Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightകാസർകോട്​ മെഡിക്കൽ...

കാസർകോട്​ മെഡിക്കൽ കോളജ്: 193 കോടിയുടെ പദ്ധതി മെഡിക്കൽ വിദ്യാഭ്യാസ ഡയറക്​ടർക്കു മുന്നിൽ

text_fields
bookmark_border
kasaragode med college building
cancel
camera_alt

പ്രവൃത്തി പുരോഗമിക്കുന്ന മെഡിക്കൽ കോളജ്​ ആശുപത്രി സമുച്ചയം

കാസർകോട്​: ഗവ. മെഡിക്കൽ കോളജി​െൻറ ആശുപത്രി കെട്ടിട നിർമാണത്തിന്​ കിഫ്​ബിയിൽ ഉൾ​​പ്പെടുത്തിയ 193.16കോടിയുടെ പദ്ധതി ഫയൽ മെഡിക്കൽ വിദ്യാഭ്യാസ ഡയറക്​ടറുടെ അംഗീകാരത്തിന്​ വിട്ടു. ആരോഗ്യവകുപ്പി​െൻറ സാ​േങ്കതിക കമ്മിറ്റി പരിശോധന പൂർത്തിയാക്കിയശേഷമാണ്​ മെഡിക്കൽ വിദ്യാഭ്യാസ ഡയറക്​ടർക്ക്​ ഫയൽ കൈമാറിയത്​. സാ​േങ്കതിക കമ്മിറ്റി അംഗീകാരത്തിന്​ മാസങ്ങളാണ്​ കാത്തിരിക്കേണ്ടി വന്നത്​. ഫയലിൽ തീരുമാനം വരാൻ ഇനിയും വൈകുമെന്നാണ്​ സൂചന.

മെഡിക്കൽ കോളജ്​ നിർമാണത്തിന്​ കിറ്റ്​കോ എന്ന ഏജൻസിയെയാണ്​ സർക്കാർ നിയോഗിച്ചത്​. കാസർകോട്​ വികസന പാക്കേജ്​ തുക, നബാർഡ്​ വായ്​പ എന്നിവ ഉപയോഗിച്ചാണ്​ നിർമാണം. കിഫ്​ബിയിൽ ഉൾപ്പെടുത്തി നിർവഹിക്കുന്ന 193 കോടിയുടെ പദ്ധതി കിറ്റ്​കോ മാസങ്ങൾക്കു​മു​േമ്പ സർക്കാറിന്​ സമർപ്പിച്ചിരുന്നു. ആരോഗ്യവകുപ്പി​െൻറ സാ​േങ്കതിക കമ്മിറ്റിക്കു​ സമർപ്പിച്ച ഫയലിൽ മാസങ്ങൾ എടുത്തശേഷമാണ്​ അനുമതി ലഭിച്ചത്​.

കാസർകോട്​ വികസന ​പാക്കേജിൽനിന്നും ഹോസ്​റ്റൽ, ക്വാർ​േട്ടഴ്​സ്​ കെട്ടിടത്തിന്​ അനുവദിച്ച 29.01കോടിയുടെ പദ്ധതിയിലും തീരുമാനം നീളുകയാണ്​. ഇൗ ഫയലും ആരോഗ്യവകുപ്പി​െൻറ സാ​േങ്കതിക കമ്മിറ്റി മുമ്പാകെ അനുമതിക്കായി കാത്തിരിക്കയാണ്​. ചുരുക്കത്തിൽ കാസർകോട്​ മെഡിക്കൽ കോളജി​െൻറ പ്രവൃത്തി ഇനിയും നീളാനാണ്​ സാധ്യത.

2013 നവംബർ 30ന്​ തറക്കല്ലിട്ട കോളജി​െൻറ അക്കാദമിക്​ ബ്ലോക്ക്​ മാത്രമാണ്​ ആകെ പൂർത്തിയായത്​. ആശുപത്രി സമുച്ചയത്തി​െൻറ ശിലാസ്​ഥാപനം 2018 നവംബർ 25ന്​ മുഖ്യമന്ത്രി പിണറായി വിജയനും നിർവഹിച്ചു. 67ഏക്കറിൽ 500 ബെഡുകളുള്ള ആശുപത്രിയാണ്​ ലക്ഷ്യം.

193കോടിയുടെ പദ്ധതിക്ക്​ അനുമതി ലഭിക്കാത്തതിനാൽ പ്രവ​ൃത്തി എന്നു പൂർത്തീകരിക്കാൻ കഴിയുമെന്ന്​ ആർക്കും പ്രവചിക്കാൻ കഴിയാത്ത അവസ്​ഥയാണ്​. കാസർകോടിനൊപ്പം പ്രഖ്യാപിച്ച മറ്റ്​ മെഡിക്കൽ കോളജുകൾ ഏറക്കുറെ പൂർത്തിയായിട്ടും വിവിധ സാ​േങ്കതിക അനുമതികളിൽ കുടുങ്ങിക്കിടക്കുകയാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Kasaragod Medical CollegeDirector of Medical Education
News Summary - Kasaragod Medical College: 193 crore project before the Director of Medical Education
Next Story