​യി​ൽ​വേ മാ​നേ​ജ​ർ​ക്കും ക​ത്തു​ക​ൾ ന​ൽ​കി​യി​രു​ന്ന​തും പ​രി​ഗ​ണി​ക്കാ​തെ​യാ​ണ്‌ റെ​യി​ൽ​വേ​യു​ടെ ഇ​പ്പോ​ഴ​ത്തെ ഈ ​ന​ട​പ​ടി.

ബേ​ക്ക​ൽ കോ​ട്ട​യി​ലേ​ക്ക് വ​രു​ന്ന നൂ​റ് ക​ണ​ക്കി​ന് യാ​ത്ര​ക്കാ​ർ ഉ​പ​യോ​ഗി​ച്ചു വ​രു​ന്ന കോ​ട്ടി​ക്കു​ളം റെ​യി​ൽ​വേ സ്റ്റേ​ഷ​നി​ൽ 15 മു​ത​ൽ റി​സ​ർ​വേ​ഷ​ൻ സൗ​ക​ര്യം എ​ടു​ത്തു​ക​ള​ഞ്ഞ​തി​ൽ സി.​എ​ച്ച്. കു​ഞ്ഞ​മ്പു എം.​എ​ൽ.​എ പ്ര​തി​ഷേ​ധി​ച്ചു.

ടൂ​റി​സ വി​ക​സ​ന​വു​മാ​യി ബന്ധപ്പെടുത്തി കോ​ട്ടി​ക്കു​ള​ത്തെ പ്ര​ധാ​ന​സ്റ്റേ​ഷ​നാ​യി ഉ​യ​ർ​ത്തി കൂ​ടു​ത​ൽ​ ട്രെയിനു​ക​ൾ​ക്ക് സ്റ്റോ​പ്പ്‌ അ​നു​വ​ദി​ക്കു​ന്ന​തി​നു പ​ക​രം നി​ല​വി​ലു​ള്ള സൗ​ക​ര്യം പോ​ലും എ​ടു​ത്തു ക​ള​യു​ന്ന​ത് റെ​യി​ൽ​വേ​യു​ടെ തെ​റ്റാ​യ ന​ട​പ​ടി​യാ​ണെ​ന്ന് അ​ദ്ദേ​ഹം കു​റ്റ​പ്പെ​ടു​ത്തി.